Khaw tin 10h30 -14h30, harei 11/11

      # biar harei 10/11, Phaok Thủ tướng Vũ Đức Đam, Akaok Hội đồng Tacei pato biên soạn Bách khoa Toàn thư Việt Nam hu van taom gaok dom akaok ban biên soạn chuyên ngành. Phaok Thủ tướng ndom lac, biên soạn Bách khoa Toàn thư Việt Nam nan lac bruk ngak miat miat, kayua yau nan ye njauk ba tabiak sa jalan ngak tui jalan peih saong sami samar, pandar pren khang di công nghệ thông tin, mạng Internet. Dalam nan, bruk prong saong samar drah nan lac dak padang Cổng Bách khoa Toàn thư Việt Nam pagam tui công cụ biên soạn trực tuyến piah ka dom urang ilamu meda cập nhật, langyah, pabak dom panuac, dom kadha praong…

         # Patui mbang nyaom ka 2, Quốc hội mbang 14, pagaiy harei ini ( 11/11), dom urang Quốc hội ginum biai ka Dự án hukum jalan radaih apui ( pasiam veik), Dự án hukum ba brei công nghệ (pasiam veik). Bair harei ini QH nyaom di hội trường biểu quyết brei tapa Sarakt ka dự toán kadung jien karja thun 2017; Biểu quyết brei tapa Sarak pasiam veik, pabak dom paka di Sarak ka 55 ka bruk miễn, gảm jien je pandar taneh ngak nong. Ginum biai ka dự án hukum trách nhiệm bồi thường di karja ( pasiam veik) .

      # Biar harei 10/11, Mentri Y tế, Gilang pariak dunya, Kapul daong  uranaih Dunya pak Việt Nam saong Kadung jien rahra patagok di Nhật Bản pambuak gauk peih bruk mboh tangin sanya daong brei Dự án “Pablak pasiam veik bruk dinh dưỡng uranaih bhum ceik gah Barak”. Dự án hu peih ngak di labaih  200 puk palei di 20 xã dalam 4 huyện di 2 tỉnh Sơn La saong Yên Bái meng thun  2017 tal 2021. Dự án meda daong  tapak tal dom urang kamei dalam umo menek, urang kamei metian, uranaih umo ala 5 thun lac bangsa Mông, Dao, Thái.

     #Dalam mbang ravang pakat karja di Việt Nam, Tổng thống Ireland Michael D. Higgins saong diuk di ong hu nao ravang dom cơ sở hạ tầng di danakdak 135 yau balai y tế, darak, sang bac mầm non, tatua saong jalan kayua Ireland daong di xã Vĩnh Ô, huyện Vĩnh Linh, tỉnh Quảng Trị. Meng thun 2007 tal ini, Ireland hu daong ka tỉnh Quảng Trị 60 tỷ đồng ngak dom danakdak patruh eijk patrun kathaot, daong bhapbini bangsa takik, pacang biến đổi khí hậu, saong bac daa...

       # Pak bal sit Quy Nhơn, Tổng Công ty thương mại Sài Gòn (Satra) hu brei 200 triệu đồng ka Kadung jien daong ka urang taong ikan tỉnh Bình Định. Ini lac yaom jien dalam danak dak “Satra brei ka pulao tasik palei negar” kayua Đảng ủy Tổng Công ty thương mại Sài Sòn peih ngak meng thun 2011 tal ini. Yaom jien ini meda hu Kadung jien daong ka urang taong ikan tỉnh Bình Định, daong saong klah rabha dom khat lahik ka dom urang taong ikan Bình Định gaok kan kandah dalam tuk nao tabiak tasik taong mek kaya ikan. Thun 2015, Kadung jien hu daong labaih 1,2 tỷ đồng

      # Jaik 29.000 drei ikan pajaih hu palao trun danao Ea Súp Hạ, huyện Ea Súp, tỉnh Đắk Lắk harei 10/11, kayua Tổng cục Thủy sản di mintri ngak nong saong patagok palei pala daong pajaih. Ini lac dua janih ikan quý hiếm hu yaom kinh te glaong di puk palei. Lingiu di bruk pabak veik dom kaya ikan, mbang palao ikan pajaih ini daok daong pachreih ba bhapbini paglaong akaok sahanneg khik caga alam moi truong, khik caga kaya ikan.

      # Nyaom darak parang iek Ngak nong công nghệ glaong saong Công nghiệp pandap mbang menyum mbang  5 – thun 2016 hu peih ngak pak bal raya Hồ Chí Minh. Nyaom darak hu 300 gian hàng meyaih khan dom bruk ngak nong công nghệ glaong, pandap công nghệ sinh học, pajaih phun pala, bingu lan, bingu cảnh, dom janih kaya nong that, kaya nong, mac móc – pandap ngak nong, khak drak, dom janih pandap karei hu ngak meng kaya nong… Nyaom darak rah tabiak tal harei 14/11/2016

        Khaw tin dunya

      # Tổng thống Mỹ barau đắc cử Donald Trump harei 10/11 hu mbang ginum biai suai jang tukvak ba tabiak saong Tổng thống Barack Obama di  Nhà Trắng ka bruk panduan jao. Tổng thống barau, ong Trump hu panuac dhar phuan tổng thống Obama ka mbang taom gaok ini. Kol dahlak hu ginum rilo bruk meng bruk mbuan lagaih tal bruk kan kandah. Dahlak caong hu pambuak bruk saong tổng thống Obama saong taduan mek hu bruk tư  vấn di ông. Mbang taom gaok lac  vinh dự di dahlak saong dahlak caong khin hu pambuak bruk saong tổng thống Obama rilo mbang tra di anak tal.”

       # Thủ tướng Nhật Bản Sin-dô A-bê hu iew phon tadhau yuh ong Đô-nan Trăm bahrau tagok rai Tổng thống Mỹ, taphia di nan brei mboh hatai jia lac Mỹ meda jeng sa taneh aia prong khang jang ala bruk pal akaok di ong Trăm. Dua urang pal akaok hu sanya taom gaok gauk dalam harei 17/11 tal pak Niu Oóc dahlau di tuk ong A-bê hu mbaok dalam nyaom biai thượng đỉnh Diễn đàn pambuak bruk Kinh tế châu Á-Thái Bình Dương pak Pê-ru.

       # Njuk sa paok pkao hala yaok harei dalam sa thun meda ba tal 150 đột biến, caik veik kanjah jhak oh thau hu ka tế bào phổi di urang randap saong bruk oh siam ini. Ini lac bruk duah mboh di công trình khoa học barau abih kayua dom urang alamu Anh saong Mỹ pambuak gauk peih ngak, dalam nan pataom tame roh duah dom bruk randap njuk pakao hala piah duah tabiak bruk palai pajoa urak ini di AND./.