# Hội Nhà báo TPHCM bahrau peih briuk jao Giải thưởng Báo chí bal raya thun 2018 ka 66 tác phẩm báo chí. 66 tác phẩm hu pok brei giải thun ini daok dalam 5 thể loại báo chí, dalam nan hu 5 giải nhất, 15 giải nhì, 21 giải ba saong 25 giải khuyến khích. Ngan haong 180 jabat báo chí daok angaok bal, meda ndom lac, bal raya HCM nan lac labik hu bruk ngak báo biak sôi động abih dalam negar. Dom tác phẩm hu mbaok tame giải báo chí bal raya HCM hu brei mboh abih rai diuk, bruk ngak mbang ngak huak; taphia di nan đề xuất, ba tabiak ralo jalan ngak piah cakrok patagok bal raya, khik kajap vai trò ba akaok nao dahlau dalam bruk ngak mbang kinh tế di taneh aia.

# Ban Đà  Nẵng hu labaih 5000 urang njauk jru mek kalik truac, dalam nan hu 1.400 uranaih. Dom thun tapa, Kapul urang njauk jru mek kalik truac ban Da Nang hu jak ba don jabat pahla, urang hảo tâm rik daong labaih 60 tỷ đồng daong urang njauk jru mek kalik truac. Kapul hu pambuak bruk saong karja puk plei dak padang barau labaih 300 baoh sang anit ranam, daong phương tiện sinh kế; daong brei jien daong sang urang njauk jru mek kalik truac patagok ngak mbang. Yaok rabau sruh radaih lăn saong pandap jeng ba nao tal tangin urang njauk jru mek kalik truac, daong dom adei mbeik drei tame bhapbini.

# Uỷ ban bhap bani bal Nha Trang bahrau nao pasang iek, duah mboh ralo labik hu biển quảng cáo pandar sap negar langiu suan adat hukum. Ralo labik blaoh saong daok duah jalan đối phó haong jabat chức năng. Tapa dua mbang pasang iek, jabat chức năng duah mboh 250 trường hợp ngak suan adat hukum ka biển hiệu, biển quảng cáo tok vak akhar negar langiu bo oh hu akhar Việt, akhar negar langiu tapa khổ ¾ akhar Việt angaok biển hiệu, taong phạt 175 triệu đồng.

# Dalam 5 bilan akaok thun, dalam taneh ia hu ba labaih 47.200 urang ngak nao ngak bruk di taneh ia lingiu, hu 42,95% bruk ba tabiak dalam thun 2018. Dalam nan, Đài Loan (Trung Quốc) daok lac darak pasal ba akaok taduan mek urang ngak Việt Nam, ngan saong jaik 25.000 urang. Patui di nan lac darak pasal Nhật Bản, labaih 17.200 urang; Hàn Quốc, labaih 2.200 urang; Ả rập Xê út labaih 800 urang saong dom darak karei lac Algeria; Malaysia; Rumania... 

       # Sở Ilamo, Padih saong rivang ma-in Cần Thơ bahrau peih ngak Nyaom pakacah klup kapul baoh sang ngan haong kadha “Baoh sang haniem phol” pahdar 17 thun harei baoh sang Việt Nam (28/6/2001-28/6/2018), ngan haong bruk hu mbaok di labaih 60 diễn viên mai meng 9 klup kapul baoh sang naih gheih di 9 quận, huyện dalam bal. Ini lac dom diễn viên oh chuyên min gilac hu ralo ilamu dalam bruk pathau khan dom jalan ba di Đảng, sarak hukum di karja tal bhap bani. 

  Khaw tin dunya

# Javap calei tangi sua di báo chí dahlau mbang ravang Nga, Tổng thống Hàn Quốc Mun Chê-in ndom lac, dom jalan ống meda hu padang ngak piah ba khí đốt di Nga tapa Triều Tiên, Hàn Quốc saong hu tukvak tal Nhật Bản hadei tuk talei pambuak bruk ngoại giao saong Triều Tiên hu pasiam. Jeng tui Tổng thống Hàn Quốc, bruk ramik pasiam jalan radaih apui liên Triều saong pambuak pagam haong jalan radaih apui tapa Xi-bê-ri (Siberia) meda ba jalan ka vận tải jalan mbak meng Hàn Quốc tapa châu Âu. Bruk ini hu ba mai lợi ích kinh tế praong ka Hàn Quốc saong Nga. Tui kuhria, Tổng thống Hàn Quốc Mun Chê-in saong  Tổng thống Nga Vla-đi-mia Pu-tin (Vladimir Putin) meda hu mbang ginum biai di harei 22/6 di Nga.

# Dom urang daong duah urang njauk bala Inđônêsia daok patui veik bruk duah urang lahik hadei di mbang karam gilai di harei 18/6. Sruh gilai pajeng tuai di binek Tô-ba, gah Barak Su-ma-tra, njauk baleik kayua gaok angin prong. Tui urang jakar Inđônêsia, tal ini hu blaoh 18 urang daong veih hu, 4 urang metau duah hu tau saong urang lahik tagok tal 192 urang.

# Akaok mintri Thương mại Mỹ Uyn-bơ Rốts ndom lac, rajaei taneh ia meda khik bruk kak je glaong ka pandap panda blei tame di Trung Quốc, trừ phi Trung Quốc padheih bruk ieu lac ngak mbang pablei salih oh công bằng. Brei panuac di mbang điều trần di Thượng viện, ông Uyn-bơ Rốts khan lac Mỹ meda ngak catang taneh ia halei ngak mbang oh njauk. Karja Tổng thống Mỹ Đô-nan Trăm adit dahlau khan meda kateik kak je 25% tagok dom pandap panda blei tame di Trung Quốc yaom jien tagok tal 50 tỷ đôla kuhria meng harei 06/7./.