# Bal Đà Nẵng buh tabiak labaih 800 tỷ đồng blei pandap piah pablei  tuk Tết Mậu Tuất 2018. Urak ini hu 10 doanh nghiệp, jabat dalam bal tut angan blei piah dom janih pandap panda duh ka darak pasa Tết ngan haong yaom jien abih tih jaik 180 tỷ đồng.

# Meng thun akaok meti tame ngak bruk saong brei tabiak pandap pablei salih, sang mac Alumin Nhân Cơ di Công ty Nhôm Đắk Nông – TKV) ngak tabiak hu 501.000 tấn alumin (quy đổi), tagok 104% duk saong bruk jao brei. Ini hu maong lac jalan nao ka gah công nghiệp khai thác, chế biến bôxít di Tây Nguyên, rik daong praong tame bruk patagok kinh tế - xã hội di Đắk Nông

# Piah pabak bruk nao mai di urang ngak, anek saih saong bhap bani dalam tỉnh tuk Tết Nguyên đán Mậu Tuất 2018, UB bhap bani tỉnh Đồng Nai pandar dom jabat pambuak pagam tal khik caga siam mekre, tani tanat bruk nao mai angaok jalan mbak ba ralo sruh radaih pajeng ba bhap bani nao palei mbang Tết... 

# Hadei di tuk mai sang veik meng libik plaih ribuk ka 16, urang bhapnini tapeng tasik tỉnh Sóc Trăng daok ba gauk tame ngak mbang. Rah tui jalan roya Nam sông Hậu, urang bhapnini di dua palei tapeng tasik di tỉnh Sóc Trăng lac ban sit Vĩnh Châu saong huyện Trần Đề hadei tuk mai sang veik daok samal tabiak hamu, puh piah pala drak ka sang di drei.

# UB bhap bani tỉnh Cà Mau hu harak pathau khan samar drah ka bruk brei adat ka ghe gilai taong mek ikan tabiak tasik veik. Taphia di nan, harak pathau khan ini jeng pandar Bộ Chỉ huy Bộ đội Biên phòng tỉnh Cà Mau pambuak haong karja puk palei saong dom jabat chức năng tacei pato ghe gilai tabiak tasik khik hu trật tự, an toàn. 

Khaw tin dunya

# Mintri ngak nong, raong glang saong pablei salih di Braxin harei kabroi 26-12 tabiak bruk padheih pablei ikan tapa Liên minh châu Âu (EU). Tui mintri ini, bruk padheih nan  meng harei 3/1/2018, yau sa jalan pacang caga bruk Liên minh châu Âu phong tỏa janih ikan pablei tabiak taneh ia lingiu di Braxin.

# Harei 26/12, Akaok Mentri Tài nguyên thiên nhiên saong Môi trường Thái Lan Sarasak Kanchanarat brei thau negar ini daok kuhria padang dom pasak daong veih pak 7 mblang bein negar. Dom pasak ini piah pabak bruk daong veih samar drah saong peih bruk daong veih ka urang tuai halei gaok cuang kandah, tuai damuai dalam taneh aia jeng yau urang negar langiu.

# Rayo papar binguk negar I-ran (Iran) brei thau, tuk dah page harei 27/12, sa mbang megaiy taneh khang 4,4 rích te rah tabiak di dom libik lingiu ban saong ban ine Tê-hê-ran (Tehran), I-ran. Mbang megaiy nan hu tâm chấn dalam jaik 12 km dalam haluk, jaik ban Ma-lác (Malard), I-ran. Urak ini, oh hu panuac khan halei ka urang metai di mbang megaiy taneh nan./.