# Harei kabroi 22/2, pak Hà Nội, Thủ tướng Nguyễn Xuân Phúc hu taom gaok saong tadhau ayuh Tết ka urang jakar, urang ngak di Tổng Liên đoàn Lao động Việt Nam. Thủ tướng pandar Tổng Liên đoàn Lao động Việt Nam kuhria caga ka nyu tani tanat piah peih ngak siam bruk ndom biai nao mai mbang ka klau di Thủ tướng haong urang ngak bruk di gah Barak.  Tui jalan ba tangin tame bruk ngak hadei di mbang padeih Tết Nguyên đán, Thủ tướng bui sambai brei thau daok hu sa chreih chrai bahrau di urang ngak dalam negar, abih di nyu lac pak dom  sang máy xí nghiệp hu urang ngak ba tangin tame bruk ngak chip meng akaok thun.

# Tui  Jabat rami ramik danak dak  pakat negar  padang ngak palei pala bahrau  thun  2018, dalam negar kham merat hu takik di abih  37%  xã (labaih 3.300 xã) mek hu tanut palei pala bahrau, tagok jiak 400 xã dut song thun 2017; hu takik di abih  53  đơn vị pakat  huyện hu  Thủ tướng rajaei pok meyaom  tanut  chuẩn palei pala bahrau, tagok labaih 10 đơn vị dut song thun 2017; tui kuhria tanut/xã dalam negar  tagok takik di abih meteh tanut /xã dut song thun 2017; patrun  xã mek hu ala  5 tanut takik jang 100 xã.

# Tukvak Xuân Mậu Tuất 2018, harei 22/2, Sở Pato megru tỉnh Quảng Nam peih bruk pok meyaom 50 anek saih pakacah dang thủ khoa dalam mbang pakacah  Trung học phổ thông negar thun 2017 saong njauk palih ruah tam dom sang bac  đại học ngan haong tanut điểm meng 28 tagok. Mbang pakacah Trung học phổ thông negar 2017, tỉnh Quảng Nam hu 15.816 anek saih hu tốt nghiệp, mek hu labaih 94%; dalam nan anek saih hu palih ruah tame đại học, cao đẳng mek hu labaih 60%. 

# Harei 22/2 (lac harei 7 bilan sa  thun Mậu Tuất), di xã Đọi Sơn, huyện Duy Tiên, Ubbhap bini  tỉnh Hà Nam peih  Lễ hội Tịch điền Đọi Sơn thun 2018 - Lễ hội meng kan trun mblang hamu likau ka sa thun hajan siam hangin lagaih, pala drak njauk. Dom adat hu rah tabiak di   Lễ hội Tịch điền lac: raok hagar, raok linh vị patau Lê Đại Hành. Hadei di nan, lac lễ bái yết Thần nông likau ka sa thun pala drak njauk mek hu kein laba. Dalam tuk  Lễ hội Tịch điền Đọi Sơn, rilo bruk ilamu doh tako hu peih ngak yau vật cổ truyền, parang main ginang  palei  Đọi Tam, vak  trang trí kubau

# Pak bal sit Gia Nghĩa,  tỉnh Đắk Nông  daok rah tabiak Hội Xuân Mậu Tuất thun 2018 ngan haong asal kadha “Sắc Xuân angaok bhum glaong M’Nông”. Ini lac tukvak piah ka bhap bani tỉnh Đắk Nông taom gaok, ndom biai nao mai, kak kajap hatai gul pataom taong abih bangsa. Bruk ngak ini piah meyaih khan pren khang du lịch, yaom ilamo di 40 bangsa adei sa-ai daok diuk rai angaok bhum taneh Đắk Nông tal bhap bani, tuai damuai. Hội Xuân Mậu Tuất thun 2018 pachreih labaih 400 nghệ nhân, vận động viên, đoàn viên, dam dara gam haong yaok ribau bhap bani puk palei hu mbaok tame.

Patui di ni dom khau tin dunya

# Di Anh, harei 22/2, dom giảng viên đại học di labaih  50 sang bac  đại học dalam negar  Anh peih  bruk đình công dui atah sa bilan  piah cagar veik bruk salih bahrau sarak lương hưu di urang. Makna ba tal bruk  đình công lac kayua tui jalan ngak bahrau, yaom lương hưu ka dom  giảng viên trun  labaih 10.000 bảng (samu  320 triệu đồng)/sa thun.

# Tổng thống Pháp Emmanuel Macron harei 22/2 sanya pandar dom jalan ngak piah pacang cakak dom urang đầu tư negar langiu blei taneh ngak nong di Pháp hadei di dom bruk pablei salih dunya daok malah gauk kayua dom công ty Trung Quốc peih ngak. Pok sap ndom anak dom urang nong daok ranaih umo di Dinh Tổng thống, ong Macron ndom lac: "Taneh ngak nong di Pháp lac đầu tư chiến lược, quyết định chủ quyền di taneh aia, kayua yau nan ye oh caik ka yaok rituh hécta taneh laik tame tangin dom negar langiu bo oh thau cambaih laih jalan ngak di dom bruk pablei salih ini". 

#Gah pacang trốn thuế Nam Phi bahrau padang angan drap ar  di sang  Gupta piah dong ka karja pablei  đấu giá, piah pabak veik meneing dom khat lihik bo but pajaih sang  asar Ấn ni mek meng drap ar di negar dalam rilo thun tapa. Sang Gupta kaya meda di abih Nam Phi saong hu talei rohim khang  kajap  rilo thun  song  Tổng thống Jacob Zuma dahlau deih./.