# Tui pasak Dự báo Khí tượng Thủy văn Trung ương, meng jalan pandiak harei  25-12, bhum tasik dom tỉnh meng Bà Rịa-Vũng Tàu đến Cà Mau (dalam nan hu gam Côn Đảo) hu angin khang tagok pakat 8, hadei di nan tagok pakat 9-10, ndoh pakat 13. Dalam taneh haluk dom tỉnh Sóc Trăng, Hậu Giang, Bạc Liêu, Cà Mau hu angin khang pakat 8-9, ndoh pakat 12.

# Tỉnh Bến Tre barau ba jaik 22 rabau urang tame libik plaih ribuk dalam pagaiy harei 25/12. Di sang plaih ribuk xã Thới Thuận, huyện Bình Đại tỉnh Bến Tre mboh bhapbini daok ba gauk tame libik plaih ribuk. Lingik daok hajan praong, angin khang jang. Mban tacei pato pacang caga bala saong duah daong urang njauk bala daok ba dom urang daok veik mai libik an toàn.

# Bí thư Tỉnh ủy Quảng Bình, ong Hoàng Đăng Quang bahrau tabiak công văn ka bruk pasiam veik, patagok bruk khik iek radaih ô tô công vụ dalam tỉnh. Radaih ô tô công tok hu pandar, duh ka dom bruk ngak di jabat. Meyah pandar radaih oh njauk bruk ye urang dang akaok jabat njauk kiểm điểm tui adat hukum. 

# Di hội trường sang bac Đại học Giao thông jalan mbak -Matxcơva, barau rah tabiak danadak  daoh tamia “daoh hamiet khúc quân hành”.  Danakdak hu ngak brei medheih tagok hatai tự hào di yaok urang taneh ia Việt daok diukrai, bac megru, ngak bruk di Nga ka dom thun bilan hào hùng di bol bala, ka bruk daong abih hatai di taneh ia Liên Xô saong thaot binguk saai bộ đội cụ Hồ khang hatai min biak anit ranam.

# Dalam dom bruk di Festival Bingu Đà Lạt mbang ka VII thun 2017, hu rah tabiak danak dak “Melam pataom alak Vang Đà Lạt”, pachreih hu yaok ribau bhap bani dalam tỉnh jeng yau tuai damuai hu mbaok tame. Công ty cổ phần pandap mbang menyum Lâm Đồng hu ba mai ka melam pataom jaik 700 lít alak vang Đà Lạt, hu caga meng 1 thun dahlau.

# Dom hãng kapal haok: Vietnam Airlines, Jetstar Pacific saong VASCO kakei tuai daok hu bruk nao mai meng dom mblang par: Tân Sơn Nhất, Phú Quốc, Cần Thơ, Liên Khương (Đà Lạt), Cam Ranh (Khánh Hòa), abih di nyu nan lac 3 mblang par Côn Sơn (Côn Đảo), Rạch Giá (Kiên Giang), Cà Mau di tukvak ini gam gam pasang iek, tui pang bruk lingik tasik saong panuac khan di hãng piah caga ka bruk nao mai.

# Công ty sữa Cô gái Hà Lan bahrau alin brei 20 drei limo binai pajaih yaom  200 triệu đồng ka 10 baoh sang urang nong kathaot dalam xã Đạ Rsal saong 10 baoh sang dalam xã Liêng Srônh, huyện Đam Rông, tỉnh Lâm Đồng. Dalam thun 2017, Công ty sữa Cô gái Hà Lan hu pok brei 80 drei limo binai menek (yaom 800 triệu đồng) ka 80 baoh sang urang nong kathaot di 8 xã dalam huyện Đam Rông, tỉnh Lâm Đồng. Ini lac mbang ka 6 Công ty sữa Cô gái Hà Lan hu mbaok tame danak dak ngan haong hatai caong khin daong pren saong daong ka dom baoh sang urang nong kathaot dalam negar.

Khaw tin dunya

# Dalam panuac payua nao dalam tuk Giáng sinh, patao Tây Ban Nha Phi-líp-pê ieu dom urang dang akaok, barau hu pilih ruah di Ca-ta-lô-nhi-a dalam mbang pilih ruah puk palei di adit dahlau, langyah dom bruk bo bhum tự trị ini daok dang anak tui jalan iek praong “đa số saong sahneng kuhria hu trách nhiệm ngan saong dom kein laba di taneh ia.”

# Mentri Pajeng ba Tuy-ni-di bahrau brei thau bruk pakauk taong abih hãng kapal haok di dom Tiểu vương quốc A Rập thống nhất par trun taneh aia ini. Bruk nan hu ba tabiak 2 harei hadei di tuk dom urang jakar di Raja-ei Tuy-ni-di brei thau, dom Tiểu vương quốc A Rập thống nhất  pakauk dom urang Tuy-ni-di hu par atau nao tapa negar ini.

# Thủ tướng barau di taneh ia Áo Xê-bát-chiên Cút barau hu panuac ieu Liên minh châu Âu (EU) samal padheih bruk parabha hạn ngạch urang tị nạn ka dom taneh ia thành viên saong njauk sahaneng tal bruk quân sự di libik tamuh tabiak di urang tị nạn./.