Khaw tin 10g30-14g30, harei 09/2/2018 

          # Meng jien daong di Trung ương saong di dom kapul nyaom, menuac urang, tỉnh Quảng Trị daok kuhria Tết ka urang kathaot, ka sang sarak karja, urang buh pren ka taneh ia. Dom urang dang akaok tỉnh Quảng Trị pandar dom puk palei oh caik ka urang halei eik lipa dalam tuk Tết. Tal tukvak ini, tỉnh Quảng Trị hu caik tabiak 25 tỷ đồng kuhria Tết ka sang sarak karja, sang buh pren ka taneh ia saong sang kan kathaot

# Tui jalan ngak lac ba Tết nao ka bhum atah bayah, bhum bhapbini bangsa takik, harei kabroi  8/2, Công ty Cổ phần Sâm Ngọc Linh Kon Tum hu alin 100 drei pabui saong yaom jien 900 triệu đồng ka urang bhapbini di 3 xã Măng Ri, Tê Xăng saong Ngọc Lây mbang Tết. Lingiu di nan, Công ty Cổ phần Sâm Ngọc Linh Kon Tum hu alin brei huyện Kon Plông 200 triệu đồng daong danakdak bánh chưng xanh peih ngak di harei hataom paok bánh chưng ka urang kathaot mbang Tết

# Tổng Công ty Điện lực miền Trung bahrau hu panuac ieu dom đơn vị di drei brei khik caga siam mekre, pabak điện sản xuất - kinh doanh dom tỉnh, ban bhum kreh negar saong Tây Nguyên dalam tuk Tết Mậu Tuất. Tui nan, dom đơn vị oh cakak điện yaok harei meng 0h00 harei 14/2/2018 (lac harei 29 Tết) tal  24h00 harei 18/02/2018 (lac harei 3 bingun Tết), lingiu di bruk cakak điện piah langayh  sự cố atau hu bruk praong njauk cakak điện tui tacei pato Tập đoàn.

# Công ty Greenline DP (po đầu tư jalan kapal cao tốc du lịch ban raya HCM – Cần Giờ - Vũng Tàu) peih nduac iek dahlu si peih pakak saong ba tame nduac di harei 10/2. Jalan  kapal ini hu dom tiêu chuẩn an toàn glaong abih, kein lagaih, dịch vụ siam, pabak dom tiêu chuẩn catang di urang bhapbini, abih di nyu nan lac tuai du lịch…tui nan  meda ba tuai gilac mai veik jalan nao angaok ia. Dom gah chức năng meda pasang iek tapak jalan nduac di kapal tapa dom camera pasang iek hu padang angaok glaong piah ramik pasiam. 

# Dom urang dang akaok UBND thành phố Cần Thơ hu taom gaok, ngak bruk haong kapul roh duah ba pandar saong jao brei công nghệ di sang bac đại học Queensland – Úc ka bruk:  "Ngak nong thông minh saong ngak nong chính xác" . Dalam tuk ba tabiak ngak, dom chuyên gia di Úc meda tacei urang nong Cần Thơ dom bruk cambaih laih. Bruk njauk biai di dự án ini lac, meda duah labik pablei kaya nong dahlau di tuk da-a doanh nghiệp saong urang nong nao gam, piah padang hatai jia saong ba mai kein laba ka dom gah hu mbaok tame

     Khaw tin dunya

    #  Ủy ban bầu cử negar Nga barau ngak blaoh bruk tut angan dom urang pakacah tame ngak Tổng thống Nga saong phê chuẩn asal kadha di hala phiếu. Dalam dom hala phiếu pilih ruah bo cử tri taduan mek di harei 18/3 meda hu angan di 8 urang. Tui nan, hu  8 urang tranh cử Tổng thống Nga tukvak tal, hu sa 1 ứng cử viên độc lập saong 7 ứng cử viên mai meng dom đảng phái chính trị. 

# Sa mbang bão tuyết praong ngak ka ban ine Pa-ri (Paris), Pháp saong rilo labik jaik taphia nan jeng srau kadau, ba tal gar jalan, meng jalan radaih, jalan pasei tal jalan kapal haoh, ngak srau kadau tal rai diuk bhap bini. Di ban ine Pa-ri, tuyết laik kapal saong khang ngak jalan oh nao mai hu./.

# Harei 8/2, sa sruh kapal ahaok sit sa động cơ barau laik di  bang  Pa-ra, gah Brak Bra-xin ngak 3 urang metai. Tui bol bala Bra-xin, sruh kapal ahaok nyu patuh tuk laik trun ban sit I-tai-tu-ba  (Itaituba). Ini lac mbang bala ka dua di I-tai-tu-ba  di 4 bilan tapa.