# Harei  28/12, ala bruk tacei ba di  Thủ tướng Nguyễn Xuân Phúc, rajaei hu nyaom biai tapak dui atah tal sa harei meteh song dom tỉnh, ban. Ni lac Nyaom biai yaok thun prong abih di rajaei piah pataom tame ginum biai dom jalan peih ngak dom Sarak di Đảng, Quốc hội ka kinh tế-xã hội thun 2018. Tổng Bí thư Nguyễn Phú Trọng mai hu mbaok saong brei panuac tacei pato.

# Bair harei 28-12 di Hà Nội, mBan Kinh tế Trung ương peih nyaom biai tabiak quyết định di mintri Chính trị ka bruk urang jakar. Tui nan, ông Trần Sỹ Thanh, Ủy viên Trung ương Đảng, dahlau diah ngak Bí thư Tỉnh ủy Lạng Sơn hu brei ngak Phó Trưởng Ban Kinh tế Trung ương. Bruk ini gam lac bruk taong yaom glaong di Trung ương ka bruk ngak di ông gam lac pabak urang jakar ranaih umo ka mBan Kinh tế Trung ương.

# Akaok thun 2018, Pasak khik ramik inem krung Cố đô Huế  hu peih pakak danak dak pasiam veik điện Kiến Trung song ngak salah dalam thun 2020. Điện Kiến Trung lac danak dak kiến trúc-nghệ thuật prong abih dalam dom inem krung di Đại Nội Huế. Danak dak hu padang ngak ala saman Patau Khải Định (1916-1925), njauk khut tayah  thun 1946. Urak ni inem krung ni dok binah geing saoh.

# Urak ini hu 180 doanh nghiệp ban Cần Thơ brei thau yaom jien thưởng Tết dương lịch saong Tết Nguyên đán Mậu Tuất 2018. Tui nan, hu 82 doanh nghiệp hu tabiak bruk thưởng Tết dương lịch, ngan saong yaom bình quân meng 3-11 triệu đồng; yaom thưởng glaong abih lac jaik 120 triệu đồng.

  # Ribuk ka 16 hu hajan ba tui hangin ngak ka labaih 7 ribau ha padai di tỉnh Sóc Trăng  jaoh jaleih, rilo meng lac padai dok tasak song dok juak, song rilo mblang taneh bahrau tam njauk dauh i. Langui di nan, rilo taneh pala lisun, phun tabau njauk jaoh jaleih rilo hadei di mbang ribuk meng bloh.

Khaw tin dunya  

# Urang brei panuac di mintri Ngoại giao Nga Ma-ri-a Gia-kha-rô-va harei 28-12  ndom lac, quyết định di Nhật Bản piah peih ngak sa hệ thống phòng thủ tên lửa di Mỹ meda ngak jhak tal talei pambuak bruk di Nga saong Nhật Bản saong ini jeng lac bruk ngak suan di Mỹ ka sa hiệp ước dut iek phao ndao.

# Urang jakar Hàn Quốc jeng dok duah thau dom urang dok medhi hu pagam tapak tal mbang apui khuak trak rah tabiak di adit dahlau di sa pasak thể hình di ban Chê-chi-ơn ngak ka yaok pluh urang metai. Cảnh sát negar ni bahrau peih bruk chap kreik po sang prong nan. Urang metai dalam mbang pui khuak ni tagok tal  29 urang song yaok pluh urang karei njauk rambuac. 

# Tổng thống Italia Sê-giô Mát-ta-rê-la (Sergio Mattarella) harei kabroi hu tut angan tame sắc lệnh yah klak quốc hội di taneh ia ini piah kuhria caga ka mbang pilih ruah jaik tal. Hadei di nan, rajaei di Thủ tướng Pao-lô Gen-ti-lô-ni (Paolo Gentiloni) hu nyaom piah brei tukvak cambaih ka mbang pilih ruah. Tui nan, mbang pilih ruah jaik tal di Italia meda hu peih ngak di harei 4/3/2018./. 

                                                                                                                                                                                                  Hồng Hải/VOV TPHCM