# UB bhap bani tỉnh Bến Tre saong UB bhap bani bal raya Hồ Chí Minh bahrau peih nyaom biai pataom iek danak dak pambuak bruk ngak mbang kinh tế - xã hội vaktu 2009 – 2017 saong mboh tangin tame harak pambuak bruk tukvak 2018 – 2021. Dua tỉnh bal ini patui veik sanya pambuak bruk ngan haong 15 asal kadha piah jhul pakhang taong abih gah, patagok pren khang di yaok puk palei, ngak brei cakrok patagok bhum kinh tế prong di gah meraong, pabak jalan cakrok patagok saong yam tame hội nhập.

# Sở Y tế Đắk Lắk barau brei kapul  pasang iek nao tal xã Cư Pui, huyện Krông Bông piah pasang iek dom anek saih kumei urang bangsa takik hu biểu hiện biak karei. Tapa brei thau akaok mereip lac hu 6 urang anek saih sang bac pakat sa di xã Cư Pui biểu hiện, takre nduac tabiak craoh atau mbon ceik, oh thau lac drei ngak hagait. Tapa pasang iek akaok mereip di pasak y tế dự phòng huyện, 6 anek saih nan meda gaok ruak rối loạn phân ly tập thể. 

# Ong Bá Văn Cảnh, Akaok UB bhap bani xã Phước Nam, huyện Thuận Nam, tỉnh Ninh Thuận brei thau, urang nong pak ini daok trun pajaih 418 ha padai bilan đông xuân 2017-2018 caga hu aia meng thủy lợi binek Tân Giang, Sông Biêu saong Bàu Ngứ. Dalam nan hu 117 ha padai ngak tui mô hình mblang hamu prong  hu mbaok di 338 baoh sang di dom palei Văn Lâm 1, Văn Lâm 2, Văn Lâm 3.

# Uy mban bhapbini tỉnh Bình Thuận barau hu harak tacei pato dom huyen, ban sit, dom sở, mban nganh dalam tỉnh paglaong bruk khik caga trật tự an toàn jalan mbak tuk Tết Dương lịch, Tết Nguyên đán Mậu Tuất saong Lễ hội xuân thun 2018. Uy mban bhapnini tỉnh pandar Công an tỉnh langyah catang dom  radaih pajeng rilo menuac jang, tagok yaom vé, ba urang ndik radaih tapa radaih karei suan hukum; xử lý dom urang ngak suan quy định nồng độ cồn, tốc độ; pasang iek, xử lý radaih tapa tukvak đăng kiểm, abih tukvak brei adat ndik di angaok jalan.

# Tỉnh Đồng Nai bahrau peih nyaom biai hội đồng phản biện đề án quy hoạch cakrok patagok bruk rivang ma-in Khu khik ramik Thiên nhiên – ilamo Ðồng Nai (Khu khik ramik) tal thun 2030. Hadei di pang dom chuyên gia, urang ilamu, lambaok dom sở, ngành saong puk palei ginum biai, ndom puac nao mai saong phản biện dom asal kadha di đề án, Paok akaok UB bhap bani tỉnh Nguyễn Hòa Hiệp, Akaok hội đồng thẩm định pandar po đề án pasang iek veik biak tanit tanat blaoh pathau khan veik. Dalam nan, đề án njauk pambuak pagam haong bruk  khik caga glai, khik tamo taneh glai.

# Dalam tỉnh Bình Phước urak ini hu 8 agama hu brei tư cách pháp nhân ngan saong 303 cơ sở agama, 296 chức sắc, 500 tu sĩ, 1.976 chức việc, 233.135 tín đồ. Tukvak tapa, bruk ngak di dom agama tani tanat, ngak njauk adat hukum. Dom bruk pok bruk, pok phẩm, salih bruk, pok brei libik ngak rah tabiak gam gam, oh tamuh tabiak bruk ngak jhak tal an ninh chính trị, trật tự an toàn xã hội.

# UB bhap bani bal raya HCM bahrau tabiak harak brei thau bruk tuan hala dok negar saong padeih Tết Dương lịch 2018. Urang jakar, urang ngak di dom jabat hành chính, sự nghiệp, kapul nyaom chính trị, tổ chức chính trị xã hội hu padeih Tết Dương lịch dalam 3 harei gam, meng 30/12/2017 tal abih harei 1/1/2018. Harak  brei thau di UB bhap bani bal raya HCM jeng ndom lac: Jabat, sang bac, xí nghiệp, sang iek ruak, bol lin pal phao krong saong dom baoh sang bhap bani tual hala dok Negar dalam harei 1/1/2018.

Khaw tin dunya

# Hội đồng karja tỉnh Okinawa di Nhật Bản barau njauk hatai gauk ba tabiak bruk pandar bol bala Mỹ padheih dom bruk ngak di taong abih kapal haok quân sự vil val sang bac saong sang iek ruak dalam tỉnh ini. Bruk ini hu ba tabiak hadei tuk sa pandap meng sruh kapal haok trực thăng CH-53E di Mỹ laik trun dalam sa sang bac pakat sa di ban Ginowan, tỉnh Okinawa ngak ka sa anek saih njauk rambuais.

# Hạ viện Mỹ bahrau brei tapa dự luật hu yaom 81 tỉ đôla Mỹ piah daong ka bruk pasiam veik hadei di ribuk saong apui khuah glai dalam thun ini. Dự luật hu brei tapa  meda daong ka Pu-ê-tô Rích-cô (Puerto Rico) saong dom bang di Mỹ padang ngak pasiam veik hadei di bala meng langik tasik. Dự luật meda hu ba tagok Thượng viện saong tui kuhria meda brei tapa dalam adit ini.

# Chủ tịch Cuba Ra-un Ca-xtrô barau brei thau, meda padheih bruk ngak di drei di bilan 4 thun 2018, tuk jabat lập pháp taneh ia barau hu pataom tame piah pilih ruah sa urang dang akaok barau. Khan brei thau di harei peih pakak Quốc hội di ban ine La Ha-ba-na, Chủ tịch Ra-un Ca-xtrô ndom lac, ông meda padheih tukvak mbang 2 di drei tuk Quốc hội khóa barau pataom tame. Tui ông, taneh ia Cuba hu yam tgaok sa tukvak bo rairah urang dang akaok urak ini njauk jao bruk ka rairah ranaih umo jang./.

                                                                                    Jasi/VOV-TP.HCM