Khaw tin 10g30 -14g30 harei 9/11

           #  Patui danak dak mbang nyaom, harei 9/11, Quốc hội pang  pathau khan di rajaei song Pasang iek bruk peih ngak bruk ngak negar ka bình đẳng giới;  ginum biai di hội trường ka asar kadha ni

# Di sang Quốc hội, akaok Quốc hội Nguyễn Thị Kin Ngân barau hu var taom gaok Thủ tướng Canada (Giắt-xờ-tin Tờ-ru-đô) daok hu mbang ravag Việt Nam saong pataom mbaok tame  adit pakat glaong APEC di Đà Nẵng.  Akaok Quốc hội ndua dhar phuan rajaei Canada hu dom dự án barau caik ka Việt Nam dalam bruk daong cakak biến đổi khí hậu, an toàn pandap mbang menyum saong paglaong menuac urang ka hợp tác xã meng yaom jien labaih 43 triệu đô la.

        # Hadei di  ribuk  12 , Bộ Tư lệnh Bhum  4 Hải quân ieu pataom 462 urang jakar , urang lin  di Lữ đoàn 146, Lữ đoàn 101 song Tiểu đoàn 872 ba dom pandap panda mai dong ka bhap bini di ban Cam Ranh song  huyện Cam Lâm.  Bộ Tư lệnh Bhum 4 Hải quân tacei pato dom gah dalam bhum pasiam veik dom khut khat, caga dong bhap bini puk palei pasiam veik dalam dom harei anak tal .

          # Di Đà Nẵng hajan ribuk dui atah ngak kan kandah tal chất lượng saong pala nyam hijao. Yaok pluh héc ta njam hijao gaok khat lihik trak hu jhul yaom njam hijap tagok khang duk saong yaok harei. Meyah bhian harei, darak blei  tame  meng 150-160 tấn njam, baoh kraoh ye 4-5 harei ini darak tok blei tame hu jaik 110-120 tấn piah pablei di darak dalam ban. 

         # Tập đoàn Điện lực Việt Nam (EVN) brei thau, tập đoàn jiak ngak salah bloh bruk pabak điện ka dom puk palei lihik điện kayua ribuk ka  12-Damrey. Tui nan, di Khánh Hoà, EVN  hu pasiam veik song pabak điện  hu  90% phụ tải khut kayua ribuk, kham merat dalam harei 9/11 hu pasiam veik abih  điện phụ tải di  tỉnh Khánh Hòa. 

# Tổng công ty Đầu tư patagok jalan cao tốc Việt Nam (VEC) peih bruk padang ngak 3 gói thầu padang ngak dhar gah timul jeng lac 3 gói puac abih di Dự án padang ngak jalan cao tốc Bến Lức – Long Thành. Abih tih yaom jien buh tame ngak mbang sa di du an lac labaih 31.300 tỷ đồng meng kadung jien mesraiy di gilang pariak patagok Châu Á (ADB), jien mesray di rajaei Nhật Bản saong jien đối ứng di rajaei Việt Nam.

#  Kuhria tal tuk vak ni, Cần Thơ hu labaih 800 urang ruak tangin takai cambuai, tagok  42 mbang dut song tuk vak ni thun dahlau . Dom quận, huyện hu urang njauk ruak tagok glong yau: Ninh Kiều, Ô Môn song Phong Điền.Pasak Y tế dự phòng ban Cần Thơ, brei thau, urang ruak thun ni rilo meng lac uranaih meng 7 tal 8 bilan song ruak mboh kan kandah jang .

           Khaw tin dunya

         # 4 urang metai tuk sa sruh kapal trực thăng laik di quận Gun-na (Gunma), Tây Bắc Nhật Bản. Bala rah tabiak harei 8/11. Gah daong urang njauk bala samal hu mbaok di libik gaok bala tuk thau hu bruk .

# Tổng thống Mỹ Đô-nan Trăm (Donald Trump) harei  8/11 hu nao tal ban ine  Bắc Kinh (Beijing ) piah rivang 3 harei di Trung Quốc. Ni lac mbang nao rivang Trung Quốc akaok meti di ong Đô-nan Trăm meng di tuk ngak Tổng thống Mỹ meng bilan 1/2017. 

# Brei panuac anak báo giới di mbang ravang Thái Lan barau ini, akaok mintri Quốc phòng Xinh-ga-po (Singapore) Ng Eng Hen brei thau, taneh ia ini saong Thái Lan hu jalan patagok talei pambuak bruk quốc phòng, peih praong pambuak bruk tasik saong dom kham merat caga khủng bố.