# Sở ngak nong song patagok palei pala tỉnh Bà Rịa-Vũng Tàu brei thau, piah pamong tal bruk oh hu kapan ikan tong chap suan adat di bhum tasik negar langiu, tỉnh Bà Rịa-Vũng Tàu hu mek veik vĩnh viễn harak adat tong chap di 75 kapan suan hukm. Tui Sở ngak nong song patagok palei pala tỉnh Bà Rịa-Vũng Tàu, makna ba tal bruk kapan di tỉnh tong chap suan hukum di bhum tasik negar langiu rilo meng lac kayua ilamu hukum adat di urang tong chap dok tkurang takik song dom jalan langyah dok kurang oh ginup khang . 

  # Daok dalam libik kreih di bhum Nam Trung bộ tapa bhum hạ Tây Nam bộ yau nan ye taneh riya lingik tasik, alam moi truong sinh thai di Bình Phước biak gheih, mekre. Dalam nan, kheih abih lac Beir Quốc gia Bù Gia Mập praong labaih 26.000 ha hu hệ động thực vật phong phú, lingik tasik gheih mata saong dom thác ia praong, mekre. Langiu di nan, Bình Phước daok hu dom libik inem mek sajarah danei angan daok hu dom công ty lữ hành mek ngak jeng dom libik ravang mein duh ka tuai damuai. Amuk Trịnh Thị Nghìn, Giám đốc Công ty du lịch Thuỵ Khuê lac: Bruk praong abih jeng lac menuac ngak du lich, dom urang ngak hu bruk oh daok di Binh Phuoc, daok dom urang ngak bruk di Binh Thuan lac takik gheih”

    # Tui khau tin meng Sở ngak nong song patagok palei pala Đồng Nai, urak ni tong abih tapon menuk dalam tỉnh hu jiak  25 triệu drei, tagok 27 %, samu song jiak 6,7 triệu drei dut song thun dahlau. Tong abih tapon menuk tagok samar kayua tuk vak dahlau pabui trun yaom khang, ngak ka urang rong khat trak, nan ye dom trang trại, boh sang rong salih tap rong menuk. Đồng Nai urak ni lac  tỉnh hu dom trang trại rong menuk rilaow, menuk caik boh hu brei harak chứng nhận siam merke oh hu jit ruak rilo abih dalam negar.

# Tui Sở ngak nong saong patagok palei pala tỉnh An Giang, urak ini urang nong dalam tỉnh trun pajaih padai Hè Thu 2018 hu 229.089 ha /228.546 ha, ngak hu 100,24% bruk trun pajaih dalam vụ, dom huyen hu rilo taneh pala padai Hè Thu 2018 lac huyện Tri Tôn, Thoại Sơn, Chợ Mới, Châu Phú, Phú Tân saong ban sit Long Xuyên. Taneh padai Hè Thu 2018 hu trun pajaih tagok duk saong bruk ba tabiak kayua yaom padai tagok hamiet saong dang di tanut glaing dalam tukvak tapa, nan ye pachreih urang nong trun pajaih padai.

       # Tal tuk vak ni, huyện Bình Đại, tỉnh Bến Tre hu 1.500 sang rong hadang  langiu bhum quy hoạch, di bhum ia taba hu jiak 540 ha. Bruk tah bein liu kuac danao di angaok mblang padai piah rong dang sú, dang takai patih rah tabiak rilo di dom  xã Thạnh Trị, Phú Long, Phú Vang, Thới Lai, Vang Quới Đông…Anak meta mboh lac, bruk kuac danao, raok bingun mek ia mbak rong hadang di bhum ia taba yau di tỉnh Bến Tre kein laba song khang kajap oh ka glong. Suai lavik bruk ni meda ngak jhak tal môi trường, taneh pala drakt, nerak  ia taba, ngak glut taneh, njom mbak bhum ia taba.

          Khaw tin dunya

# Tui bruk roh duah dunya mbang akaok meti, takik abih 2 triệu meteh urang di cư gaok ba nao pablei dalam thun 2016.Bruk ini kayua jabat Liên Hợp Quốc ka tội phạm saong ma túy (UNODC) brei thau barau ini. Tui Liên Hợp Quốc, bruk pablei menuac di cư hu rah tabiak di dom libik di dunya, ba jien tame ka dom urang pablei menuac tagok tal 7 tỷ đô-la Mỹ, sumu paok jien bo Mỹ atau Liên minh châu Âu (EU) buh brei ka bruk daong nhân đạo dalam thun 2016.

# Italia khan lac brei padeih dom mbang nyaom pakat glong song Pháp hadei di tuk njauk  Pháp lac “vô trách nhiệm” kayua oh taduan sa kapan pajeng urang di cư. Akaok mintri Kinh tế Italia Giô-van-ni Tri-a (Giovanni Tria) brei padeih mbang nyaom song Akaok mintri  Kinh tế Pháp di Pari dalam tuk 2 negar dok oh njauk hatai gauk ka bruk oh taduan labaih 600 urang di cư hu dong di langiu tasik  Libi di puac adit bloh.

# Dom gah xuất khẩu Trung Quốc daok rami ramik veik bruk ngak saong pablei tabiak taneh lingiu, kayua hu dom salih barau dalam bruk pablei salih dunya. Nan lac panuac di urang brei panuac di mintri Thương mại Trung Quốc Cao Phong barau ba tabiak, dalam tuk patagok căng thẳng thương mại saong Mỹ. Tui  ông Cao Phong, Trung Quốc meda salih bruk pablei pandap tabiak taneh ia, dalam nan pablei tabiak tui jalan paglaong chất lượng saong hiệu suất, salih ka số lượng yau dahlau daih./.