# Ban Tacei pato Trung ương Pacang caga bala meng langik tasik hu Công điện ka 55 payua ka Công ty Thuỷ điện Tuyên Quang. Tui nan, Công ty Thuỷ điện Tuyên Quang peih bruk pasang iek catang jalan aia nduac, mbaok aia angaok binek saong samar brei ka Ban tacei pato Trung ương pacang caga bala meng langik tasik saong dom jabat pambuak pagam tal thau.

# Di tal bac 10A4, sang bac THPT huyen Điện Biên, tỉnh Điện Biên dom anek saih daok kreh bac, hu taphon danko par tame dius kaih, ngak 11 adei ba tame sang iek ruak. Hadei tuk bruk nan rah tabiak, sang bac ba dom adei nan tame sang iek ruak Pasak Y te huyen chip.

     # Tỉnh Sơn La daok peih ngak samar canah jalan 109 meng pasak  huyện Mường La nao 5 xã dalam huyện saong nao huyện Mù Căng Chải di tỉnh Yên Bái. Ini lac canah jalan njauk glut jaleih kayua pambak di mbang ribuk aia sua bahrau rah tabiak di Mường La 1 bilan dahlau, ngak ka ralo xã njauk cô lập, neh rabha. Urak ini, gah pajeng ba nao mai daok pambuak haong dom puk palei peih ngak bruk ngak ka 1 di dự án, atah 9km dui atah meng bản Hua Nặm tal takai đèo Sam Síp pambuak pagam haong xã Ngọc Chiến, piah pasiam veik bruk pacang cakak neh rabha.

       # Di Cảng ikan Thuận An, tỉnh Thừa Thiên-Huế, Tổng cục Thủy sản di Mentri ngak  nong saong patagok palei pala hu pambuak bruk saong Trung ương Giáo hội Phật giáo Việt Nam, Uỷ ban Nhân dân tỉnh Thừa Thiên – Huế palao 30 ribau drei hadang sú pajaih kraong ia Tam Giang, labik papah tasik Thuận An, huyện Phú Vang. Bruk ngak nan piah ka ya ikan di kraong Tam Giang hu rilo jang, iew gauk daong khik kaya iak dalam ia.

# Pahadar 72 thun Cách mạng bilan 8 saong Quốc khánh 2/9, Kapul urang lambaok pal akaok tỉnh Quảng Trị hu mai sirah kabo Liệt sĩ negar Trường Sơn. Lambaok urang pal kaok tỉnh gam haong raja-ei dom puk palei saong bhap bani tỉnh Quảng Trị hu cuh gilau, pok bingu pahadar ral ein ngai prong glaong di dom anh hùng liệt sỹ van klak rup drei brei ka độc lập, tự do di bangsa.

# Di quận Liên Chiểu, ban Đà Nẵng, Liên đoàn lao động ban ini pambauk bruk saong Sở Công thương ban Đà Nẵng peih nyaom darak pasar “Công nhân, Sinh viên”. Nyaom darak pasar peih ngak meng harei 31/8 tal harei 1/9 ngan saong jaik 60 labik pablei pandap saong duah bruk ngak, palih tame ngak bruk, tacei pato saong duah bruk ngak jeng yau dom bruk jum pataom, main sambai ka dom dam dara, sinh vien saong cong nhan.

         # Dalam thun bac bahrau 2017-  2018, dalam tỉnh Kiên Giang jeng daok kurang labaih 800 gru pato, dalam nan binah prong lac gru pato mầm non ngan haong jaik 500 gru pato. Ini lac dom tỉnh kurang gru pato ralo abih dalam bhum taneran kraong CL. Piah langyah bruk kurang gru pato, Sở Pato megru hu peih ngak ralo jalan ngak yau hợp đồng mbluak gru pato, patagok số anek saih dalam yaok tal dut haong  sĩ số quy định di Mentri pato megru, jak ba gru pato kiêm nhiệm mbluak ralo bruk…

Khaw tin dunya:

# Harei 31/8, dalam mbang tangi sua di gah harak bao, Thủ tướng Anh Thê-rê-xaMây lac amuk pan akaok đảng Bảo thủ dalam bruk palih ruak anak tal. Panuac nan di Thủ tướng Anh hu ba tabiak anak bruk hu panuac lac muk khin padeih hadei tuk taneh ia Anh ngak salah blaoh bruk Liên minh Châu Âu di thun 2019.

# Hội đồng Bảo an Liên hợp quốc bahrau brei tapa nghị quyết gia hạn jang sa thun sứ mệnh di Lực lượng lâm thời Liên hợp quốc pak Li-băng (UNIFIL) hadei di tuk Mỹ pajak jabat ini peih ngak bruk mesruh metak gilac lực lượng Héc-bô-la pak Li-băng. Lực lượng lâm thời Liên hợp quốc pak Li-băng hu Hội đồng bảo an Liên hợp quốc dak padang dalam thun 1978 piah pasang iek jalan biên giới di Ixraen saong gah meraong Libăng, taphia di nan patui khik panuac sanya padeih patuh phao dalam khu vực.

# Mentri Quốc phòng HQ brei thau khin padang sa lực lượng đặc nhiệm piah salih birau bol lin di bilan 9 ini. Bruk nan hu rah tabiak tuk Tổng thống Mun Chê-in brei ngak tui dom jalan hu ba tabiak piah ramik veik hu siam lực lượng bol lin vũ trang hu 625 ribau urang saong langyah tal labik tal dhua bruk mbang jien padai pambak tal bruk ngak tabiak rilo saong pablei phao ndao./.