# Thủ tướng raja-ei bahrau tabiak danak dak tổng thể di raja-ei ka bruk patak pataom, pacang palai pajua thun 2018. Jalan ngak di bruk patak pataom, pacang palai pajua thun 2018 nan lac patui veik jul pakhang bruk patak pataom, pacang palai pajua dalam yaok gah di  kinh tế - xã hội; peih ngak siam bruk patak pataom pacang palai paju, pataom tame padang dom jalan ngak paglaong siam mekre bruk patak pataom, pacang palai pajua piah tagok glaong abihdom pren khang piah peih ngak dom bruk cakrok patagok kinh tế, grap tanat rai diuk di bhap bani, khik kajap an sinh xã hội. 

    # Labaih  200 rituh ha taneh ngak nong  di mik va xã Nhị Hà và Phước Hà di  huyện Thuận Nam, tỉnh Ninh Thuận  dok klak saoh kayua oh hu ia pala drak. Tui amuk Võ Kim Sơn, Chủ tịch Ubbhap bini xã Nhị Hà, Ubbhap bini  huyện Thuận Nam tacei  oh brei ia pruh piah mek veik taneh dok meriak gauk, taneh klak saoh, taneh glai njauk urang lih mek tui panuac di Ub bhap bini tỉnh Ninh Thuận.

# Harei 22/2 (lac harei 7 bingun  Tết), pak Bình Dương, urang ngak mai ngak bruk veik hadei di padeih Tết tok hu jaik 25% dalam abih tih urang ngak di tỉnh, tagok 5% dut haong tukvak ini thun dahlau. Daok dom khu công nghiệp dalam tỉnh, manuac urang mai ngak bruk veik hu jaik 40%). Langiu di dom sarak "khik takai" jeng yau thưởng ka urang ngak tuk mai ngak veik njauk tukvak hadei di padeih Tết, dom doanh nghiệp dalam tỉnh jeng jeng tabiak panuac tuyển dụng  chip urang ngak. 

#Tui Ban khik ramik dom khu công nghiệp Đồng Nai, urak ni hu 2 dalam 3 dom doanh nghiệp dok dalam tỉnh ni daok ngak bruk veik, urang ngak mai ngak bruk veiok hu labaih 90%. Hu yau nan lac kayua  rilo doanh nghiệp hu urang ngak rilo hu peih bruk pajeng công nhân nao palei mbang Tết, nan ye nao mai njauk tuk ngak bruk. Dom doanh nghiệp oh ka ngak bruk kayua ba tabiak tuk ngak bruk veik meng harei 26/2 (lac harei  11 bilan sa).

# Harei ini (23/2), dhar kapul ilamu nghệ thuật bangsa Chăm dalam Hội Văn học Nghệ thuật dom bangsa takik bal raya Hồ Chí Minh peih bruk taom mbaok akaok thun bahrau Mậu Tuất 2018. Pak ini, Tiến sĩ Phú Văn Hẳn – Akaok dhar kapul ilamu Nghệ thuật Bangsa Cam hu pataom iek veik dom bruk ngak hu di dhar kapul dalam thun 2017 yau: hu ngak salah blaoh bản thảo bộ tài liệu pato saong bac sap Chăm Nam bộ; bản thảo “Adaoh tamia bhap bani Cam Nam bộ”; inelang labaih 4.000 baoh panuac Cam – Yuan, Yuan – Cam Nam bộ…Dalam thun 2018 ini, dhar kapul ilamu Nghệ thuật bangsa cam patui veik đề xuất, pambuak haong dom ban nghành pagam tal piah patabiak dom công trình nan.

Patui di ni dom khau tin dunya:

# Kapul  môi trường Hòa bình Xanh harei  22/2, hu panuac ieu Thủ tướng Thái Lan Pray-ut Chan Ô-cha langyah bruk  khủng hoảng nerak không khí di ban ine Băng-cốc. Panuac ieu hu ba tabiak dom adit hadei di tuk jabat tui iek nerak  di Thái Lan khan lac chất lượng không khí di ban Băng-cốc gaok tal tanut nguy hiểm.Nerak không khí dok jeng sa bruk praong dang akaok abih di Băng-cốc, sa dalam dom ban du lịch hu takre abih di dunya, Min jiak di ni rilo menuac urang duh hatai ka bruk bak suak.

# Kapul Bác sĩ oh hu biên giới brei thau, yaok triệu menuac lac nạn nhân di kol Bô-cô Ha-ram di đông bắc Ni-giê-ri-a daok diuk rai dalam kan kandah saong tok thau pambak tame bruk daong brei di gah langiu. Dom bruk methuh guak gam gam rah tabiak ngak ka dom urang nan gar veik di bang Bo-nô. Liên hợp quốc hu panuac iew daong brei sa tỷ USD dalam thun 2018 piah daong 6,1 triệu menuac lac nạn nhân di Bô-cô Ha-ram pak Ni-giê-ri-a.

# Tui gilang pariak patagok châu Á, tanut tagok kinh tế di bhum châu Ádalam thun 2018 tui kuhria hu 5,8%. Nam Á dok hu bruk tagok samar abih dalam dom bhum di châu Á-Thái Bình Dương, tagok 6,5% dalam thun 2017 song hu cong lac mek hu 7% dalam thun 2018. Dalam tuk nan, tanut tagok kinh tế di Trung Quốc, gah kinh tế prong ka 2 di dunya, meda hu  6,4% dalam thun 2018./.