# Harei kabroi (11/7), pak Phủ Chủ tịch, Phaok Akaok negar Đặng Thị Ngọc Thịnh hu dang tabiak peih bruk taduan raok ong Phăn-khăm Vị-pha-văn (Phankham Viphavanh), Ủy viên Bộ Chính trị, Thường trực Ban Bí thư Trung ương Đảng bhap bani Cách mạng Lào, Phaok akaok negar Cộng hòa Dân chủ Bhap bani Lào saong Kapul urang lambaok pakat glaong Lào tapa rivang Việt Nam. Hadei di tuk taduan raok, Phaok akaok negar Đặng Thị Ngọc Thịnh haong ong Phăn-khăm Vị-pha-văn saong Kapul urang lambaok pakat glaong Lào tame Kalan sirah Chủ tịch Hồ Chí Minh saong pok bingu di Rup patau dom Anh hùng liệt sỹ.

      # miunyim Dân tộc học Việt Nam barau hu mintri ilimo, padhih saong Du lịch alin angan “labik ravang mein dang akaok di Việt Nam thun 2016”. Giải thưởng ini hu mintri ilimo, padhih saong Du lịch alin brei piah pok angan dom libik, dom doanh nghiệp padang hu angan je, ngak siam bruk duh tuai damuai saong ngak mbang hu kein laba di thun 2015. Dalam nan, miunyim Dân tộc học Việt Nam hu pilih ruah lac sa dalam 5 labik ravang mein dang akaok di Việt Nam.

       # Tal urak ini, Kapul daong urang jaoh jo saong uranaih uranaih metui meda tỉnh Quảng Bình hu pambuak haong dom urang ngak pahla alin brei jaik 1.000 sruh radaih galun, radaih lắc ka dom urang jaoh jo hu rai diuk kan kandah dalam tỉnh. Quảng Bình urak ini hu labaih 47.000 urang jaoh jo saong uranaih metui medhar. Ong Mai Xuân Thu, Akaok Kapul daong urang jaoh jo saong uranaih metui tỉnh Quảng Bình brei thau: Anak tal khaol dahlak pataom tame jak ba dom  urang ngak pahla saong dom kapul nyaom ừ thiện di dunya piah pabak pren khang peih ngak dom danak dak piah daong ka dom urang jaoh jo yam tagok dalam rai diuk..

# Ban Tuyên giáo Tỉnh ủy Gia Lai barau in dịch saong patabiak 13.000 blah tapuk "buh kadung" meng dua - dua sap Việt - J'rai saong Việt - Bahnar, langyah cambaih  dom bruk "Ma lai", "jru thư" daok rah tabiak saong brei thau, nan lac mê tín điên cuồng di takik menuac urang saong lac bruk pacuh pajarak di kol phản động. Taphia nan, tỉnh Gia Lai jhul khang bruk pathau khan, jak ba mikva meyah ruak kik nao tal dom cơ sở y tế iek ruak saoh; paglaong akaok sahanneg, piah tah klak ‘Ma lai”, “jru thư”.

      # Ninh Thuận urak ini hu labaih 75 hợp tác xã daok ngak bruk ngan haong  28.000 thành viên, mboh ralo gah ngak nong, dalam nan hu 27 hợp tác xã bahrau  padang. Mong rah tapa, bruk ngak kinh tế kapul nyaom dalam tỉnh tuk vak tapa hu ralo salih bahrau, dom mô hình hợp tác xã kiểu bahrau daok patagok hu siam mekre. 6 bilan thun 2016, kinh tế kapul nyaom rik daong jaik 8 % GDP di tỉnh Ninh Thuận.

      # Tal tukvak ini, tỉnh Trà Vinh hu labaih 39.800 dalam abih tih labaih 41.900 sang gaok khat lihik kayua tua, mbak taduan mek hu bruk daong brei, hu jaik 98% bruk ba tabiak. Di mbang tua, mbak sajarah barau blaoh, tỉnh Trà Vinh hu labaih  41.900 sang bhapbini gaok kanyah jhak hu Ủy ban bhapbini tỉnh xét duyệt daong ngan saong jien abih tih labaih 50,5 tỷ đồng. Amuk Thạch Thị Chịa, di xã An Quảng Hữu, huyện Trà Cú – sang taduan mek hu jien daong uan tabuan lac: “Ngak hamu vụ barau blaoh gaok lihik. Tukvak padai sroh tuk nan pambak mbak yau nan ye khat lahik abih, 4 công bo hu 20 bao, athar lép abih, pablei oh hu. Jien khak, jien công dặm, công yuak…jaik 10 triệu đồng bo oh bayan hu sa đồng halei, tangi sua nyim jien sa bilan urang oh brei. Taduan mek hu jien uan tabuan lo ”.

      # Urak ini, dom huyện gah Tây daok dalam labik aia sua di tỉnh Tiền Giang rah tabiak labaih 60 labik glut jaleih tapen kraong, ribaong. Ta-eng huyện Cái Bè hu labaih 25 labik, huyện Cai Lậy 15 labik saong Châu Thành 17 labik glut jaleih, ngak kan kandah ka bhap bani. Ong Nguyễn Thiện Pháp, Chánh Văn phòng Ban chỉ huy Pacang caga ribuk aia sua – patrun bala meng langik tasik tỉnh Tiền Giang brei thau, ngan haong dom labik glut jaleih, puk palei meda buh tabiak jien padai saong jak ba bhap bani rik daong pren yava tame pasiam veik. Ta-eng dom labik glut jaleih prong, tỉnh ini meda pok panuac  likau Trung ương daong; anak meta, jak ba mikva panduan nao daok di labik siam mekre.

        Khaw tin dunya

      # Cộng hòa dân chủ bhapbini Triều Tiên barau khan brei thau meda hu bruk ngak bayah veik ka Mỹ saong Hàn Quốc kayua dua taneh ia ini kham merat patabiak sa Hệ thống phòng thủ tên lửa tầm glaong tukvak puac abih di Hàn Quốc.  Hãng Thông tấn trung ương Triều Tiên (KCNA) ndom ka pathau khan ini meng Bộ Tổng tham mưu bol bala bhapbini Triều Tiên cambnaih lac, taneh ia ini meda ngak bruk samal hadei tuk bnrei thau hu tukvak saong likbik bo Mỹ patabiak Hệ thống phòng thủ tên lửa nan di Hàn Quốc. Ini lac phản ứng akaok mereip di  Cộng hòa dân chủ bhapbini Triều Tiên ka quyết định di Hàn Quốc saong Mỹ ba tabiak harei 8/7 barau blaoh, ka bruk ba tabiak Hệ thống phòng thủ tên lửa tầm glaong puac abih di Hàn Quốc, labik urak ini hu jaik 28 rabau 500 binh sỹ Mỹ daok padang labik ngak bruk .

     # Takik abih 6 urang metai saong 8 urang karei lahik hadei di mbang ribuk Nê-pa-tắc (Nepartak) tuh tame dom tỉnh Phúc Kiến saong Giang Tây di gah Đông Trung Quốc. Mentri Nội vụ Trung Quốc brei thau harei 11/7,  jaik 203 ribau urang di 10 bal hu panduan nao daok di labik karei tuk ribuk Nê-pa-tắc ngak tayah jaik 1 ribau 900 baoh sang. Hu abih tih 449 ribau urang gaok kan kandah. Jaik 15 ribau 800 héc-ta phun pala njauk khut khat kayua ribuk, dalam nan sa ribau 600 héc-ta njauk khut abih. Khat lahik tui kuhria dahlau meda tagok tal 860 triệu nhân dân tệ (samu jaik 128,7 triệu đôla Mỹ).

     # Thủ tướng Ixraen Ben-gia-min Nê-ta-ni-a-hu patabiak bruk 12,9 triệu đôla jhul khang 2 khu định cư Ixraen di gah meraong khu Bờ Tây. Bruk ini hu ba tbaiak dom harei hadei tuk Thủ tướng Nê-ta-ni-a-hu ba tabiak bruk dak apdang yaok ratuh baok sang barau di dom khu định cư di Bờ Tây saong đông Giêruxalem, ngan tabiak chỉ trích khang meng mintri Ngoại giao Mỹ. Thủ tướng Ixraen Nê-ta-ni-a-hu brei thau, paok jien barau ba tbaiak hu brei ka Ki-ri-át Ac-ba (Kiryat Arba), (khu định cư di 7 rabau urang Ixraen) saong brei ka cư dân Do Thái di ban Hêbrôn jaik nan ./.