# Pahadar 93 thun harei Báo chí cách mạng Việt Nam (21/6/1925- 21/06/2018), melam kabroi (21/6), di  Hà Nội rah tabiak bruk jao Giải Báo chí pakat negar  mbang ka 12 thun 2017. Ni lac  giải thưởng prong di abih brei ka dom  tác phẩm báo chí gheih di abih, pok meyaom dom tác giả, nyaom tác giả hu  tác phẩm gheih di abih yaok thun. Brei panuac pak nan, Phó Thủ tướng Trương Hòa Bình ndom lac: Tui bruk di báo chí cách mạng song  bruk  chính trị hu jao brei báo chí dalam negar hu pathau khan biak samar, njauk tuk, tong abih gah song sami samar dalam bruk  chính trị, kinh tế - xã hội dalam negar song di dunya .

# Ngan saong 12 sang mac nhiệt điện dang dalam taneh ia daok nduac lac abih tih dang pandar yaok thun jaik 34 triệu tấn. Taong abih dom bau, xỉ di dom sang mac nhiệt điện dang di Tập đoàn, tamuh tabiak dak thun lac labaih 8 triệu tấn. Urak ini, dom bau, xỉ daok khik di dom sang mac nhiệt điện dang lac jaik 15 triệu tấn. Tui Phó giáo sư, Tiến sỹ Trương Duy Nghĩa, Chủ tịch Hội khoa học kỹ thuật nhiệt Việt Nam, di dunya bruk pandar bau, xỉ ngak vật liệu xây dựng biak rilo, rilo taneh ia njauk blei tame bau xỉ. Min, di taneh ia drei tok takik lượng bau xỉ di dom sang ac hu pandar veik, bo daok khik veik oh hu jalan langyah. 

# Tui mintri  Lao động Thương binh song Xã hội, dalam 6 bilan akaok thun ni, dalam negar hu ba bruk ngak ka labaih 782 ribau urang, samu 49% bruk ba tabiak dalam thun song samu jiak 100% dut song tuk vak ni thun dahlau. Dalam nan hu ba bruk ngak dalam negar ka labaih 725 ribau urang, samu jiak 49% bruk di thun song jiak 99 % dut song tuk vak ni thun dahlau song tui kuhria 6 bilan akaok  thun ba hu 57 ribau urang nao ngak bruk di negar langiu tui harak pambuak bruk, samu 52% bruk ba tabiak song tagok 18,3% duh song tuk vak ni thun dahlau.

# Di cảng vận tải Phan Thiết, tỉnh Bình Thuận, pagaiy harei kabroi (21/6), Công ty cổ phần kapal cao tốc SuperDong Kiên Giang barau khai trương kapal cao tốc SuperDong canah Phan Thiết – đảo Phú Quý. Kapal pajeng tuai ini hu ngak barau ngan saong jien buh tame ngak 2 triệu USD. Kapal pajeng rilo abih 306 urang tuai (kik daok mac la-ar saong yaom vé 350.000 đồng/sa mbang. Ini lac baoh kapal barau abih di canah jalan ini, ngan saong tukvak tabiak pulao tok lihik 2 tuk 30 minit. Dahlau nan jalan tabiak pulao Phú Quý hu 4 kapal nduac suai jalan 6 tuk saong sa kapal cao tốc (jalan nduac 3 tuk 30 minit).

# Tui  ong Nguyễn Văn Hiếu, Phó Giám đốc Sở pato megru  ban raya HCM, bruk pasram megru ka quy chế thi song langyah dom bruk  hu brei tapa. Gah pato megru ban raya hu panuac tacei dom trưởng song phó dom labik pakacah njauk khan brei thau cambaih laiih ka jiak 8 ribau urang jakar, pasang iek, thanh tra di 124 labik pakacah di ban raya piah patrun takik di abih dom kurang labaih oh njauk hu. Ong Nguyễn Văn Hiếu ndom lac, dom bruk hu ramik caga min bruk prong di abih lac dom urang jakar iek thi brei thau bruk ngak prong prong di drei piah  ngak siam dom sarak hu ba tabiak.

Khaw tin dunya

# Melam kabroi saong dah pagaiy ini 22/6, harei pataom caoh blong chreih chrai abih dunya World Cup 2018 daok rah tabiak mbang ka dua dom bảng C saong D, Pháp saong Croatia lac 2 đội bóng hu tame  vòng 1/8.

# Dalam sa bruk hu menuac sia dok dalam song langiu negar pok meyaom, Tổng thống Mỹ Đô nan Trăm bahrau mbaoh tangin tame sa sắc lệnh hành pháp padeih sarak  di cư “oh khoan nhượng”, tui nan uranaih dalam dom boh sang nhập cư suan hukum oh brei paatah amaik ame nyu di jalan tapen negar. Min sarak ni jeng hu dom điều kiện biak khang ngan song  dom urang  nhập cư suam hukum hu chap mek.

# Trung Quốc halan hatian pambuak bruk saong dom taneh ia karei piah dak padang sa bhapbini pagam saong dunya njauk dang anak saong chủ nghĩa cô lập saong chủ nghĩa bảo hộ thương mại di harei hadei. Panuac ndom ini hu Chủ tịch Trung Quốc Tập Cận Bình ndom tabiak harei 21/06 tuk taom gaok saong urang dang akaok doanh nghiệp dunya daok hu mbaok di ban ine Bắc Kinh (Trung Quốc) piah pataom tame nyaom biai thượng đỉnh bàn tròn di Hội đồng CEO toàn cầu./.