KHaw tin 10g30-14g30, harei 11/11

         # Công ty Cổ phần Tabau saradang 333, tỉnh Đắk Lắk, hu buh brei 4 tỷ 300 triệu đồng dong ka urang nong bhum pala tabau piah ngak saradang di doanh nghiệp pasiam veik dom khat lihik di ribuk 12, tacei pato urang nong pasiam veik bein tabau hadei di ribuk. Gam song bruk dong ka urang nong meng jien mbaok, Công ty dok brei urqng jakra kỹ thuật nao dong urang nong pasiam veik bein tabau hadei id ribuk, patrun kan kandah tal thun hadei .

# Pasak pachreih nong tỉnh Bình Phước barau peih hu 2 diễn đàn pachreih nong ngan saong kadha” jalan ramik pasiam beir pa-ok blait” di dua huyen Bù Đăng saong Bù Gia Mập, pachreih hu jaik 360 urang pataom mbaok. Tapa diễn đàn, urang nong hu ginum biai tapak saong dom urang alamu, urang khik ramik ka dom kan kandah dalam bruk pala pa -ok blait piah pagalong năng suat, takik halak, dom sarak daong piah patagok pa –ok plait.

         # Dom harei ni, dom bhum  pala  kanduik di tỉnh Bà Rịa Vũng Tàu dok yam tame bilan paik boh kanduik sung bilan. Rilo boh sang urang nong bui sambai brei thau, bilan kanduik sung bilan thun ni gam njauk gam hu yaom jang yaok thun. Sở ngak nong song patagok palei pala tỉnh hu quy hoạch bhum pala sa janih kanduik song taneh prong labaih 1.700 ha, dok di  3 huyện Tân Thành, Đất Đỏ song Xuyên Mộc. 

# Ủy ban MT negar huyện Trảng Bom tỉnh Đồng Nai pambuak bruk saong xã Sông Thao alin brei 2 baok sang jum pataom ka dom sang kan kathoat, kan kandah ka sang daok. Dua baok ini lac kayua Công ty TNHH sa thành vien Dầu khí Đông Sài Gòn daong yaok baok sang 50 triệu đồng, jien daok veik kayua sang buh tame.

# Sở pato megru  tỉnh Long An bahrau brei thau ka bruk pakacah palih ruah anek saih joi văn hóa pakat  tỉnh, thun bac  2017-2018. Tui nan, dalam tỉnh hu  365 anek saih mek hu angan anek saih joi pakat tỉnh. Dalam 365 anek saih joi pakat tỉnh, Ban peih bruk palih tabiak 54 anek saih joi  hu mbaok tame kapul pakacah anek saih joi pakat negar  thun bac 2017-2018.

# UB bhapnini tỉnh Trà Vinh barau tabiak bruk brei caik jaik 1 tỷ 8 ratuh rabau đồng meng pok jien di danakdak bruk ngak negar padang ngak palei pala barau di thun 2016 saong thun 2017 piah pato bruk ngak nong ka urang ngak dalam tỉnh meng ini tal puac thun. Urang tame bac hu daong jien bac, jien blei tai lieu, pandap bac bruk saong daong jien mbang.

# Di ban Long Xuyên (tỉnh An Giang) rah tabiak harei peih nyaom darak pasa Công thương bhum taneran krong Cửu Long – An Giang thun 2017. 250 gian hàng di labaih 150 doanh nghiệp dok dalam song langiu  tỉnh An Giang hu mbaok tame parang iek , yaih khan pandap panda, kaya nong  , pandap pandar, pandap mbang menyum.

Khaw tin dunya

      # Cảnh sát Cô-lôm-bi-a barau mek khik labaih 12 tấn cô-ca-in meng sa băng đảng tội phạm dane angan di taneh ia ini. Dom cô-ca-in ini, lac praong abih gaok mek dalam bruk caga pablei salih lậu ma túy dui atah 4 pluh thun tapa di Cô-lôm-bia.

# Dom urang dang akaok gah jalan pasei di Ấn Độ brei thau , ia kakua kapan di ban ine Niu Đê-li (New Delhi) dui atah dalam 3 harei tapa ngak kan kandah trak tal dom dịch vụ pambuak tal gah jalan pasei di negar ni.

# Thống đốc bang Gu-ê-rê-rô (Guerrero), Mê-hi-cô Héc-tơ Át-tút-lô Phơ-lo-rét (Hector Astudllo Flores) brei thau, gah an ninh bang ini daok dalam báo động piah caga bruk taong paoh saong srau kadau daok patagok. Hu jaik 300 sang bac dalam bang Gu-ê-rê-rô brei thau lac kareik bambang 48 harei piah khik caga an toàn ka gru pato saong anek saih.