Khaw tin 10g30-14g30 harei 10/11

         # Patui danakkk dak mbang nyaom, harei 10/11, Quốc hội njauk hatai brei tapa Sarak ka bruk patagok kinh tế-xã hội thun  2018; pang harak pathau khan, pasang iek  dự án hukum Quốc phòng (pasiam veik). Lingiu di nan, hu ginuum biai di tổ ka dự án hukum Đo đạc song bản đồ.

# Kayua canah jalan roya 40B oh nao mai hu dalam rilo harei tapa yau nan ye bruk pajeng ba pandap mbang menyum saong panadap daong ka dom  xã bhum atah batay bhum bhapnini bangsa takik di dua huyện Bắc Trà My saong Nam Trà My (Quảng Nam) oh ngak hu. Urang dang akaok Quảng Nam pandar gah giao thông njauk ngak habal peih canah jalan ini piah duh ka bruk daong brei.

# Hajan ia sua dom harei ni, ngak ka rilo jalan mbak song jalan pasei tapa dom  tỉnh gah kreih negar njauk glut jalei, ngak gar jalan di rilo jalan nao dom huyện bhum ceik di Quảng Nam, Quảng Ngãi.  Dalam tuk cang peih jalan, Dhar pajeng ba jalan pasei Sài Gòn di Nha Trang hu ba tuai meng 2 ga Tuy Hòa, tỉnh Phú Yên song  Đại Lãnh, tỉnh Khánh Hòa meng jalan mbak, yaok harei ba meng 2.000 tal 5.000 tuai.

# Tổng Công ty Điện lực gah kreh negar hu ngak blaoh bruk ramik pasiam jalan menyek, ba menyek truac hadah gilac ka dom puk palei gaok khat lihik trak di ribuk ka 12 lac Khánh Hòa saong Phú Yên.  Ông Nguyễn Thành, Phó Tổng Giám đốc Tổng Công ty Điện lực gah kreh negar brei thau: di tỉnh Khánh Hòa lac lưới 110 KV tal ini maong ye ramik pasiam blaoh saong 2 huyện gaok trak abih lac Vạn Ninh saong Ninh Hòa nan Tổng Công ty ba rilo menuac urang mai daong ka Điện lực Khánh Hòa ramik pasiam. 

# Di xã bhum atah Cư Pui, huyện Krông Bông (tỉnh Đắk Lắk),
Pasak sáng tạo xanh (Green ID) di  Liên hiệp hội khoa học Việt Nam song kapul Mcnight Foudation dunya peih bruk tong yaom mô hình Biogas xanh pandar kadung Plastic song  hầm Composite. Tuk camereip brei mboh, mô hình hu kein lagaih, rilo siam mekre. Phun jien piah caik sa  hệ thống biogas ni labaih 1,3 triệu đồng, hu dong brei saoh.

# Di ban sit Biên Hòa, tỉnh Đồng Nai, gah cảnh sát alam môi trường mek hu sa cơ sở daok ngak cao hổ gam saong dom athur glai. Pak di labik nan, gah chức năng duah mboh sa drei limong trak jaik 230kg daok ngak cao dalam 4 gaok praong; langiu di nan daok hu rilo talang athur glai karei ye sơn dương, sọ khỉ, mai rùa… jeng daok hu caga si ngak cao.

# Pagam tal sruh jit aik chraoh rah tabiak di mái ấm Đức Quang, baha  Vạn Đức, xã Tam Hiệp, huyện Bình Đại, tỉnh Bến Tre bo rayo sap ndom  Việt Nam hu khan brei thau, urak ni, hu 19 uranaih ndik tapui  meng thun  2013 tal 2017 di labik ni njauk ruak ni. Dom adei hu ba tal sang iek ruak Nguyễn Đình Chiểu ban  Bến Tre iek ruak; jang yau gah y tế mek mẫu payua  tal  Viện Pasteur, ban raya  Hồ Chí Minh piah dut iek duah tabiak makna. Urak ni , pren yava di dom adei daok hu pasiam veik .

               Khaw tin dunya

 # mintri alam moi truong Nhật Bản brei thau, gah chức năng taneh ia ini duah mboh sa drei thiên nga metai kayua njaom mbak kum menuk ada meda patuh ruak glaong. Ruo drei thien ngak metei hu duah mboh jaik danao Xin-di (Shinji), tỉnh Xin-mên (Shimane) saong dương tính haong kum H5N6. Ini lac drei njaom kum menuk ada akaok meti di Nhật Bản dalam bilan jit thun ini. 

         # 3 negar vùng Vịnh hu panuac kakei bhap bini oh nao  du lịch tal Libăng song hu panuac ieu bhap bini negar drei  dok di Li-băng tabiak truh negar ni dak samar dak siam. Panuac nan hu ba tabiak dalam tuk  bruk daok catang tagok di A-rập Xê-ut song  Iran pagam tal bruk Libăng song  Yê-men.

# mintri Lao động Thái Lan daok ba tabiak tanut jien bilan tani tanat takik abih lac 12 rabau bạt/1 bilan sumu 370 đô la Mỹ) saong dom paok trợ cấp karei piah pachreih urang ngak pataom tame taong cap kaya ikan dalam ia di taneh ia ini. Gah taong cap kaya ikan dalam ia di Thái Lan dahlau mai daok kurang menuac ngak, abih di nyu nan lac meng harei 1/11 barau blaoh tuk kapul urang ngak nhập cư abih harak adat ngak bruk.