# Harei 27-12, pak Hà Nội, Bộ Nội vụ, Ban Tôn giáo raja-ei bahrau peih nyaom biai ba tabiak bruk ngak ka thun 2018 gah khik iek karja ka agama. Ủy viên Bộ Chính trị, Phaok Thủ tướng thường trực Trương Hòa Bình hu mbaok dalam nyaom biai. Brei panuac pak nyaom biai, Phaok Thủ tướng pandar njauk patui veik pathau khan Hukum tín ngưỡng, tôn giáo, khik kajap bruk peih ngak Huum dalam rai diuk mek hu siam mekre.

# Harei 27/12, Ban Thường vụ Tỉnh Đoàn Bình Định patabiak danakdak “uan Đảng -  uan Xuân thun 2018”. Dalam danakdak,  Tỉnh Đoàn Bình Định alin 2.000 paoak pandap ka dom sang sarak, sang kathaot, sang gaok khat lihik trak kayua ribuk piah rik daong ka dom sang ini hu raok Tết cổ truyền siam mekre.

# Harei 27/12, Tổng công ty Jalan pasei Việt Nam hu peih bruk taduan mek 30 toa radaih pajeng tuai ngak bahrau piah duh ka bhap bani dalam tukvak Tết nguyên đán Mậu Tuất 2018. Ini lac dom toa radaih hu ngak meng công nghệ bahrau saong meda pacang hu megei; pacang khuah, pacang hu dhul mul.

# Harei 27.12, di ban raya Hồ Chí Minh, Hiệp hội ngak nong Hữu cơ Việt Nam peih Diễn đàn negar patagok ngak nong hữu cơ Việt Nam. Kaya nong hữu cơ pabak caong khin pandap mbang hacih dalam taneh ia yau nan ye urak ini daok pachreih patagok. Urak ini taneh pala drak hữu cơ di Việt Nam hu jaik  77.000 ha, tagok 3,6 mbang duk saong dahlau, min jeng daok lac bruk daok sit.

# Blah mạng du lịch prong abih dunya Trip Advisor bahrau brei thau angan 10 labik mai chreih chrai abih di Việt Nam kayua tuai du lịch palih ruah, dalam nan hu Quảng Bình dang ka 4 tok hadei di Hà Nội, bal raya Hồ Chí Minh saong Hội An. Thun 2017 nan lac thun akaok meti tỉnh Quảng Bình raok 100.000 mbang tuai damuai dunya, tagok jaik 120% dut haong thun dahlau.

Khaw tin dunya

# Ngoại trưởng Goa-tê-ma-la (Guatemala) Xan-đra Giô-ven  harei 27/12  hu panuac biện minh ka bruk barau ini ba đại sứ quán di taneh ia ini di Ixraen nao tal Giê-ru-xa-lem (Jerusalem). Panuac di Ngoại trưởng Goa-tê-ma-la ba tabiak katik harei hadei bruk ba tal tranh cãi di Tổng thống Goa-tê-ma-la Dim-mi Mô-ra-lét (Jimmy Morales) tacei brei  ba đại sứ quán di taneh ia ini di Ixraen nao Giê-ru-xa-lem. Livik mai, Ixraen maong ban Giê-ru-xa-lem lac ban ine oh meda kakak hu di drei.

# Blah En Pai (El Pais) harei 27/12 brei thau lac dalam 6 thun anak tal, Tây Ban Nha meda buh tabiak 18 tỷ ơ-rô (euro) dalam sa thun, samu 1,5 -1,6% GDP ka kadung jien quốc phòng (tagok labaih 80% dut haong thun dahlau). Yau nan min, raja-ei di Thủ tướng Ma-ri-a-nô Ra-hoi meda gaok dom cuang kandah tuk patagok cai pandar quân sự dalam dự thảo kadung jien karja 2018 kayua đảng Bhap bani (PP) pal quyền oh hu talo dalam Quốc hội. 

# Chánh văn phòng Nội các Nhật Bản Yô-si-hi-đê Su-ga (Yoshihide Suga) caong Hàn Quốc ngak tui thỏa thuận bo dua taneh ia ndom lac brei langyah tal labik tal dhua bruk urang kumei “mua vui”. Panuac nan hu ba tabiak hadei di tuk Ngoại trưởng Hàn Quốc Kang Kiêng Oa ndom lac oh tín nhiệm thỏa thuận kayua thỏa thuận ini oh pabak hu caong khin di dom urang gaok bala. Di thun bloh, Nhật Bản hu payua 1 tỷ yên (jaik 9 triệu đôla Mỹ) tal sa kadung jien daong dom urang gaok bala lac urang kumei mua vui" saong sang di dom urang nan./.