# Page ini, 17/11, Thống đốc Gilang pariak karja Lê Minh Hưng patui veik javap jaleiy kadha sua tangi di dom urang Quốc hội. Tapa nan brei mboh jalan ngak di Quốc hội, Raja-ei lac meyah langyah gah tín dụng yếu kém jeng njauk khik caga grap tanat an ninh kinh tế, siam mekre di hệ thống gilang pariak, khik hatai jia di urang payua jien, quyền lợi saong lợi ích njauk adat hukum di urang payua jien.   

 # 25 urang gru pato naih gheih dalam bruk pato siam, bac siam bahrau hu UB bhap bini Đà Nẵng pok meyaom di harei pahadar 35 thun harei  gru pato  Việt Nam bahrau rah tabiak.  Ong Hồ Kỳ Minh, Phó Chủ tịch UB bhap bini ban Đà Nẵng brei thau: Dalam tuk vak tal, urang ngak prong ban hu panuac ieu tong abih gah pato megru  jhul pakhang  jang bruk pato pakai, padang labik pato pakai siam mekre . Sangka bruk pato pakai,  pasram ilamu ka dom urang jakar, gru pato hu phẩm chất chính trị siam. 

# Tỉnh đoàn Gia Lai bahrau peih harei nyaom cồng chiêng, adaoh (tamia kadha) RAGU daoh bhap bani saong ma-in alat ragam bangsa dam dara uranaih tỉnh mbang ka 3, thun 2017. Danak dak rik daong khik ramik saong patagok yaom ilamo meng kan di bhap bani dom bangsa. Hu mbaok tame harei pataom, sa-ai Thóc, bangsa Ba Na, palei Kon Băh, xã Hà Tây, huyện Chư Păh brei thau:  “Dahlak mai hu mbaok pak ini mboh biak bui sambai, Dahlak caong khin meyaih khan ilamo di xã drei. Ilamo meng kan ye urang taha pato veik ka uranaih, biak patuah ye uranaih khaol dahlak biak takre ilamo daoh tamia meng kan.

# Pahadar  35 thun  harei gru pato  Việt Nam, Phòng pato megru huyện Châu Thành, tỉnh Tây Ninh pambuak bruk song dom urang ngak pahla peih bruk nao rivang, alin pandap ka 2 gru pato  hu rai duik kan kandah.Phòng pato megru huyện Châu Thành hu alin brei ka yaok boh sang sa pok pandap, saong hu jak ba Công ty Cổ phần Liêu Dương alin brei ka yaok boh sang 5 triệu đồng.

# Sang bac Cao Đẳng Y Tế Cần Thơ urak ini hu 4.500 anek saih, sinh viên tui bac dom ngành điều dưỡng, dược học, xét nghiệm y học, v.v… Taphia bruk peih ngak dự án padang ngak sang 6 tal ngan haong mblang taneh prong 7.500m2, taong abih jien buh tame 61 tỷ đồng, tui kuhria meda ngak salah blaoh dalam bilan 7 thun anak tal. Ong Phan Trung Thuấn, Akaok sang bac Cao đẳng Y tế Cần Thơ brei thau: Sang bac meda jhul pakhang dom dự án pasiam veik, patagok tui njauk tukvak ba tabiak; đầu tư, patagok trang thiết bị piah palaghaih ka dom adei bac megru, roh duah.

# Harei 17/11, di pasak ilamu huyện Trà Cú (tỉnh Trà Vinh), Pasak Xúc tiến pablei salih tỉnh Trà Vinh peih nyaom drak pasa ba pandap Việt mai palei pala. Nyaom drak pasa hu labaih 50 gian hàng, pachreih hu jiak 30 doanh nghiệp dok dalam song langiu tỉnh bhian ngak dom janih pandap  Việt Nam  yau pandap thủ công mỹ nghệ, bách hoá tổng hợp, takhaok dép, pandap jik khan aow, pandap mbang menyum… song đặc sản di tỉnh Trà Vinh. 

# Mai rivang baha Đìa Muồng, ấp Vĩnh Lộc, xã Vĩnh Phú Đông, huyện Phước Long (tỉnh Bạc Liêu) dalam dom harei ini, hu mong mboh bruk pathram pakacah ghe gilai di dom vận động viên meng hu mboh abih bruk pandiak di harei Pataom Ilamo, padhih saong rivang ma-in Khmer Nam bộ mbang ka VII thun 2017 meda rah tabiak meng harei 17-19/11 pak Bạc Liêu. 

Khaw tin dunya:

 # Sa blah thaot ka Chúa Giê-su hu meng 500 thun  dahlau kayua danh họa dane angan  di dunya  lac Lê-ô-nác-đô đờ Vin-xi (Leonardo da Vinci) cih, bahrau hu  pablei đấu giá di drak pasa Niu Yóoc (New York ), Mỹ, song hu yaom glong di abih lac 450 triệu đô la.

# Mai haong ga tàu điện ngầm pak bal ine Nu-ê-nốt Ai-rét (Buenos Aires) di Ác-hen-ti-na, dom tuai damuai meda hu mong iek sa tal bac hu padang tagok tui mô hình tal bac brei ka uranaih pak Xyri. 

# Kuhria tal urak ni, hu takik di abih 15 urang metai song rilo urang  lihik, hadei di sa mbang hajan khang luac melam ngak duah ia rilo labik di gah kreih negar  Hy Lạp. Dom ban công nghiệp Man-đra (Mandra), Ni Pê-ra-mốt (Nea Peramos), Mê-ga-ra (Megara) song ban ine A-then ( Athens) lac dom labik dauh trak di abih./.