# Khaw tin bahrau abih dalam page harei 15/9, pak labik Hoành Sơn, Đèo Ngang (bal sit Kỳ Anh) hu angin ndaoh pakat 8, pakat 9, aia hajan dalam harei kabroi tal page ini meng 100 tal 120m. Piah khik siam mekre ka bhap bani tal ini, tỉnh Hà Tĩnh hu ngak salah blaoh bruk panduan ba labaih 10.000 urang daok di dom labik oh an toàn, labik tapen kraong, pabah lamnge nao tal dom sang ilamo, sang bac, balai y tế, đồn biên phòng. 

# Anak bruk kan kandah di ribuk ka 10 medah hu hajan praong tuh tame mbang taran, mban Chỉ huy Pacang caga bala saong duah daong urang njauk bala tỉnh Quảng Trị hu điện chip pandar dom libik, puk palei khik caga siam dom  công trình ia, danao binek dalam tỉnh saong caga tuk hu bala. Ông Lê Chí Công, Phó Chánh văn phòng mBan tacei pato pacang caga bala saong duah daong urang njauk bala tỉnh Quảng Trị brei thau: Meyah hu hajan praong njauk tathuak dahlau, tathuak sớm saong njauk quy trình. Trun takik bruk hạ du, bhapbini gaok ia duak bo tathuak ia. Dom libik njauk hu gai hoay caik piah, caga piah tuk gaok bala yaom lac sit saong hu jakar hu mbaok daong.

  # Kayua  ribuk ka 10 daok khang tagok pakat 10 saong tui kuhria meda khang tagok pakat 13 tuk tame taneh haluk, Thường trực Ban tacei pato pacang caga ribuk aia sua tỉnh Bà Rịa – Vũng Tàu hu khan brei ka ghe gilai saong urang taong mek ikan thau piah plaih njaik ribuk, caga ribuk nyu  salih jalan nao. Đại tá Đào Quang Hiển, Chỉ huy phó gam lac Tham mưu trưởng Bộ chỉ huy Bộ đội Biên phòng tỉnh Bà Rịa - Vũng Tàu brei thau: “Ribuk ka 10 oh pambak tal gah meraong rilo, tok hu pambak tal dom tỉnh gah kreh negar. Yau nan min khaol dahlak jeng khan brei thau ka jalan nao di ribuk, hu pathau khan angaok Đài thông tin Duyên hải, hu mboh urang taong ikan thei thei jeng thau”.

# Anak bruk kan kandah di jit ruak pandiak tabiak darah dalam taneh ia, , tỉnh Lai Châu hu  tabiak rilo bruk piah caga jit. Kayua daok lac bilan hajan yau nan ye jamaok mbuan si caih anek khang, yau nan ye gah Y tế puk palei hu jao ka gah dom gah chức năng pambuak bruk saong karja dom huyện, ban jhul khang bruk pathau khan tal urang bhapnini bruk pacang caga jit.

# Urak ini di huyện Hớn Quản, tỉnh Bình Phước hu 141 urang njauk ruak pandiak tabiak darah, ralo di abih pak dom xã Tân Khai, Tân Hưng, Tân Lợi. Piah pacang caga saong patrun urang njauk ruak, oh caik thei metai kayua ruak pandiak tabiak darah, pacang cakak jit ruak rah tabiak dalam huyện, Pasak Y tế huyện hu peih bruk pruh jru di dom xã  meng ini tal harei 21/9 ngan haong taong abih labaih  1.809 baoh sang.

# Mban khik ramik lý dự án công trình giao thông (di Sở Giao thông Vận tải Tây Ninh) brei thau, mintri Quốc phòng daok peih ngak dự án jalan khik iek tapeng negar tỉnh Tây Ninh. Tui  thiết kế kỹ thuật, jalan khik iek tapeng negar atah 130 km. Dự án angaok ini meda peih ngak di puac bilan 9/2017 saong ngak blaoh dalam thun 2020.

# Huyện Đoàn Tuy Phong, tỉnh Bình Thuận saong Kapul dam dara  Tổng công ty Phát điện 3 gam haong Công ty Nhiệt điện Vĩnh Tân bahrau peih bruk pok jao công trình dam dara “Jalan nao dalam palei” ka karja saong bhap bani xã Phước Thể, huyện Tuy Phong.  Công trình hu padang ngak ngan haong phun jien labaih 370 triệu đồng.

Khaw tin dunya

# Harei 14/9, Thủ tướng Nhật Bản Shinzo Abe saong Thủ tướng Ấn Độ Narendra Modi hu var ginum biai di Gandhinagar, bang Gujarat, gah Tây Ấn Độ. Dua gah hu njauk hatai gauk jhul khang pambuak bruk dua gah dalam gah quốc phòng saong an ninh hàng hải.

# Harei 14/9, takik di abih 15 urang lin đặc nhiệm Mỹ njauk rambuis dalam mbang patuh rah tabiak tuk pathram di sa căn cứ quân sự pak Phót Bréc (Fort Bragg), bang Bắc Ca-rô-li-na (Carolina), Mỹ. 

  # Harei 14/9 takik di abih 53 urang metai di mbang bala dalam ribong di bhum Ba-gu-đô (Bagudo), Kép-bi (Kebbi), gah Brak Ni-giê-ri-a. Bala rah tabiak tuk sa sruh kapal pajeng labaih 100 urang angaok kapal ngak pabeik trun ngak ka abih urang tuai laik trun ribong. Urak ini kapul duah daong daok ngak chip./.