# Meng blaoh, Ủy viên Bộ Chính trị, Phaok akaok Thường trực Quốc hội Tòng Thị Phóng, gam haong kapul urang ngak bruk hu van ngak bruk haong urang pal akaok tỉnh Quảng Trị. Khan brei ka kapul urang ngak bruk thau, urang pal akaok tỉnh Quảng Trị ndom lac, thun 2017 saong 5 bilan akaok thun ini, tỉnh Quảng Trị hu ngak tapa tanut 22/22 chỉ tiêu gah kinh tế- xã hội. Tal urak ini, dalam tỉnh hu 149 dự án buh jien tame khu công nghiệp, khu kinh tế dalam nan hu 88 dự án hu ba tame ngak. 

       # Ngan saong jalan ngak piah ngak tabiak pandap mbang menyum chất lượng, an toàn saong dak harei dak paglaong yaom kaya nong, patagok jien mek tame kajap ka urang nong, meng akaok thun tal ini, Bà Rịa-Vũng Tàu daok ba jalan piah pachreihh dom dự án ngak nong pandar cong nghe glaong. Tabhia nan, patagok chat luong pandap ngak nong hacih hu brei angan an toan, brei angan VietGAP, pandap ngak nong hữu cơ. Meng nan, ngak nòng cốt daong tacei pato ba brei kỹ thuật, công nghệ ka urang bhapbini piah pambuak gauk ngak tabiak dom pandap njauk caong khin di darak pasal, peih bruk blei chế biến saong pablei pandap ka urang bhapbini.

     # Akaok UB bhap bani tỉnh Bình Thuận bahrau mboh tangin tame quyết định tạm thời pakauc pataom gauk anak dom khu vực saong dom labik trọng yếu. Cambaih laih nan lac Trụ sở Tỉnh ủy Bình, Trụ sở Hội đồng bhap bani - Ủy ban bhap bani tỉnh Bình Thuận. Bhap bani Việt Nam saong urang negar langiu tuk tame dom labik pakauc ini njauk pataok radeih atah vọng gác meng 3-5m, nao tal vọng gác xuất trình harak ba-ar njauk adat hukum ka bol lin vũ trang ngak bruk mong iek pacang khik. Liên hệ haong urang jakar taduan raok bhap bani piah hu pato tacei; njauk ngak ginup abih adat humuk di Karja.

       # Sở pato megru tỉnh Bến Tre brei thau, dalam mbang pakacah tuyển sinh tame tan bac 10 hệ công lập thun bac 2018-2019 barau blaoh, dalam tỉnh hu labaih 16.400 thí sinh pataom tame. Dalam nan, chỉ tiêu tuyển sinh dom sang bac THPT công lập  labaih 11.600 anek saih. Tapa kết quả chấm điểm pakacah hu ba tabiak hu labaih 13.000 bài meblah  80% dom bài pakacah môn Anh văn hu điểm số ala 5, dalam nan, hu labaih 300 bài pakacah gaok điểm liệt (ala 1 điểm). Bruk ini brei mboh  kiến thức ka ngoại ngữ di anek saih trung học cơ sở di tỉnh Bến Tre njauk hu gah pato megru, amaik ame saong dom adei anek saih puk palei ini njauk sangka jang.

        # Sở pato megru tỉnh Tiền Giang brei thau, jaik di ini ralo sang bac dalam  tỉnh hu mboh rah tabiak bruk co klaik pandap panda hu yaom. Tok dalam sa bulan tapa, 5 sang bac njauk kaol co klaik dauk tame mek thiết bị máy tính yau: thanh Ram, CPU… ngak khat lahik jaik 500 triệu đồng. Thủ đoạn di dom urang ini lac bhian cang tal tuk melam mai, takik manuac urang khik iek dauk tame mek pandap panda hu yaom. Urak ini, jabat công an hu padang tagok chuyên án piah triệt phá dom urang co klaik ini.

Khaw tin dunya

# Mintri Ngoại giao saong pambuak bruk dunya Campuchia barau tabiak thông cáo taneh ia hu pilih ruah ngak Ủy viên Hội đồng Kinh tế, Xã hội di Liên hợp quốc (ECOSOC). Thông cáo brei thau labik dang lac Ủy viên ECOSOC, Campuchia meda kham merat pataom tame ginum biai piah jhul khang bruk paglaong tiêu chuẩn daok, ba brei bruk ngak ginup, jhul khang pambuak bruk ilimo dunya saong di gah patao megru, pren yava xã hội; jhul khang bruk pok glaong nhân quyền saong dom quyền tự do cơ bản.

# Thủ tướng Anh Thê-rê-sa Mây (Theresa May) brei thau kế hoạch dalam 5 thun tal, yaok thun meda buh tabiak mbluak 20 tỷ Bảng Anh ka hệ thống mong iek y tế. Jien chi mbluak ini hu mek tabiak meng phun jien bo Anh oh daok njauk lac rik daong tame ka Liên minh châu Âu tuk oh daok lac thành viên di khối saong jien patagok jien je. Panuac khan brei thau ini hu ba tabiak njauk tuk negar Anh pahadar 70 thun harei tabiak rai Dịch vụ Y tế Negar, tui nan taong abih manuac urang diuk rai dalam negar Anh hu taom gaok miễn phí dom dịch vụ mong iek y tế cơ bản.

  # Hãng thông tấn RIA di Nga ba tabiak panuac khan di sa urang jakar y tế di Mát-xcơ-va brei thau, 3 urang njauk rambuic tuk gaok sa radaih tắcxi ginuh tame urang nao takai di pasak ban ine Mát-xcơ-va, meda hu tabiak sang iek ruak di dom harei tal. Sruh radaih tắcxi hu ginuh tame urang nao takai jaik Quảng trường Đỏ di Mát-xcơ-va, ngak ka 3 urang njauk rambuac, dalam nan hu 2 urang Mêhicô mai ban ini piah maong dom mbang pakacah di Giải Vô địch caoh blaong dunya Uôn Cắp (World Cup) bo Nga dang tabiak ngak./.