# Pak bal Nha Trang, tỉnh Khánh Hòa, Báo Tuổi trẻ pambuak haong Tỉnh Đoàn, Sở pato megru di klau tỉnh Phú Yên, Khánh Hòa saong Ninh Thuận gam haong Kapul pachreih bac, pachreih megru tỉnh Khánh Hòa peih bruk pok brei paok jien bac “daong pren nao bac” alin brei ka dom sinh viên bahrau yam tapa kan kandah bac da-a naih jioy di 3 tỉnh. Dalam mbang ini, hu 98 sinh viên bharau, taduan mek hu paok jien bac 7 triệu đồng sa paok, hu 4 paok yaom 10 triệu đồng. 

# Di huyện Kon Rẫy, Tỉnh Đoàn Kon Tum peih pakak công trình dam dara “ truic hadah jalan palei” saong patabiak bruk ngak tui bilan an toàn giao thông thun 2017. Công trình hu peih ngak jaik sa bilan ini di 20 palei kan kandah dalam 6 xã pak ban sit Kon Tum saong huyện Kon Rẫy. Saai Xiêng Thanh Phúc, Bí thư Tỉnh Đoàn Kon Tum, brei thau: Ini lac công trình biak hu makna rik daong saong karja puk palei oh lac ka padang ngak palei pala barau bo daok hu makna brei ka mikva jalan hadah, khik caga trật tự an toàn giao thông jeng ye ka trật tự an ninh dalam dom  xã, dom palei kan kandah.

# Piah khik caga siam mekre pandap mbang menyum ka urang pandar dalam tukvak Tết Trung thu thun 2017, Ủy ban bhap bani tỉnh Ninh Thuận hu  padang kapul liên ngành di klau pakat tỉnh, huyện saong bal, peih bruk pasang iek di dom labik ngak pandap, pablei salih pandap mbang menyum, dom labik mbang huak, pandap mbang angaok jalan… Tui Ban tacei pato liên ngành siam mekre pandap mbang menyum tỉnh Ninh Thuận, dalam tỉnh hu labaih 35.000 labik ngak pandap, dalam nan hu labaih 1.500 labik ginup điều kiện brei harak ba-ar chứng nhận an toàn pandap mbang munyum, labaih 2.200 labik hu brei harak  brei thau ilamu ka an toàn pandap mbang menyum.

# Labaih 4 thun tapa, kapul urang njauk jru mek kalik truic dioxin quận Ninh Kiều, ban Cần thơ, hu jak ba dom japul nyaom, menuac urang dalam saong lingiu taneh ia rik daong hu labaih 2,5 tỷ đồng piah tanyi ravang, alin pandap, brei radaih lăn, daong jien bac, daong kan kandah, iek ruak saong brei jru saoh ka sang urang gaok jru mek. Meng kadung jien daong ini hu daong ka labaih 800 urang njauk jru mek kalik truic dioxin di puk palei yam tapa kan kandah, yam tagok dalam raidiuk. 

# Ủy ban bhap bani tỉnh Trà Vinh ieu pataom phun jien hu labaih 710 tỷ đồng piah pachreih bruk đầu tư saong cakrok patagok công nghệ ngak pandap mbang menyum ngan haong dom janih pandap chủ lực, meda meriak gauk yau: kaya ikan dalam aia, ratak lo, rilo anek athur, menuk ada, aia menyum meng baoh kayau, njam patam baoh karaoh sấy… Jalan ngak cakrok patagok công nghiệp ngak tabiak pandap mbang menyum di tỉnh nan lac tal thun 2020 ngak breik ba yaom ngak tabiak gah công nghiệp mek hu jaik 40.000 tỷ đồng.

       # Anak bruk ralo mblang  padai Hè Thu khut khat kayua langik tasi, ong Nguyễn Tiến Hải, Akaok Ủy ban bhap bani tỉnh Cà Mau hu pandar Sở Ngak nong saong patagok palei pala tỉnh paglaong jalan ngak pacang khik mblang taneh padai Hè Thu njauk aia dauk. Tui nan, gah chuyên môn pambuak catang haong karja palei bhian tui  iek langik tasik. Meng nan, samar ba tabiak panuac brei thau dahlau, tacei pato urang nong jalan pacang caga bala meng langik tasik. 

Khaw tin dunya

       # akaok Tổng cục Môi trường Thái Lan, ông Da-tu-pôn (Jatuporn Buruspat) brei thau, mintri Tài nguyên saong Môi trường Thái Lan saong mintri Tài nguyên saong Môi trường Lào barau mbaoh tangin tame bruk ngak dalam 5 thun ka alam Môi trường saong khik nerak piah jhul khang talei pambuak bruk dua gah ka dom bruk alam môi trường. Ini lac sa canah dalam Biên bản hadar mbaoh tangin di mintri Tài nguyên saong Môi trường Thái Lan haong Lào di Viên Chăn meng bilan 7/2017, piah jhul khang pambuak bruk học thuật ka khik ramik alam môi trường saong nerak.

       # Kapul công nghệ Apple di  Mỹ bahrau tabiak 3 mẫu điện thoại thông minh iPhone 8, iPhone 8 Plus và iPhone X. Bruk ini hu peih ngak di Sang daoh Xti-vơ Gióp (Steve Jobs) dalam khuôn viên Apple Park, bang Ca-li-phoóc-ni-a (California).

  #Takik abih 14 urang metai saong 6 urang gaok rambuic di sa mbang bala di jalan pak gah Brak Pa-ki-xtan di harei 12/9. Tui cảnh sát puk palei, bala rah tabiak di jalan cao tốc di tỉnh Ra-oa-pin-đi (Rawalpindi) tuk sa radaih pajeng tuai nduac samar ginuih tapak sa radaih tải. bala ngak ka sa sruh radaih tuai khuah./.