Khaw tin 10g30-14g30, 
harei 6/2/18

   # Harei 05/02, Phó Thủ tướng, akaok mintri Ngoại giao Phạm Bình Minh hu dom mbang taom gaok 2 gah haong akaok mintri Ngoại giao Singapore Vi-vi-an Ba-la-kis-man, akaok mintri Ngoại giao Malaysia Đa-to Sri A-ni-fa A-man  lingiu nyaom biai it dom akaok mintri Ngoại giao ASEAN  di Singapore.  Tapa nan, Phó Thủ tướng Phạm Bình Minh ndom tal bruk njauk padang dahlau sa ASEAN jum pataom, yasa, khik ramik sron mbon, tani tanat, an ninh, an toàn jalan tasik aong jalan lingik di Biển Đông. 

# Liên Đoàn Lao động ban Đà Nẵng alin labaih 2500 paok pandap ka công nhân lao động sang kan kandah, yaok paok yaom  500.000 đồng. Lingiu di nan, Liên đoàn Lao động ban daok peih 20 sruh radaih ba 1000  công nhân di dom tỉnh Bình Định, Khánh Hòa, Quảng Trị, Quảng Bình, Nghệ An, Thanh Hóa nao palei mbang Tết. 

# Uan Tết sak sau 2018,  UBND huyện Chư Sê, tỉnh Gia Lai hu panuac ieu dom doanh nghiệp, dom urang ngak pahla daong yaok ribau pok pandap, yaok pok yaom 500 ribau đồng, piah alin brei dom sang kan kathaot, sang bhap bini daok di bhum atah bayah dalam huyện bui ambai raok Tết thun ak sau. 

# Harei 5/2, ông Lê Sơn Hải, Thứ trưởng, Phó Chủ nhiệm Ủy ban bangsa saong kapul ngak bruk nao ravang, alin pandap saong tadhau yuh Tết bhapbini Khmer di xã Phú Mỹ, huyện Mỹ Tú, tỉnh Sóc Trăng. Tapa nan, kapul Ủy ban bangsa hu alin 54 paok pandap, yaok paok yaom 500.000 đồng ka 54 sang bhapbini bangsa takik kathaot, sang sarak dalam xã Phú Mỹ. Ravang, alin pandap ka dom urang jakar dahlau dhaih lac urang dang akaok mban bangsa tỉnh Sóc Trăng.

# Công an ban sit Phan Rang - Tháp Chàm, tỉnh Ninh Thuận bahrau pambuak bruk haong dom gah chức ba nao am cuh klaak labaih 280 mbaik to dhong ngak eng, 27 mbaik phao ngak eng, 215 siu dom janih, 580 janih pandap me-in jhak…Abih tih labaih 1.000 phao ndao, pandap me-in nan, hadei di pasang iek, neh rabha, hu ba nao am cuh klaak  njauk tui adat. Bruk pataom mek aong am cuh klaak nan, daong patrun bruk menuac jhak pandar dom jnaih nan piah ngak uan adat hukum

 Khaw tin dunya

#  Bhapbini urang Việt di tỉnh Pa-đu-bais, Cộng hòa Séc, peih Dạ tiệc raok xuân anek thak thau 2018 di melam 4/2.  Mai bui sambai tết saong mikva hu jaik 600 urang daok ngak mbang, bac megru saong diukrai di Pa-đu-bais saong libik tabhia.

# Gah tui iek khí tượng Liên bang Nga brei thau, rilo labik praong di taneh ia Nga daok gaok dom mbang bão tuyết hu meng puac adit bloh. Urak ini, Bộ Tình trạng khẩn cấp Nga hu ba yaok rituh menuac nao daong puh ramik labik ban ine Mát-xcơ-va kayua gah môi trường oh ginup menuac piah ngak bruk ini./.

# Ban Láp-pin-ran-ta (Lappeenranta) di Phần Lan daok jeng libik du lịch padheih padhaiy danei angan ngan saong mô hình “daok hijao siam, yaom lac nan ban công nghiệp trak abih dalam bhum meng sa sang mac ngak A-xít Xun-phu-rích (axit sulfuric). Ban kheih mekre ini hu rajaei Phần Lan pok angan dalam thun 2017 lac ban khik caga alam Môi trường” kayua hu pataom tame siam dom bruk pandar năng lượng tái tạo, parabha saong tái chế hareik tuh tabiak./.

Thúy Linh/VOVTPHCM