# Piah khik kajap quyền hu pabak khau tin hu kein laba tapa dom danak dak  patagok ilamu puac tapuk dalam bhap bini song jhul pakhang bruk bac megru luac rai, Mintri ilamu TTDL ba tabiak  Công văn pandar Sở Ilamu TTDL, Sở Ilamu TT tacei dom gilang tapuk g bhap bini salih bahrau song patagok chất lượng bruk ngak pabak ka uranaih. Tui nan, taong abih 63 gilang tapuk tỉnh, ban dalam negar hu ramik ngak pasiam cơ sở vật chất lagaih song yaok bhum palei, tâm sinh lý song umo, ba urang jakar chuyên trách, hu ilamu duh ka uranaih.   

# Piah daong padang sang daok ka bhapbini bangsa takik bhum kan kandah gaok khat lihik kayua bala meng lingik tasik, uy mban mat tran negar tinh Quang Binh barau tabiak bruk daong padang sang daok ka 37 sang bhapbini bangsa takik di 2 xã Tân Trạch saong Thượng Trạch di huyện Bố Trạch. Dom baoh sang hu padang praong 30,5 m2 yaok baoh; yaom jien buh tame tapak ka yaok baoh sang lac 80 triệu đồng.Tui kuhria bilan 9/2018, 37 baoh sang ini hu jao brei ka dom sang ba tame daok.

# Thun 2017, phun jien mesraiy di gilang pariak sarak karja meng dhar gilang pariak sarak kajar tỉnh Dak Lak hu dong ka labaih 52.500 boh sang hu mesraiy phun  ngak mbang, rong glang, pablei salih, dong kayaok ribau boh sang padang jalan ia hacih song vệ sinh môi trường palei pala. Yaok ribau anek saih sinh viên hu rai duik kan kandah sahanang hatai bac daa. Phun jien mesraiy hu dong ka jiak  14.000 boh sang patruh kathaot; labaih 11.000 boh sang tabiak truh labik jiak si kathaot.

# Tal tukvak ini, bruk kuhria caga cơ sở vật chất, pasram urang jakar maong iek pakacah, pasang iek duh ka mbang pakacah Trung học phổ thông pakat negar thun 2018 di ban raya HCM hu blaoh blai. Thun ini, ban raya HCM hu mintri pato megru jao brei peih cụm pakacah ka dua ka labaih 78 rabau thí sinh dalam ban raya. Ban raya hu abih tih 124 libik pakacah ngan saong labaih 8 rabau urang jakar pasng iek pakacah.

# Danak dak nghệ thuật “A lô! Lèn Hà” rah tabiak melam 2/7, kayua mintri Thông tin song Truyền thông pambuak bruk song Rayo sap ndom Việt Nam, Bộ Tư lệnh Thông tin liên lạc, Ủy ban bhap bini tỉnh Quảng Bình peih tabiak. Danak dak  nghệ thuật “A lô! Lèn Hà” brei mboh veik rai duik, bruk ngak mbang ngak huak saong bruk ngak di urang lin Trạm cơ vụ A69 dalam dom thun mesruh metak pacang Mỹ. Danak dak brei mboh cambaih saong biak drut droi ka mbang tong bom di kapan haoh Mỹ song bruk metai lahik di 13 liệt sĩ. Danak dak hu papar binguk tapak di angaok riyah VTC1.

Khaw tin dunya

# Quỹ Tín thác di Liên minh châu Âu (EU) barau brei tabiak paok jien daong oh ka bhian mboh tagok tal 165 triệu ơrô (191 triệu đôla Mỹ) ka Li Băng. Kadung jien daong brei mboh bruk sanya di Liên minh châu Âu dalam bruk jhul khang bhum y tế công di Li Băng. Ngan saong paok jien ini meda caik 100 triệu ơrô ka gah pato megru Li Băng, khik ka dom uarnaih hu bac megru siam. Tabhia nan, jaik 52 triệu ơrô meda ba tame bruk daong jien padai ka urang tỵ nạn Xyri, jeng ye urang kathaot Li Băng. 

# Hu labaih 68 triệu menuac njauk nduac klaak palei negar, sang danaok kayua mesruh metak, srau kadau, abih di nyu nan lac di dom taneh ia hu mesruh metak yau Syria, Liên hợp quốc brei thau dalam tuk pathau khan bahrau ka bruk di cư harei  20/6.

# Dalam dom harei tapa, hu jaik 220 urang metai mblung lingiu tasik Libi di jalan nao tapa tasik piah nao tal bhum taneh châu Âu, tui nan urang metai dalam thun ini tagok labaih sa rabau urang. Tui panuac khan barau abih di Cao ủy Liên hợp quốc ka urang tị nạn, tok hu 5 urang daok diuk hadei tuk sa sruh gilai pajeng sa ratuh urang tableik harei 19/06, dalam tuk sa sruh gilai cao su pajeng 130 urang karam ngak ka 70 urang metai mblung. Harei 20/6 barau blaoh, sa sruh gilai pajeng urang tị nạn saong urang di cư patoah jamo hu daong sraong brei thau, labaih 50 urang ndik angaok gilai ini metai dalam tasik ./.