# Biar harei 13/7, Thủ tướng Raja-ei Nguyễn Xuân Phúc hu ginum biai haong Tổng thống Mông Cổ Tsakhia Elbegdorj (Sa-khi-a-gin Ên-bếc-đóc-giơ). Pak van ginum biai, dua urang pal akaok hu njauk gauk ka bruk dom mentri, ngành dua gah njauk patagok bruk bac megru nao mai ka dom jalan ngak patagok bruk pablei salih dua gah tui nan, Việt Nam meda blei tame rilo ngak tabiak blaoh blai di Mông Cổ angaok cơ sở grap tanat điều kiện gah kiểm dịch; Mông Cổ patagok bruk blei tame dom janih pandap di Việt Nam hu pren khang yau  kaya nong – kaya ikan, baoh kayau, njam patam haong pandap điện tử.

       # Biar harei kabroi 13/7, di HN, Ủy viên mintri  Chính trị, akaok Ủy ban Trung ương Mặt trận negar Việt Nam Nguyễn Thiện Nhân, dang akaok nyaom meyai peih bruk pambuak gauk jak ba saong tui iek kajap an toàn thực phẩm thun 2016. Brei panuac di nyaom meyai ong Nguyễn Thiện Nhân ndom lac an toàn thực phẩm lac bruk duh hatai dui atah, ini lac bruk oh ngak hu dalam 1 thun, bo takik di abih lac  5 thun meng salih barau hu.

      # Thủ tướng Raja-ei bahrau mbaoh tangin tame Đề án “Patagok bruk pato sap Yuan angaok mạng trực tuyến ka urang Việt Nam daok pak negar langiu”. Mục tiêu di Đề án piah dak padang saong patui veik danak dak pato sap Yuan angaok mạng trực tuyến (hu 6 trình độ) căn bản, siam mekre, mbuan laghaih ka urang Việt Nam daok pak negar langiu bac megru, daong ka dom rairah urang Việt Nam daok pak negar langiu, abih di nyu lac rai rah dam dara hu thau sap Yuan piah pandar, ngak brei khik ramik saong patagok hatai saneng pamong tal halau gha, pamong tal palei negar, khik ramik asal ilamo bangsa. 

      # Phaok Thủ tướng Trịnh Đình Dũng barau hu panuac tacei pato ka bruk ramik veik quy hoạch patagok jalan mbak pajeng ba jalan kapal haaoh tal thun 2020, pamaong tal thun 2030. Tui nan, phaok thủ tướng jao ka mintri jalan mbak pajeng ba pambuak saong mintri jien padai saong môi trường ngak salah bruk taong yaom jalan ngak ngan saong bruk patagok jalan pajeng ba meng kapal haoh tal thun 2020, pamaong tal thun 2030 (ramik veik quy hoạch) tui njauk hukum.

       # Pak Quảng Ninh, page harei (13/7), ngan haong kadha “taneh peih hatai manuac”, hành trình bhong pachreih hu labaih 600 urang anek di taneh mỏ nan lac dom đoàn viên, dam dara, urang jakar saong bhap bani dalam tỉnh hu mbaok tame brei darah. Hu peih ngak meng harei 1/7, hành trình bhong thun 2016 meda nao tapa 27 tỉnh, bal dalam negar ngan haong 2 kapul nyaom hành trình: Kapul nyaom Hành trình bhong gah Meraong meda peih ngak meng pulao Phú Quốc tỉnh Kiên Giang saong kapul nyaom Hành trình bhong gah Barak meda peih ngak meng Hà Nội. Dua kapul nyaom meda taom gaok gauk pak Thanh Hoá dalam harei 27/07 dahlau di tuk nao tame bal ine. Tui kuhria hành trình bhong thun ini meda taduan mek hu labaih 20.000 đơn vị darah piah pabak tame bruk kurang darah dalam bilan hè di taneh aia.

      # Anak bruk tỉnh Bình Phước hu sruh jit bạch hầu ngak ka 3 urang metai, cục y tế dự phòng di mintri y tế brei thau, daok samar ba vacxin bạch hầu piah klauk ka dom urang mbuan njauk ruak dalam bhum hu jit bạch hầu di Bình Phước. Urak ini Viện Pasteur ban Hồ Chí Minh daok samar daong tỉnh tui iek, pacang cakak saong hu jalan klauk vacxin ka urang mbuan njauk ruak. Vacxin hu pataom mek meng nguồn khik mepiah di mintri y tế, brei ka bruk pacang cakak jit, hu tacei klauk ka uranaih umo meng 48 bilan tagok (karei jang vacxin bạch hầu daok hu klauk dalam danak dak klauk jru peih praong ka umo meng 2 tal 4 bilan).

     # Pak Quảng Ngãi, biar harei (13/7), 5 urang taong ikan gilai QNg 90479 njauk gilai di Trung Quốc paguai tal karam, hu nao nhờ gilai QNg 95001 TS di  ong Huỳnh Văn Khanh mai tal pabah lamnge Sa Kỳ. Hadei di tuk mai tal taneh haluk, 5 urang taong ikan hu mai tal balai pasang iek biên phòng Sa Kỳ piah khan ka bruk gilai di drei njauk gilai di negar langiu paguai saong njauk karam tuk nduac gaok patau ngầm harei 9/7 meng blaoh. Dalam biar harei 13/7, Kadung jien daong ka urang taong ikan jeng hu mbaok di pabah lamnge Sa Kỳ peih daong ka 5 urang taong ikan njauk bala angaok tasik. Tui nan, lambaok kadung jien daong ka urang taong ikan Quảng Ngãi hu pok jao 40 triệu đồng ka po gilai saong daong brei ka yaok urang nao gilai 2 triệu đồng. 

      Patui di ini dom khau tin dunya:

     # Brei panuac di ban ine Bắc Kinh dalam mbang nao rivang Trung Quốc piah hu mbaok tame nyaom meyai pakat glaong di abih mbang ka 18 di TQ saong Liên minh châu Âu (EU), akaok hội đồng châu Âu (EC) Đô-nan Tu-xcơ ndom lac EU jia tame tòa trọng tài thường trực (PCA) saong tiến trình vụ kiện, taphia di nan brei thau hatai caong khin phán quyết hu pandar piah ba tabiak jalan siam dalam bruk ruah duah sa jalan ngak ka bruk merak gauk anagaok Biển Đông. Akaok EC jeng brei thau EU pachreih tui bruk khik kajap hukum dunya, nan lac công ước di LHQ ka hukum tasik 1982 (UNCLOS). Dalam panuac pambuak tal di harei 12/7, akaok Tusk ieu TQ iek praong hukum dunya, khik caga trật tự dunya tui quy định.

      # Harei 13/7, Liên hợp quốc (LHQ) brei thau raja-ei Jordan hu njauk hatai brei adat ka Danak dak Lương thực dunya (WFP) di LHQ panduan ba mbang pandap daong brei sa mbang tal labaih 100.000 urang tị nạn Syria daok njauk gal pak labik sa mạc di tapen negar Đông Bắc Jordan. Tui Giám đốc điều hành WFP Ơ-tha-rin Ca-dơn (Ertharin Cousin), jabat ini daok ginum biai haong raja-ei  Jordan piah panduan ba dom pok daong brei nan lac pandap panda jeng yau kaya mbang menyum tal dom urang tị nạn di labik tapen negar.

     # Dom taneh ia patagok gah meraong châu Phi harei 12/7 brei thau, hu ieu menuac sia dunya rik pataom 2,7 tỷ đo la piah daong labaih 23 triệu urang dalam khu vực daok caong hu daong chip kayua pandiak bhang. Tổng thống Bôtxoana, gam lac akaok dom taneh ia patagok gah meraong châu Phi, ong I-an Kha-ma tui kuhria dalam bilan 7 ini meda tabiak panuac lac gah meraong châu Phi lac bhum gaik bala khang./.