Khaw tin 10h30 -14h30, harei 14/11

   # Pahadar 86 thun Harei padang Mặt trận Bangsa yasa Việt Nam (18/11/1930 - 18/11/2016), Akaok Quốc hội Nguyễn Thị Kim Ngân saong urang pal akaok tỉnh Bến Tre hu mai pataom mbaok dalam harei roya Gul pataom taong abih bangsa pak labik daok di ấp Thới Hòa, xã Châu Hòa, huyện Giồng Trôm. Ấp Thới Hòa hu taduan mek angan ấp ilamo thun 2007. Pachreih tui bruk jak ba “ba gauk padang ngak palei pala bahrau” bhap bani abih hatai alin brei taneh, phun pala, harei ngak peih ngak dom canah jalan nao mai, ngak ka mbaok meta palei pala dak harei dak siam jang.

          # Patui danakdak mbang nyaom, harei ini, (14/11), Quốc hội biểu quyết brei tapa Sarak ka bruk parabha kadung jien karja thun 2017 saong ginum biai di hội trường ka dự án hukum thủy lợi. Patui di nan, Quốc hội caik tukvak ka bruk  tangi sua, javap calei dom tangi sua. Bruk barau di mbang nyaom ini lac dom urang Quốc hội hu yar biển ndom biai nao mai dalam mbang ginum biai saong mbang tangi sua, javap jalei, daong ka ureang Quốc hội tui sumu dom asal kadha tangi sua.

        # Pamong tal pahadar Harei Gru pato Việt Nam 20/1, Mentri pato megru hu peih bruk pataom mbaok saong pok brei Harak meyaom ka 42 cei gru, anai gru pato naih gheih di danak dak “Klah rabha haong gru pato” thun 2016. 42 cei gru anai gru hu pok meyaom nan lac dom gru pato naih gheih daok ngak bruk pak dom sang bac di huyện pulao saong dom jabat hành chính pakat huyện hu xã pulao, hu tukvak ngak bruk angaok pulao meng 3 thun tagok hu tư cách đạo đức, jalan diuk rai siam; hu ralo rik daong dalam bruk pato anek saih ba tal salih bahrau chất lượng saong siam lagaih bruk pato megru; hu hatai kham meray yam tapa kan kandah, abih hatai haong bruk pato megru, hu anek saih, amaik ame anek saih saong xã hội anit ranam. 

     # Tỉnh Hòa Bình urak ini hu 1.650 urang hu angan je dalam bhapbini bangsa takik. Dom thun tapa, urang hu angan je hu patagok labik dang di drei dalam pathau khan, jak ba gauk gar dalam sang, bhapbini bangsa takik ngak siam jalan adat di Đảng, sarak di Karja, rik daong praong dalam bruk padang hatai jum pataom dom bangsa, khik caga quốc phòng an ninh, trật tự an toàn xã hội dalam tỉnh.

     # Tui Ban Bangsa tỉnh Bình Phước, urak ini,ralo phun jien daok hu ieu pataom, buh tame ngak piah jhul pakhang bruk patrun kathaot ka bhum urang bangsa takik di tỉnh. Cambaih laih, Bình Phước peih ngak 8 dự án daong ka bhap bani tani tanat labik daok, labik ngak ngan haong phun jien labaih 142 tỷ đồng; tal urak ini, hu 2 dự án tani tanat labik daok, labik ngak ka bhap bani hu ngak salah blaoh saong 2 dự án tani tanat labik daok, labik ngak pablak ngan haong labaih 649 baoh sang. Dom dự án tani tanat labik daok, labik ngak daok veik meda hu ngak salah baoh dalam tukvak anak tal. 

      # Melam kabroi 13/11, di mblang beir 30-4, ban sit Sóc Trăng, harei parang me in nghệ thuật bhapbini saong parang iek ao khan angui cuk bangsa Khmer mbang yaka VIII thun 2016 barau salah ngan saong rilo kadha biak gheih pachreih hu yaok rabau urang maong dalam saong langiu tỉnh dalam harei roya Oóc Om Bóc- pakacah ghe Ngo di bhapbini Khmer Sóc Trăng.  Dom libik hu pataom tame pakacah mein dom thể loại ye : daoh tamia, độc tấu, hòa tấu ragu ragam bangsa ngan saong kadha pok meyaom Đảng, Wa Ho, pok meyaom bruk jum pataom di bhapbini klau bangsa Kinh - Khmer – Hoa… 

      # Bahrau ini, Meyim Vĩnh Long pambuak haong Phòng Ilamo saong Thông tin huyện Bình Tân roh duah pandap ngak nong, kaya taong ikan di 11 xã di huyện Bình Tân hu taong abih 429 pandap panda. Dalam nan, hu 6 pandap ilamu meng kan, 167 pandap panda ngak nong, 32 kaya taong ikan saong 224 pandap panda ilamo bangsa. Ini lac bruk ngak piah kuhria caga ka bruk padang Muyim  Ngak nong Bhum taneran kraong Cửu Long pak tỉnh Vĩnh Long dalam tuk vak anak tal.

     Khaw tin dunya

    #  Dalam mbang ravang Thổ Nhĩ Kỳ harei 13/11, Ngoại trưởng Trung Quốc Vương Nghị ndom lac, Trung Quốc halan hatian pasiam talei pambuak bruk saong Mỹ hadei di tuk ông Đô-nan Trăm (Donald Trump) jayah dalam mbang pilih ruah Tổng thống Mỹ barau rah tabiak. Brei panuac di mbang taom gaok Ngoại trưởng Thổ Nhĩ Kỳ di ban ine An-ca-ra (Ankara), Ngoại trưởng Vương Nghị ndom cambaih, Trung Quốc saong Mỹ hu dom mbang taomn gaok, ginum biai gam gam bo Đảng Dân chủ saong Đảng Cộng hòa di Mỹ jeng njauk hatai pasiam saong patagok ytalei pambuak bruk saong Trung Quốc. 

      # Biar harei 13/11, harei pataom pakacah ghe gilai di Campuchia hu peih tabiak angaok kraong Tole Sap, labik anak văng patao, meng kraong Bốn Mặt (Chak Tomuk) tal tatua Chroy Changva, ngan haong bruk mong iek di yaok pluh ribau bhap bani bal ine Phnom Penh saong dom tỉnh bal jaik taphia. Tui ban tổ chức, dalam 3 harei rah tabiak bruk pakacah ghe gilai meda hu jaik 2 triệu urang, dalam nan hu bhap bani Campuchia saong urang negar langiu hu mbaok tame atau bui sambai dalam dom harei nan.

     # sa mbang megaiy taneh khang  6,2 độ rích-te rah tabiak harei 13/11 ngak megaiy libik đông bắc Ác-hen-ti-na. Min oh ka thau khat lhik hadei mbang megaiy taneh ini. Mbang megaiy taneh rah tabiak di tukvak 8 tuk pagaiy ( tukvak puk palei) saong pasak libik megei atah di bhum Chi-lê-xi-tô (Chilecito) di tỉnh Ri-ô-gia (Rioja), gah pai Ác-hen-ti-na, 26 km nao gah Brak. Mbang megaiy taneh ia ini rah tabiak tok dom tuk hadei di mbang megaiy taneh khang 7,4 độ rích-te ngak tabiak sóng thần glaong 2 mét di Đảo Nam di Niu Di-lân./.