Khaw tin 10g30-14g30, harei 12/9

#Thủ tướng rajaei  bahrau mbaoh tangin tame sarak buh jien tame   Dự án " Tagok bruk ielk glang patagok uranaih gam song bruk salih bahrau hệ thống y tế di Việt Nam" kayua Quỹ Nhi đồng di Liên hợp quốc (UNICEF) dong ba. Dự án hu peih ngak meng thun 2017 - 2021 di Hà Nội song ba tỉnh Gia Lai, Kon Tum song Điện Biên. Dự án hu tong abih phun jien labaih 16 ribau tỷ đồng.

# Báo Tuổi trẻ pambuak bruk saong Tỉnh Đoàn Quảng Trị, kapul pachreih bac tỉnh Quảng Trị, rayo papar sap papar binguk saong Báo Quảng Trị barau alin jien bac “daong pren nao bac” ngan saong kadha ““Nghĩa tình Quảng Trị”. Danakdak hu alin 204 paok jien bac labaih abih tih 1,5 tỷ đồng alin ka dom sinh vien barau yam yagok kan kandah bac naih joi di tỉnh Quảng Trị. 

         # Di huyện M'Đrak, tỉnh Đăk Lăk, Tập đoàn viễn thông Quân đội (Viettel) pambuak bruk song mintri pato megru  Kapul pachreih bac Việt Nam song rayo sap ndom Việt Nam, peih bruk jao pok jien bac tổ “kayua adei pachreih bac”  mbang ka 4 ka anek saih hu rai duik kan kandah.   460 pok jien bac, yaok pok hu yaom 1 triệu đồng, hu jao ka anek saih kan kathaot bac megru naih joi di  46 xã di huyện M Đrăk  di tỉnh.

# Piah pabak bruk pandar menyek dak harei dak glaong di urang bhapnini saong dom doanh nghiệp, Công ty Điện lực Phú Yên (di Tổng công ty Điện lực Miền Trung) hu buh tame 193 tỷ đồng piah ramik pasiam hệ thống jalan menyek; dak padang dom công trình duh ka ngak mbang daok dang. 

         # Piah dong ka urang tong ikan patagok siam bruk tong chap kaya ikan, UB bhap bini tỉnh Cà Mau tagok bruk tacei ba peih ngak Đề án pasiam veik gah ngak nong, dalam nan peih bruk tui iek, quy hoạch, parabha bhum tong chap, padang ngak jalan krong, điện, jalan mbak… pasalih bahrau song peih bruk pasiam veik gah ngak hadang Cà Mau ttui jalan patagok khang kajap. 

# Tỉnh Đồng Nai barau peih pakak adit ilimo công nhân 2017. Ini lac bruk ngak yaok thun kayua tỉnh Đồng Nai peih ngak piah brei mblang mein siam mekre ka dom urang công đoàn, urang ngak daok diukrai saong ngak bruk dalam tỉnh. Danakdak rah tabiak meng ini tal harei 17/9.

# Gah Y tế tỉnh Kiên Giang dok peih ngak dom jalan pacang caga ruak pandiak tabiak darah song ruak tangin takai cambuai dok di tỉnh. Urak ni ruak tangin takai cambuai dok rah tabiak di dom huyện, thị xã, ban sit dalam tỉnh, meng akaok thun tal ni hu labaih 780 urang ruak, tagok jang 2 mbang dut song tuk vak ni thun 2016.

Khaw tin dunya

          # Urang bhapnini Cuba tame rami ramik ban ine La Habana saong lingiu ban ine hadei mbang hajan xua I-ma (Irma). Dom urang hu ba hareik hareim, dhar phun tabiak truh jalan dalam tuk urang bhapnini rami ramik sang danaok, dak gauk blei bánh mì saong dom pandap panda karei. 

         # Urang dang akaok Mêhicô meda pabak pandap mbang menyum ka dom labik megei boh taneh di adit bloh, hu 96 urang metai, song labaih 2,5 triệu urang brei hu dong ba.  Tổng thống Mêhicô En-rich-kê Pê-na Ni-e-tô (Enrique Pena Nieto) hu panuac khan  3 harei quốc tang.  

# Dua sruh radaih apui praong barau ginuh gauk di sa sang ga gah kreh negar Thụy Sĩ, ngak ka 27 urang njauk rambuis. Cảnh sát puk palei brei thau, mbang bala ini rah tabiak tuk 11 tuk meteh harei 11/9, di sa sang ga ban sit An-đêmát (Andermatt) di bhum Trung-Nam Thụy Sĩ.