# Harei kabroi 21/2, Thủ tướng Nguyễn Xuân Phúc dang akaok nyaom biai Thường trực Raja-ei ngan haong dom mentri, ngành ka bruk Tết Nguyên đán Mậu Tuất. Ndom ka bruk peih ngak công điện ka bruk ngak hadei di mbang padeih Tết Nguyên đán Mậu Tuất 2018, Thủ tướng lac taong abih dom pakat, ngành, dom jabat njauk ba tangin tame bruk ngak. Dom mentri, ngành, jabat njauk pasang iek veik bruk ngak di drei piah ba tangin tame bruk ngak, oh caik rah tabiak bruk bilan sa lac bilan mbang ma-in. Thủ tướng jeng pandar dom jabat patui bruk salih bahrau hành chính, pasiam gah đầu tư kinh doanh piah pachreih bhap bani, doanh nghiệp meng tuk akaok thun, ba tangin tame bruk ngak.

      # Mintri pato megru bahrau hu harak payua ka Thủ tướng rajaei likau adat kandun tukvak pathau khan ka bruk pasang iek chất lượng giáo sư, phó giáo sư thun 2017. Makna hu ba tabiak lac kayua tuk vak pasang iek laik tame tuk padeih Tết Nguyên Đán, nan ye piah khik kajap bruk khách quan, công bằng, njauk tui hukum dalam tuk pasang iek, akaok mintri pato megru - Chủ tịch Hội đồng chức danh giáo sư karja pok panuac likau Thủ tướng rajaei brei kandun  likuh tuk vak pathau khan bruk pasang iek tal abih harei  28/2/2018.

# Thun 2018, Điện Biên kham merat patagok tổng sản lượng pandap pandap tagok labaih 250.000 tấn, cakrok tapul anek athur raong tagok jaik  600.000 drei saong patagok bruk pacang halui glai labaih 39%. Piah ngak siam dom bruk nan ye bruk pasamu gauk dom bruk ngak nong, pasiam veik, patagok dom kapul nyaom sản xuất saong  peih ngak siam bruk pambuak gauk "4 sang", "5 sang" dalam bruk ngak nong nan lac biak praong. Meng nan jhul pakhang bruk pandar ilamu kỹ thuật tame bruk sản xuất, pandar siam abih dom hagait daok hu piah duh ka bruk sản xuất, patagok mô hình mblang hamu prong, ba mai kein laba glaong dalam bruk ngak nong.

      # Hải Phòng bahrau peih bruk am cuh klak 800 drei menuk njom cúm A H5N6 di  huyện An Dương. Hu thau, tapon menuk  3 ribau drei di sang  ong Mai Văn Tình di palei  Văn Tiến, xã Đại Bản, huyện An Dương hu 45 harei. Tui Chi cục thú y song rong glang Hải Phòng, sang ong Tình blei menuk mai rong min oh ka klauk jru pacang , oh hu harak chứng nhận kiểm dịch. Mbiah tal harei 3 bingun tết, tapon menuk  3 ribau drei  tok dok  800 drei tuk nan boh sang meng khan ka gah thú y thau.

# Harei pataom bingu Xuân Mậu Tuất di bal raya HCM taduan raok hu  labaih 800.000 mbang urang mai rivang iek. Thun ini, harei pataom bingu parang labaih 4.000 janih biak gheih mekre yau ye: Bingu mai, Kiểng meng kan - bonsai, Tiểu cảnh - non bộ, patau cảnh – phun thu, bingu kiểng - kiểng hala, kiểng hu baoh kayau – phun quý hiếm, chim cảnh. Dalam nan hu dom janih pandap biak gheih mekre yau: bộ sưu tập Lan glai Việt Nam  brei thau ka ralo janih lan quý hiếm yau Thủy tiên, Long tu, Đại ý thảo, giả hạc; bộ sưu tập bingu lan Dendrobium v.v...

    Khaw tin dunya:  

# Blah tin Freshnews hu độc giả prong abih di Campuchia brei thau Thủ tướng Campuchia Xăm-đéc Hun Xen brei patabiak Nghị định ka19, mbaoh tangin harei 14/2/2018 ka bruk  quy định harei 20/5 yaok thun lac “Harei hadar negar” song hu mong lac sa harei padeih lễ di pakat negar. “Harei hadar negar” lac harei hadar dom urang gaok bala song lên án dom  tội ác rah tabiak dalam  jaman diệt chủng Khmer Đỏ meng harei 17/4/1975-6/1/1979". Ni lac harei piah hadar dom urang metai dalam saman diệt chủng, ngak patrun dom pandik harao ka dom boh sang song dom urang gaok bala, dong pambuak pagam bangsa song ba drei tame xã hội.

      # Đại sứ quán Palestine di Ai Cập brei thau Cairo brei peih pabah mbang negar Rafah (Ra-pha) tapa Dải Gaza (Ga-da) dalam 4 harei, meng harei kabroi 21/2. Pathau khan di Đại sứ quán Palestine ndom lac urang jakar Ai Cập brei peih pabah mbang negar Rafah tal abih harei 24/2, brei adat ka dom bhap bani Palestine nao mai. Ini lac mbang ka dua 2, Ai Cập peih pabah mbang negar Rafah kuhria meng akaok thun tal ini. Dahlau di nan, pabah mbang negar ini hu peih dalam 3 harei meng harei 7/2. 

# Dom salih bahrau  dalam bruk trí nhân tạo (AI) dok tagok mbuan si ba tal dom urang kanyah jhak lợi dụng công nghệ ni piah ngak dom bruk tấn công tui jalan tự động, ba tal bruk paoh gauk dom  radeih ô tô oh hu urang peih atau ngak ka dom kapan haoh thương mại oh hu urang peih jeng dom vũ khí tấn công. Dom urang roh duah ndom lac bruk pandar AI tui jalan ngak jhak ba tal dom bruk  đe dọa ngan song  gah an ninh số song chính trị tapa bruk palagaih ka dom urang jhak peih ngak dom mbang tấn công prong,  hu tính sát thương song hu độ chính xác glong./.