Khaw tin 10g30-14g30 harei 8/2/2018 
                                                                

          # Công ty Cổ phần Điện lực Khánh Hòa bahrau ngak salah bruk dui talei điện, pagam công tơ ka 84 baoh sang bhap bini bangsa takik daok di Khu tái định cư Gia Lợi, huyện Khánh Vĩnh, daong ka mikva raok Tết. Ông Trần Quốc Huy, Phó Giám đốc dhar điện lực Diên Khánh- Khánh Vĩnh, tỉnh Khánh Hòa brei thau, ini lac khu tái định cư ka 2 hu Karja buh jien dui điện truac hadah brei ka bhap bini bangsa takik

# Piah khik ka yaom cước vận tải oh tagok glaong, duh ka bruk nao mai dalam tuk tết Nguyên đán di urang bhapbini saong tuai damaui, uy mban bhapbini tỉnh Lâm Đồng barau tabiak quyết định ka tanut phụ thu yaom cước dịch vụ pajeng ba tuai, tabhia nan tacei pato paglaong bruk dut iek saong xử lý bruk ngak suan. Ông Nguyễn Văn Gia, Phó Giám đốc Sở Giao thông saong Vận tải tỉnh Lâm Đồng brei thau: “Piah khik yaom lac kol dahlak pandar dom libik vận tải halei hu đăng ký yaom saong niêm yết yaom ginup ye bến radaih meng ngak thủ tục ka dom urang nan pablei tui yaom đăng ký. Tabhia nan, tacei pato bến radaih yau nan lac gah thanh tra gam gam dut iek, xử lý dom bruk ngak suan.

# Tapa pataom iek di gah chức năng tỉnh Tiền Giang, yaom thưởng Tết thun ini ka urang ngak  di dom doanh nghiệp dalam tỉnh, kuhria rah tapa lac 5,5 triệu đồng sa urang, rilo jang jaik 3% dut saong Tết thun bloh. Dalam nan, doanh nghiệp lingiu khu công nghiệp yaom thưởng tết glaong di abih lac jaik 57 triệu đồng sa urang, biar di abih lac 500.000 đồng sa urang. 

# Thun ini Bạc Liêu hu kaoh tabiak meng kadung jien tỉnh, jak ba doanh nghiệp rik daong labaih 29 tỷ đồng piah pasang iek ka sang sarak, sang kathaot bui sambai raok xuân mbang Tết. Amuk Lê Thị Ái Nam- akaok HĐ bhapbini tỉnh Bạc Liêu brei thau, tui jalan ngak lac: yaok sang sarak, urang kathaot, jaik si kathaot njauk hu bui sambai xuân raok Tết trei sir, thun ini tỉnh Bạc Liêu hu jak ba dom doanh nghiệp, dom urang  hảo tâm rik daong jien padai piah pasang iek ka urang bhapbini rilo jang.

# Ban raya Hồ Chí Minh hu labaih 15 rabau uranaih biak kan kandah daok hu raong saong iek glang dalam labaih 50 cơ sở công lập saong lingiu công lập. Piah daong ka dom adei hu mabng Tết bui sambai, dom harei ini, Trung tâm Công tác xã hội uranaih ban raya, dalam Sở Lao động – Thương binh saong Xã hội pambuak bruk haong dom ban ngành, kapul nyaom peih rilo bruk me-in sambai Tết saong alin pandap ka dom adei.  

Khaw tin dunya

# Bhum gah kreiuh negar Nhật Bản daok maong tuyết laik rilo abih dalam jaik 40 thun tapa. Tui panuac di gah chức trách Nhật Bản ba tabiak harei 7/2 brei thau, hu takik abih 1 urang metai, 14 urang njauk rambuac di Phư-cưi (Fukui) kayua lingik jhak.

# Karja bang Minas Gerais, Colombia bahrau brei thau lac jit pandiak klik kanyik tamuh tabiak di bang ini, tal urak ini ngak ka 61 urang metai. Dalam tuk nan, jabat y tế bang Minas Gerais brei thau, hu 300 urang karei meda njauk ruak ini saong daok hu dut iek. Taong abih dom urang njauk ruak jeng oh ka hu klauk jru vaccine pacang ruak pandiak kanyik klik./.

# Dom gah daong duah urang njauk bala jeng daok duah labaih 60 urang daok lihik, hu brei thau lac gaok gar di dom tòa sang hadei mbang megaiy taneh khang 6, 4 độ rích-te rah tbaiak harei 7/2 di ban Hoa Liên, bhum negar Đài Loan (Trung Quốc). Dalam tuk nan, tui gah chức năng kuhria mboh, mbang megaiy taneh ngak takik abih 7 urang metai saong 260 urang njauk rambuac./.