# Harei ini (24/11), mbang nyaom ka 4, Quốc hội mbang 14 nyaom biai peih talaih. Van page, Quốc hội brei tapa Hukum Quy hoạch, ginum biai ka dự án Hukum Quốc phòng (pasiam veik). Biar harei, Quốc hội brei tapa Nghị quyết ka Harak pathau khan roh duah bruk meda ngak hu di Dự án mek gilac taneh, bayar jien, daong ba, tái định cư Cảng hàng không dunya Long Thành; Nghị quyết ka bruk ngak iek cơ chế, sarak đặc thù patagok bal raya Hồ Chí Minh.

# Akaok mintri Tài nguyên saong Môi trường barau tabiak Quyết định ka 5167 ka bruk thau thủ tục hành chính barau patabiak pasiam, pabak di dom gah taneh riya dalam phạm vi khik ramik karja di mintri Tài nguyên saong Môi trường.Tui Quyết định ini, gah taneh riya hu 48 thủ tục ka puk palei hu padang bloh jabat tut angan taneh riya ; 70 thủ tục di libik oh ka padang jabat tut angan taneh riya. Dalam nan, duk saong dom thủ tục hành chính klak lac tukvak ngak dom thủ tục hành chính ka taneh riya barau hu kakak trun meng 1/3 tal 1/2 tukvak. 

# Tỉnh Kon Tum urak ini hu 360 công trình pabak ia praong, dalam nan hu 140 công trình (meblaih labaih 1/3 taong abih công trình) peih ngak oh hu kein laba saong padeih ngak. Pak xã Đăk Ui, huyện Đăk Hà, công trình pabak ia hacih ka 500 baoh sang hu buh jien tame padang ngak meng thun 2010 ngan haong yaom jien 7 tỷ đồng. Urak ini jalan mbraong khut khat, công trình oh pandar hu, klaak thaoh ralo thun ini mai. Kayua công trình aia pandar hacih oh siam lagaih, bhap bani njauk nao mek aia pak dom baoh kraong craoh mai sang pandar, oh hacih sa-at.

# Harei kabroi (23/11), urang dang akaok tỉnh Lâm Đồng peih nyaom ginum biai saong urang jakar công nhân, viên chức saong urang ngak di puk palei. Tỉnh Lâm Đồng urak ini hu labaih 70.000 công nhân, viên chức saong urang ngak, dalam nan dom urang đoàn di Liên đoàn Lao động tỉnh khik jaik 64.500 urang. Di var ginum biai, asal kadha hu dom urang jakar công nhân, viên chức saong urang ngak caong rilo abih lac bruk suai peih ngak dom chế độ, sarak ka urang ngak...

# Uỷ ban bhap bani tỉnh Khánh Hòa bahrau tabiak bruk daong brei jien pasiam veik sang danaok njauk khut khat kayua ribuk 12 ka jaik 1.000 baoh sang biak kan kandah nan lac: baoh sang urang bangsa takik, baoh sang kathaot, baoh sang sarak karja. Yaom jian daong ka yaok baoh sang lac 40 triệu đồng. Dalam nan, sa meteh kaoh tabiak meng kadung jien kajar saong sa meteh jak ba meng doanh nghiệp, kapul nyaom, manuac urang daong brei. Og Nguyễn Thanh Hà, Phaok akaok Uỷ ban bhap bani bal sit Ninh Hòa brei thau, bruk padang ngak meda ngak blaoh dalam thun ini piah ka mikva uan raok Tết cổ truyền: Ninh Hòa palih ruah mẫu ka 2 nan lac 50 triệu đồng jao ka Jabat bangsa  dang tabiak padang ngak veik sang ka mikva. Sở Xây dựng thiết kế  tui jalan kuhri kuhria bruk dang hu anak ribuk. Jeng brei ngak ka nyu kajap jang tabung, daning. Meda lac mẫu nan jeng mboh khang kajap.”

# Tỉnh Bình Dương urak ini daok pandar mô hình hu maong lac jalan peih tabiak jak jeng di ban công nghiệp Eindhoven di Hà Lan, nan lac mô hình 3 sang hu: karja – doanh nghiệp – gah khoa học. Mô hình ini ba jalan piah dom gah gam saong gauk klah rabha ilamu, caong khin, menuac urang gam padang sa jalan maong iek haong gauk saong peih ngak dom danakdak ngak bruk salih barau ka abih khu vực.

# Khu phố 12, bal sit Phước Dân, huyện Ninh Phước, tỉnh Ninh Thuận hu neh tabiak meng khu phố 4 dalam thun 1999 saong urak ini hu labaih 277 baoh sang ngan haong labaih 500 urang. Kadha njauk ndom, jalan điện hu dui tal sang bhap bani, min jalan aia hacih piah pandar oh ka hu. Kayua oh ka hu jalan aia hacih piah  (sinh hoạt) pandar , nan ye bhap bani njauk pandar aia bingun, daok menei tapah khan ao ye pandar aia di hệ thống kênh Nam, mbuan tamuh jit ruak yau: pandik meta bhong, viêm kalik dị ứng saong dom janih ruak gah jalan tung pruac.

Khaw tin dunya

# Sa mbang angin ribuk barau nduc tapa libik bhapbini daok rilo di tỉnh Đông Gia-va (East Java) di Inđônêsia, ngak 35 urang gaok rambuac saong ngak tayah labaih 600 baok sang. Gah chức trách tỉnh Đông Gia-va hu ba nao plaih jaik 100 urang tal sa sang bac tuk sang danaok di dom urang nan gaok tayah tayac hadei mbang angin ribuk. Ini lac mbang ka dua dalam thun ini libik Si-đoa-dô gaok angin ribuk.

# Ngoại trưởng Ai-len (Ireland) Xi-môn Con-vê-ni (Simon Coveney) harei  23/11 ndom lac, Ai-len caong khin mek hu thỏa thuận ka dom kadha pambuak pagam tal Ai-len di kreh bilan 12 anak tal piah dom mbang ginum biai ka Brexit (negar Anh tabiak truh Liên minh châu Âu) meda yam  tapa vaktu ka dua. Yau nan min, urang ngoại giao ini jeng ndom lac, urak ini jeng daok ralo bruk piah ngak.

# Gah Cảnh sát hình sự dunya In-tơ-pôn (Interpol) khan brei thau barau daong jaik 500 urang tabiak truh jalan pablei menuac praong di grauk Tây Phi. Bruk caga veik pablei menuac nan hu ndom khang tal dom tavak tavaiy bo dom gah jabat ngak tui adat hukum saong dom gah pambuak tal daok dang anak bruk langyah brk pablei menuac di libik Xa-hen (Sahel)./.