# Ban tacei pato liên ngành Trung ương ka an toàn pandap mbang menyem bahrau tabiak jalan ka bruk peih ngak 6 kapul pasang iek liên ngành ka  an toàn pandap mbang menyum dalam tuk Tết Trung thu thun ini. Bruk nao pasang iek meda hu dom kapul nyaom peih ngak meng harei 25/8 tal harei 14/9 tal. Dom labik pasang iek nan lac dom labik ngak pandap, pablei salih, blei tame pandap panda, pablei quán mbang menyum, pataom tame pasang iek dahlau dom labik ngak pandap, pablei salih dom janih pandap mbang menyum hu pandar ralo dalam tuk Tết trung thu yau: har, mứt, kẹo, alak, bia, aia giải khát, rilo saong dom janih pandap ngak meng rilo.

       # Việt Nam urak ini daok kurang jaik 300 urang ngak dalam gah kỹ thuật số, 15% urang ngak hu ilamu pan akaok. Urak ini, hu ralo jalan ngak praong daok ngak salih barau dalam darak lao động yau pandar jamriah saong robot piah cakak trun dom bruk ngak ngak nao ngak mai. VN daok tavak tavaiy biak praong ka lao động kỹ thuật số dalam taong abih dom bruk ngak, bruk caong hu urang ngak dalam dom dịch vụ chuyên môn, abih di nyu nan lac gah nhân sự jeng daok patagok.

       # Urak ini, yaom lac oh ka tal bilan paik baoh ralo min baoh duriang di tỉnh Tiền Giang laik yaom khang. Dua adit dahlau, Baoh durieng yaom labaih 40 ribau đồng sa kg, urak ini trun daok 30 ngàn đồng sa kg. Tui yaom yau ini, urang ngak bein hu laba biak takik, gaok mai lac ginup jien phun. Dalam tỉnh Tiền Giang hu jaik 8.000 ha phun durieng pataom ralo di dom palei tapen kraong Tiền. Ong Đặng Văn Lâm, Akaok Ủy ban Bhap bani xã Tam Bình, huyện Cai Lậy, tỉnh Tiền Giang daok brei thau lac: “baoh durieng urak ini di xã Tam Bình oh ka tal bilan, oh ka hu ralo. Jaik 5-6 harei ini, baoh durieng laik yaom. Dua adit dahlau hu 40 ribau đồng/kg urak ini daok tok 30 ribau đồng/kg. Jaik di ini, dom sang vựa pak ini tabiak gah langiu miền Đông, Tây Nguyên duah blei mai piah đóng thùng pablei tapa Trung Quốc, Thái Lan. Baoh durieng hu yaom jaik 30 ribau đồng nan lac hu laba ye min oh glaong, urang ngak bein oh khin paje.”

        # Kuhria tal tukvak ini, tỉnh Sóc Trăng hu labaih  1.200 urang njauk ruak pandiak tabiak drah, duk saong thun bloh dom urang njauk ruak pandiak tabiak drah rilo jang 38%, dalam nan, labaih 76% lac dom urang umo ala 15 thun. Bác sĩ Trần Văn Khải, Phaok Giám đốc sở Y tế tỉnh Sóc Trăng brei thau: “Piah iek ruak hu siam lagaih, kol dahlak pato pasram veik veik ka dom y bác sĩ di dom tuyến tỉnh, huyện, ban sit, ban praong dalam bruk peih phác đồ iek ruak pandiak tabiak drah. Ka dua tra lac caga jru tavao, trang thiết bị ginup, piah pabak bruk iek ruak saong pathau khan jak ba piah bhap bini thau saong ba dom kamuan nao tal dom cơ sở y tế samar tuk medil lac njauk ruak pandiak tabiak drah”.

        # Daok pak bal Cần Thơ hu labaih 442 urang njauk ruak pandiak tabiak darah; rilo jang 1,6 mbang dut haong tukvak ini thun dahlau. Bruk njauk duh hatai nan lac, meng blaoh Cần Thơ hu sa uranaih metai kayua sốc sốt xuất huyết Duengue trak, tái sốc ralo mbang saong ngak tổn thương ralo labik dalam rup. Tapa nan, ngak ka urang mboh duh hatai lac ruak meda tamuh khang dalam bilan hajan, bilan tabung glaong di ruak pandiak tabiak darah.

         # UB bhap bini tỉnh Đồng Tháp barau brei daong labaih 1,2 tỷ đồng yah klak 126 lò gạch haluk kiak am dalam tỉnh, ralo abih lac huyện Châu Thành 92 lò, yaok lò yah klak hu daong 10 triệu đồng. Tapa nan piah patak pataom taneh ngak nông, rik daong khik kajap an ninh lương thực, patrun khí thải ngak ô nhiễm môi trường. Bruk ngak di tỉnh Đồng Tháp yah klak lò gạch haluk kiak am salih tapa bruk pandar vật liệu xây dựng oh am tui jalan ngak tal thun 2018. Urak ini, Đồng Tháp hu 168 cơ sở ngak kiak, gam saong jaik 499 lò gạch haluk kiak am. 

         # Meng puac thun bloh tal ini, tuk bruk padang ngak bờ kè gah pai di kraong Chợ Gạo salah blaoh ngak ka jalan nao mai di bhap bani labik darak di xã Quơn Long, huyện Chợ Gạo, tỉnh Tiền Giang “lahik nao”. Kayua YAU nan ye, bhap bani gaok ralo kan kandah dalam bruk nao mai saong pajeng ba pandap panda. Urak ini, binah jalan klak njauk giải tỏa, piah peih ngak bờ kè. Canah lajan ini hu tuh (thảm) sa tal patau hijao mblo trun mblo tagok nan ye ralo baoh sang di labik ini biak pandik hatai kayua oh hu jalan nao mai, pajeng ba pandap panda.

         Patui di ini dom khau tin dunya:

        # Harei 15/8, sa mbang megei baoh taneh khang 5,3 độ rích-te rah tabiak di gah meraong Pê-ru ngak takik abih 4 urang metai saong labaih 20 urang njauk rambuah. Tui viện QP dân sự Pê ru, mbang megei baoh taneh rah tabiak di labik A-rê-quy-pa, ngan saong tâm chấn atah ban Chi vay, thủ phủ tỉnh Cay-lô-ma 10 ki-lô-mét, ngak 40 baoh sang jaleih saong ralo jalan oh nao mai hu. Gah urang ngak praong taneh ia ini ndom lac dom urang metai meda hu rilo jang.

       #Tổng Thư ký Liên hợp quốc Ban Ki-mun harei 15/8 hu panuac lên án bruk  không kích di liên quân Ả-rập do Ả-rập Xê-út ba akaok taong tame sang bac di tỉnh Xa-đa (Saada), gah Barak Yê-men saong jeng lac labik  di kol phiến quân Hu-thi, ngak takik abih 10 uranaih metai saong 28 urang njauk rambuis. Tui kuhria mboh di Liên hợp quốc, meng tuk bruk mesruh gauk di negar ini tagok khang di  bilan 3/2015, Kadung jien Uranaih Liên hợp quốc (UNICEF) kuhria mboh lac hu 1.121 uranaih metai saong 1.650 adei njauk rambuis. Min biak di nyu, urang metai meda hu ralo jang nan.

     # Gah Du lịch Thai Lan meda lahik tal 200 ribau mbang tuai dalam dom bilan daok veik di thun 2016 kayua dom mbang taong mbom gam gam rah tabiak di puac adit dahlau ngak 4 urang metai saong yaok pluh urang karei njauk rambuah. Urang dang akaok Tổng cục DL Thái Lan brei thau, tal puac thun ini, taneh ia ini meda hu meng 100 tal 200 ribau mbang yêu cầu hủy tour DL, ngak metai meng 5 tal 10 tỷ baht./.