# Thủ tướng bahrau tabiak Quyết định 1138 harei 25/6/2016 pasiam pabak Điều 1 di Quyết định 772 harei 9/5/2016 ka bruk daong brei chip ka urang taong ikan Hà Tĩnh, Quảng Bình, Quảng Trị, Thừa Thiên-Huế gaok kan kandah kayua kaya ikan dalam aia metai. Cambaih laih nan lac daong 15 kg brah ka sa urang sa bilan dalam 6 tháng ngan haong dom urang dalam baoh sang po gilai saong baoh sang urang ngak angaok gilai taong mek kaya ikan tapen tasik.

    # UB ka dom bruk XH di QH hu peih ginum biai “ UB ka dom bruk XH ngan song sarak hukum jhul patagok song công bằng XH” Chủ tịch Quốc hội Nguyễn Thị Kim Ngân mai hu mbaok saong ndom lac: hội thảo lac  tuk piah mong iek veik, klah rabha dom jak jeng angaok jalan padang ngak song dak harei dak pasiam sarak piah jhul pakhang dom bruk tiến bộ song công bằng xh kayua anek menuac.  Taong abih dom sarak XH jeng piah padang ngak, patagok song ba mai rai duik haniem phol ka anek menuac.

     # Meng harei 23 tal harei 26/6, kapul urang lambaok Đảng drei kayua ong Hoàng Bình Quân, ủy viên Trung ương Đảng, Akaok Ban Đối ngoại Trung ương ba akaok, hu mbang nao rivang saong ngak bruk pak El Salvador saong hu mbaok tame Diễn đàn Sao Paulo mbang ka 22 piah brei mboh bruk gul pataom, jhul patagok saong cakrok prong dalam talei rohim pambuak bruk nao mai haong dom chính đảng di Mỹ La tinh saong Caribe. Hu mbaok tame diễn đàn hu jaik 500 urang lambaok mai meng 103 đảng, kapul nyaom chính trị meng labaih 20 taneh aia angaok dunya.

    # Kapul ngak bruk di mintri jalan mbak pajeng ba kayua akaok mintri Trương Quang Nghĩa pan akaok hu var ngak bruk sing UB bhap bini tỉnh Cà Mau. Urak ni Cà Mau tagok labaih 2.100 km jalan mbak song padang ngak labaih 1.600 tatua puk palei, 17 xã mek hu angan palei pala bahrau.

     # Uỷ ban bhap bani Bal raya Hồ Chí Minh saong Tập đoàn Trung Nam hu peih ngak Dự án pacang caga aia dauk kayua aia ndik labik Bal raya Hồ Chí Minh hu kuhria tal biến đổi khí hậu (tukvak ka 1). Dự án hu yaom jien buh tame ngak jaik 10 ribau tỷ đồng, tui jalan BT (padang ngaj – panduan jao), tukvak ngak salah blaoh tui kuhria nan lac 36 bilan. Dự án hu ngak piah pacang hu aia ndik saong caga biến đổi khí hậu ka labik praong 570 km2 gam haong jaik 6,5 triệu bhap bani daok dalam labik gah hanuk takai krong Sài Gòn saong Pasak bal raya.

     # Meng akqaok thun tal ni, di tỉnh Quảng ngãi hu 5 mbang khuak glai khat lihik jiak 6 ha. Taneh glai khuak rilo meng lac glai pala di dom huyện bhum ceik   Tây Trà, Sơn Tây, Sơn Hà.  Dom mbang khuak glai lac kayua urang am thực bì. Chi cục Kiểm lâm tỉnh Quảng Ngãi brei thau, bruk khuak glai di tỉnh QN dok di pakat 5. Meng ni tal PUAC thun langik biak kan kandah yau nan ye, Chi cục dok peih ngak dom jalan pacang caga khuak piah patrun patakik khuah jang thun bloh.  

     # Cảnh sát Pacang khuah padam khuah tỉnh Lâm Đồng brei thau hu pataom yaok pluh urang jakar urang lin song ralo phương tiện piah duah 3 urang njauk tabaleik gilai angaok binek thủy điện Đại Ninh, huyện Đức Trọng, Lâm Đồng harei 26-6.  Tui duah thau, dom urang njauk bala hadei di tuk payua radaih hu nao gilai tapa lòng hồ min oh cuk ao phao cứu sinh. Urak ini gah daong duah hu khoanh vùng piah duah urang lahik.

     Patui di ni dom khau tin dunya:

    # Yaom pandap mbang menyum tui kuhria tagok gloang hadei di tuk Anh plaih phiếu tabiak truh Liên minh châu Âu (EU) kayua bruk lệ thuộc di negar ni tame nhập kkha63usong bruk trun yaom di đồng bảng Anh. Tapa trưng cầu ý dân bahrau rah tabiak ngak ka BRUK urang nong di Anh urak ni dok taduan labaih 3 tỉ bảng Anh jien dong yaok thun meng EU meda gaok kan kandah. Yaom pandap mbang menyum di Anh meda tagok glong kayua Anh dok blei pandap mbang menyum meng Châu âu, saong  đồng bảng Anh trun yaom di tanut beir abih dalam 31 thun ini mai. Đồng bảng Anh trun yaom  ngak ka pandap nhập khẩu tagok yaom. 

     # I-xra-en saong Thổ Nhỹ Kỳ njauk gauk brei pasiam veik talei pambuak bruk hadei di 6 thun klaoh nao. Bruk njauk gauk nan mek hu pak bal ine Rô-ma (Rome) di Ý, labik Thủ tướng I-xra-en Nê-ta-ni-a-hu (Netanyahu) jeng daok hu mbaok piah kuhria caga ka mbang taom gaok haong Ngoại trưởng Mỹ Giôn Ke-ri (John Kerry). Asal kadha di bruk njauk gauk nan tui kuhria meda brei thau di harei 27/6. Talei rohim di I-xra-en saong Thổ Nhỹ Kỳ nyu trun biak trak hadei di bruk lin Israel taong tame sa đoàn tàu di dom urang ngak bruk brei ka sron mbon dunya duah jalan peih talaih bruk pacang cakak bo I-xra-en peih ngak angaok dải Gaza meng bilan 5/2010. Mbng tấn công ngak ka 10 urang Thổ Nhĩ Kỳ metai, dalam nan 9 urang metai pak labik nan.

     # CPC peih bruk am klak labaih 1,5 tấn cần sa, methamphetamine, heroin  chap mek hu dalam dom mbang mesruh pacang kol tội phạm ma túy.  Phó Thủ tướng Campuchia Ke Kim Yan gam lac urang dang akaok jabat pacang caga ma túy pakat negar brei thau, ma tuy njauk am klak mbang ni hu 1,49 tấn cần sa thu, 1,5 kg menyek cần sa, 67,4 4 kg methamphetamine song 0,34 kg heroin. Dalam thun 2015, gah an ninh CPC chap hu 3.061 vụ án, chap khik 7.008 urang song chap mek 1.6 tấn ma túy./.