# Pak jabat Mentri Quốc phòng, Thượng tướng Nguyễn Chí Vịnh, Thứ trưởng Mentri Quốc phòng hu taduan raok ông Thomas Ross, Phaok Trợ lý Akaok Mentri Quốc phòng Hoa Kỳ ba akaok mai rivang saong ngak bruk pak Việt Nam. Pak van taduan raok, dua gah hu taong yaom talei pambuak bruk di dua Mentri Quốc phòng dalam tukvak tapa, laghaih haong talei “Pambuak bruk taong abih gah” Việt Nam – Hoa Kỳ, dom jalan ngak tui Harak kanar hadar ka bruk jhul pakhang talei pambuak bruk Quốc phòng dua gah hu mboh tangin di thun 2011 saong jalan mong ka talei rorim Quốc phòng mboh tangin di thun 2015.

    # Jhul khang bruk pandar công nghệ thông tin di dom gah lac bruk hu  tỉnh Bắc Kạn ba tabiak di nyaom biai pataom iek veik 10 thun ngak tui hukum Công nghệ thông tin barau rah tabiak. Urak ini dalam tỉnh hu 86 libik truy cập internet công cộng. Tỉnh Bắc Kạn hu ba tabiak phần mềm khik ramik văn bản saong hồ sơ bruk ngak tal 40 labik 5 cơ quan Đảng saong dom jabat sự nghiệp karei .

    # Tỉnh đoàn Ninh Bình pambuak haong Công ty  Điện lực Ninh Bình saong Huyện đoàn Nho Quan peih pakak saong jao brei công trình dam dara “Truac hadah jalan palei” pak xã Sơn Hà, huyện Nho Quan, tỉnh Ninh Bình. Công trình “Truac hadah jalan palei” hu padang ngak meng akaok thun 2016. Công trình atah labaih 3,5 km. Yaom jien buh tame ngak abih tih labaih 600 triệu đồng. 

     # Công an ban sit Nam Định barau taong tayah jeng jalan pablei salih, pajeng ba ralo ma tuy meng biên giới mai Việt Nam pablei. Gah chức năng hu mek khik trùm ma túy Lưu Vĩnh Phúc (daok di huyện Kim Sơn, tỉnh Ninh Bình), mek 4 bánh heroin, 1kg ma túy tổng hợp, 200 viên hồng phiến, 6 mbaik phao, rilo hộp đạn, saong bình xịt hơi hăng. 

     # Kapul ngak bruk di mban tacei pato Trung ương ka caga kanyak jhak kayua lingik tasik kayua ông Hoàng Quốc Vượng, Thứ trưởng mintri Công Thương, thành viên Ban tacei pato dang akaok hu pasang  iek bruk pacang caga kanyak jhak kayua lingik tasik di tỉnh Điện Biên. Ini lac puk palei bhian rah tabiak dom bala meng lingik tasik yauye ribuk quét, ribuk ống, glut jaleih taneh, hajan patau…

      # Dalam dua harei 7 saong 8/7, Kadung jien brei ka uranaih  – Sở Lao động Thương binh saong Xã hội tỉnh Quảng Trị pambuak haong Kapul Zhishan Foundation (kapul langiu raja-ei Đài Loan) peih  trại hè “Pabak hatai caong khin mbang ka 14 pak mblang bein Cọ Dầu, bal Đông Hà (Quảng Trị). Hu mbaok dalam trại hè mbang ini hu 824 adei nan lac dom anek saih kathaot bac da-a naih jioy dalam tỉnh Quảng Trị, urak ini daok taduan mek pok jien bac di kapul Zhishan brei yaok thun. 

     # Tui harak brei thau di Pasak Y tế pacang caga tỉnh Đắk Lắk, 6 bilan tapa, dalam tỉnh hu 1.268 urang njauk ruak pandiak tabiak darah, tagok 4 mbang dut haong tukvak ini thun dahlau. Abi di nyu lac dalam sa bilan akaok bilan hajan, kuhria meng bilan 5 tal bilan 6, dalam tỉnh hu 700 urang njauk ruak pandiak tabiak darah bahrau. Ruak pandiak tabiak darah hu mboh di 13 dalam abih tih 5 huyện, bal sit. Urang njauk ruak pandiak tabiak darah hu mboh ralo abih pak huyện Ea H’leo, Buôn Đôn saong bal  Buôn Ma Thuột. Pak bal Buôn Ma Thuột hu sa urang metai kayua pandiak tabiak darah.

      Khaw tin dunya

    # Tổng thống Mỹ Barack Obama (Ba-rắc Ô-ba-ma) barau tagok jalan nao rivang châu Âu mbang puac abih dalam nhiệm kỳ di drei piah ngak pakhang sa châu Âudaok neh rabha, taphia nan jhl trun ảnh hưởng di Nga di châu Âu. Dalam mbang nao dui atah 5 harei ini, ông Obama meda hu mbaok dalam nyaom biai thượng đỉnh Tổ chức Hiệp ước Bắc Đại Tây Dương (NATO) di  Warsaw (Ba Lan), dahlau si tal Seville saong Madrid di mbang ravang akaok mereip di ông tal Tây Ban Nha dalam angan lac Tổng thống Mỹ.

    # Cộng hòa Dân chủ Bhap bani Triều Tiên brei thau, dom jalan ngak piah taong phạt bahrau di Mỹ mong tame urang pal akaok Kim Châng-un (Kim Jong- Un) nan lac sa panuac mesruh, taphia di nan brei thau, negar meda hu  ralo jalan ngak cagar veik. Hãng thông tấn trung ương Triều Tiên KCNA ndom lac, bruk ngak bahrau di Mỹ nan lac sa jalan kanjah jhak di abih meng kan mai saong ini jeng lac panuac methuh gauk haong Triều Tiên. Mentri Ngoại giao Triều Tiên jeng pok sap iew Mỹ padeih lệnh taong phạt chip, meyah oh ye negar INI meda cakak klaoh dom bruk ngoại giao urak ini daok hu.