# Harei kabroi (14/7), pak Phủ Chủ tịch, Akaok negar Trần Đại Quang hu van taduan raok urang dahlau diah ngak Tổng thống Chi-lê Ê-đu-ác-đô Phơ-rây Ru-ít Ta-gơ-lê daok  rivang saong ngak bruk pak negar drei. Akaok negar Trần Đại Quang ndom lac: Talei pambuak bruk di dua negar dalam dom thun tapa daok patagok siam mekre taong abih gah yau: chính trị, kinh tế - thương mại… Daok bruk Biển Đông, Akaok negar caong khin  Chi-lê sangka, pachreih tui jalan njauk di Việt Nam saong ASEAN ka  bruk langyah meriak gauk tui jalan sron mbuan, tui adat hukum dunya, abih di nyu lac Công ước di Liên hợp quốc ka hukum tasik thun 1982.

     # Dalam mbang nao rivang Mông Cổ, mesup kabroi 14/7, thủ tướng Nguyễn Xuân Phúc hu mbaok tame diễn đàn  Doanh nghiệp Mông Cổ- Việt Nam. Mai pataom mbaok, hu akaok mintri dom bộ, ngành dua taneh ia saong labaih 100 doanh nghiệp, urang đầu tư dua taneh ia. Lac sa taneh ia mbeik drei tame dalam saong nền kinh tế dunya, Thủ tướng Nguyễn Xuân Phúc ndom lac, VN daok ba mbuan lagaih di abih ka dom gah đầu tư, pablei salih, DL di Mông Cổ tal Việt Nam, piah dua gah gam hu kein laba, gam ngak kaya dalam tukvak mbeik drei tame saong patagok.   

     # Pahadar 66 thun harei  Thanh niên xung phong Việt Nam (15/7/1950 - 15/7/2016), biar harei ini, pak Sang Quốc hội, Phaoak Akaok  Quốc hội Đỗ Bá Tỵ hu taduan raok Kaoul lambaok  urang dahlau diah ngak Thanh niên xung phong dom rai rah. Phaok akaok Quốc hội Đỗ Bá Tỵ ndom lac: Thanh niên xung phong nan lac sa dalam dom gah praong, hu ralo rik daong dalam mesruh metak peih paha bangsa saong dalam bruk dak padang, pacang khik Palei negar harei ini. Đảng, Karja, Quốc hội taong yaom glaong saong tuk halei jeng thau dhar phor, thau bruk van klaak rup drei brei ka taneh aia di dom rairah Thanh niên xung phong.

      # Biar harei 14/7, di HN, hội đồng giải báo chí pakat negar hu peih bruk pataom iek veik 10 thun Giải báo chí pakat negar (2006 – 2016). Brei panuac di nyaom meyai, akaok hội đồng giải báo chí pakat negar, akaok hội nhà baáo  N Thuận Hữu, brei thau: meng tuk tabiak rai (2006) tal ini, giải báo chí pakat negar hu báo giới saong bhap bini pachreih tui. Dom tác phẩm hu palih ruah jao giải mek hu chất lượng ka chính trị tư tưởng, hu rilo asal kadha, brei mboh tapak bruk chính trị - XH dalam thun di taneh ia, hu jalan ngak hadah krah, ba mai siam mekre, kein laba ka XH.

     # Pak Quảng Trị, hadei di bruk ia tasik njom nerak, rai diuk urang taong ikan di dom tỉnh meng Hà Tĩnh tal Thừa Thiên-Huế, abih di nyu lac urang taong ikan di labik bãi ngang tapen tasik laik tame jalan kurang mbang kayua oh tabiak taong mek ikan hu. Anak bruk yau nan, Ủy ban bhap bani tỉnh Quảng Trị hu buh tabiak jaik 50 tỷ đồng meng danak dak palei pala bahrau, daong jien jhung Gilang pariak Sarak karja ka 1.700 baoh sang taong ikan mesre piah ngak mbang, salih bruk ngak. Piah ba brei bruk ngak suai lavik ka urang taong ikan tapen tasik, tỉnh Quảng Trị pachreih ba dom puk palei buh jien tame ngak dom mô hình raong pala pak sang, nông trại labik cuah, dak padang dom kapul pambuak bruk ngak mbang. 

     # Di NT, harei 14/7, bộ chỉ huy bộ đội biên phòng tỉnh peih bruk  nduac iek saong tabiak mbaok kapal tuần tra pambuak bruk duah daong urang njauk bala angaok tasik. Tui nan, kapal tuần tra pambuak bruk duah daong urang njauk bala hu số hiệu BP 36.98.01, hu công suất 3.000 CV. Kapal hu pabak dom thiết bị hàng hải barau yau ra đa, định vị vệ tinh, dom janih vô tuyến điện duh ka bruk duah daong urang njauk bala saong khik caga bhum tasik, labik taong ikan. Bruk ba brei kapal BP 36.98.01 ka Bộ Chỉ huy Bộ đội Biên phòng tỉnh Ninh Thuận  hu makna biak praong, daong ka bộ đội biên phòng tỉnh paglaong bruk khik iek, daong chip tuk hu bala; rik daong khik caga chủ quyền bhum tasik saong thềm lục địa di taneh ia.

     # Pak Tiền Giang, Ủy ban Mặt trận Negar tỉnh bahrau buh tabiak meng kadung jien daong ba labaih 4,5 tỷ đồng piah blei bồn padang aia alin brei ka dom baoh sang kan kandah ka aia pandar di dom labik cù lao saong tapen tasik. Tui nan, hu 1.400 baoh sang pak dom huyện  Gò Công Tây, Gò Công Đông, Tân Phú Đông saong bal sit Gò Công hu daong brei bồn padang aia praong  2.000 lít/bồn,  yaom labaih 3,2 triệu đồng. Dom baoh bồn padang aia ini  hu dom baoh sang khik piah aia hacih piah pandar.

       Patui di ni dom khau tin dunya:

     # Harei 14/7, urang brei panuac mintri ngoại giao Nga Ma-ri-a Da-kha-rô-va tabiak panuac ndom ka  jalan ngak dahlau – hadei oh salih karei di Moskva, tui nan dom gah pambuak tal bruk merak gauk chủ quyền di Biển Đông brei ngak tui jalan oh pandar  phao ndao saong duah jalan chính trị - ngoại giao tui hukum dunya, dahlau di abih lac công ước LHQ ka hukum tasik thun 1982. Urang brei panuac mintri ngoại giao Nga ba tabiak panuac angaok nan hadei di tuk Tòa trọng tài thường trực di La Hay (Hà Lan) harei 12/7 tabiak phán quyết ka vụ kiện di Philippines saong Trung Quốc pambuak tal merak gauk di Biển Đông, tui nan tah klak dom yêu sách chủ quyền di Bắc Kinh di bhum tasik ini.

       # Tapa duah thau di New York Times/CBS News hu ba tabiak harei  14/7  lac cử tri pachreih tui dua  ứng cử viên nan lac samu gauk, daok di tanut 40%. Dalam mbang duah thau di bilan dahlau, amuk Clinton tapa mbaok đối thủ Trump 6 điểm, mek hu 43%, ong Trump hu 37%. Tui dom chuyên gia, mbang duah thau hu peih ngak hadei di tuk  Cục Điều tra liên bang Mỹ (FBI) brei thau bruk bê bối pandar địa chỉ thư điện tử cá nhân dalam tuk ngak ngoại trưởng di amuk Hillary Clinton, kayua yau nan ye angan je di amuk Hilary Clinton njauk ảnh hưỡng oh takik.

       # Harei ini 15/7, karja ban raya Nice brei thau takik di abih 60 urang metai saong jaik 100 urang karei njauk rambuah di khu nghỉ dưỡng Riviera di ban Nice hadei di tuk sa sruh radaih tải ginuh tame tapon menuac barau iek bloh mbang cuh phao bingu. Urang vak di hãng tin AFP hu mbaok di labik nan brei thau mboh sa sruh radaih tải patih nduac samar tame tapon ralo menuac daok tabiak nao hadei di tuk cuh phao bingu. Bruk tấn công rah tabiak dom mong hadei di tuk Prang ndom lac oh gia hạn bruk khẩn cấp hadei harei 26/7 tal, hu patabiak meng hadei mbang tấn công khủng bố di bilan 11 thun bloh di ban ine Paris ngak 130 urang metai./.