Khaw  tin 10g30-14g30 harei 14/11

                                                                                                           Thúy Linh -VOV HCM 14/11

# Patui danak dak mbang nyaom ka 4,harei 14/11, Quốc hội ginum biai tui tổ ka dự án hukum Quốc phòng (pasiam veik) song  Dự thảo Nghị quyết ka jâln ngak, sarak patagok ban ray Hồ Chí Minh.

# Kayua ribuk barau blaoh, pabah tasik Cửa Đại, ban sit Hội An, tỉnh Quảng Nam gaok halup lam trak. Labaih 1.000 kapl gilai di urang ngak ikan tỉnh Quảng Nam njauk ndih di ar. Ông Nguyễn Thế Hùng, Phó akaok uy mban bhapbini ban sit Hội An tỉnh Quảng Nam brei thau: Uỷ ban bhapbini ban hu pathau khan chip payua tal uy mban bhapbini tỉnh, Sở Giao thông Vận tải pandar  tỉnh samal brei kuac, peih jalan lạch ini piah khik caga bruk nao mai siam saong khik caga bruk tabiak tasik taong cap di mikva urang ngak ikan Quảng Nam.

# Sa kapan ikan di urang tong ikan Quảng Ngãi tuk tame mek ia gar caga ka mbang nao tabiak tasik ye nyu khuah di labik cảng Mân Quang, ban Đà Nẵng di beir harei 13/11. Taduan hu panuac khan, gah cảnh sát pacang caga pui khuah ban  Đà Nẵng ba 2 sruh radeih  pandam pui song dom pluh urang jakar chiến sĩ hu mbaok di labik piah padam pui. 

# Tal tukvak ini, dom po kapal hu kapal  kram di bhum tasik Quy Nhơn, tỉnh Bình Định tabiak bruk pambuak saong dom gah, libik drak samal peih bruk sraong kapal, pandap gaok kram, sanya oh caik alam moi truong gaok nerak. Dalam 10 kapal  kram, gar di bhum tasik Quy Nhơn ye sa kapal gar tabiak hu bloh. Urak ini, daok 7 kapal kram saong 2 kapal gar di tasik.

# Ribuk ka 12  ngak ka labaih  5.000 phun kayau di taong abih dom jalan di  ban Nha Trang jaoh , jaleih. Hareik pandar kandong veik, tui kuhria yaok pluh tấn, ngak nerak tasauk alam môi trường.  UB bhap bini ban Nha Trang pambuak bruk song bol laba  dok di ban peih bruk puh ramik phun kayau jaleih, patom hareik dok kandong veik,

# Tỉnh Đoàn Đắk Lắk pambuak bruk saong Sở ngak nong saong patagok palei pala peih harei pataom dam dra  palei pala saong pok meyaom dom mo hinh dam dara ngak mbang kinh te naih joi tỉnh Đắk Lắk thun 2017. Pataom mbaok harei pataom hu 18 libik di dom huyện, thị, thành đoàn tỉnh Đắk Lắk. 

# Urak ni, tỉnh Bến Tre dok pataom pren yava tame piah Samar pasiam veik bruk glut jaleih ar pacang Phú Đa, xã Vĩnh Bình, huyện Chợ Lách  ngak kan kandah tal rai duik di yaok rituh boh sang. Meng di tuk rah tabiak bruk, Ubbhap bini huyện Chợ Lách tacei ba dom puk palei patom menuac peih bruk  4 di labik piah pasiam veik, saong brei tual bảng cảnh báo glut jaleih di 2 akaok jalan ar .

Khaw tin dunya

# Cảnh sát puk palei barau brei thau, harei 13/11, hu 18 urang gaok rambuac hadei tuk sa radaih buýt pajeng dom urang ruak tâm thần ggaok bala saong nduac tame sa libik glai di tỉnh Ô-xa-ca (Osaka), gah tây Nhật Bản.

# Urak ni, suah kapan yam tapa tanut brei  adat 10 mbang dok pacang abih ban ine Niu Đeli di Ấn Độ tapa adit ka 2, yaom lac hu bruk kham merat di karja langyah bruk kanjah  jhak môi trường ni.

# Dom urang jakar puk palei Trung Quốc brei thau, bruk ia takon tapar saong dui atah di ban Thành Đô, tỉnh Tứ Xuyên, ngak kan kandah trak tal bruk nao mai di urang bhapnini saong dom urang tuai di ban ini.