# Tui Sở Ngak nong saong patagok palei pala tỉnh Hòa Bình, tal tukvak ini, mblang hamu tam padai vụ Xuân 2018 dalam tỉnh hu 7.642 ha, samu 51% bruk ba tabiak; tangeiy 2.220 ha, mek hu 11% bruk ba tabiak; ratak lo 1.853ha, mek hu 62% bruk ba tabiak; tabau 1.795 ha, mek hu 21% bruk ba tabiak. Bruk Jit ruak angaok tapul menuk ada athur raong ada urak ini tani tanat; dom puk palei dalam tỉnh hu patagok bruk klauk jru pacang caga jit ruak, pasang iek bruk thik raih tapol menuk ada, athur raong. 

# Dalam tuk Tết Nguyên đán Mậu Tuất 2018 meng bloh, Tập đoàn Điện lực Việt Nam (EVN) hu pabak điện siam, tani tanat ka bhap bini dalam negar bui sambai raok Xuân Mậu Tuất. Dalam tuk vak pabak điện Tết Nguyên đán Mậu Tuất 2018, dom đơn vị hu brei menuac khik iek luac harei melam piah caga langyah điện khut. Tui kuhria, yaom lac công suất song sản lượng điện pandar dalam negar dalam tuk Tết  nyu trun takik jang duh song yaok harei, min dok tagok labaih 15% duh song tuk vak padeih  Tết thun dahlau.

   # Hadei di sa ADIT padeih Tết Nguyên đán, urang nong dom puk palei di tỉnh Vĩnh Phúc daok trun hamu, tam drak padai ka nyu samu tukvak ba tabiak. Urak ini, urang nong hu caga aia, pasiam veik ar hamu saong ribaong kraong. Tui bruk ba tabiak, vụ Xuân 2018, Vĩnh Phúc kham merat pala drak labaih 42.000 ha phun yaok thun; dalam nan, taneh ngak padai jaik 33.000 ha, daok veik lac phun tangiey, bei cuah, ratak lo saong dom janih njam patam karei.  

        # Dom mbang tabiak tasik camereip dalam thun bahrau Mậu Tuất di urang tong ikan tỉnh Phú Yên tong chap hu rilo janih kaya ikan hu yaom  kinh tế glong, abih di nyu lac ikan NGỪ đại dương daok ba chreih chrai ka bhum tasik. Ong Nguyễn Văn Khôi, po doanh nghiệp blei ikan  cá ngừ Đặng Khang brei thau, meng harei 3 bingun Tết Nguyên đán Mậu Tuất tal harei ini doanh nghiệp hu blei ikan ngừ đại dương di 8 kapal ikan. Tong abih dom doanh nghiệp song dom po blei ikan kham khik yaom tani tanat ka urang tong ikan.

# Tukvak Tết Mậu Tuất meng blaoh, bal raya HCM ngak siam bruk pataom mek, pajeng ba hareik hareim saong puh ramik hacih sa-at môi trường, abih di nyu lac di dom pabah mbang tame tabiak bal raya, oh caik ka hareik hareim pataom pambuk dalam dom harei Tết. Abih tih hareik hareim pataom mek, pajeng ba nao lac labaih 37 ribau tấn. Dom hareik hareim ini hu ba nao lam dhar, khik siam vệ sinh môi trường... Urak ini, di bal raya HCM hu 12 labik taduan mek saong xử lý dom janih hareik hareim yaok harei.

Khaw tin dunya

# Bahrau ni, hu takik di abih  2 urang metai dalam sa mbang tong  bom di  Lashio (La-xi-ô), sa ban sit di gah brak ban Yangon (Y-an-gon), Myanmar. Cảnh sát brei thau bruk tong  bom rah tabiak di sa dhar di gilang pariak Yoma di ban Lashio. Bruk patuh nan ngak ka 2 urang ngak di gilang pariak metai song 11 urang karei njauk rambuac, rilo sang tayah palai.

# Talei rohim pambuak bruk di Hàn Quốc saong Mỹ daok khang kajap jang tuk halei karei. Tổng thống Hàn Quốc Moon Jae-in (Mun Chê In) ndom lac yau nan dalam panuac javap chalơi kadha sua tangi hu tạp chí Monocle đăng tải bahrau di ini. Tổng thống Moon Jae-in ndom lac Tổng thống Mỹ Donald Trump brei thau meda ủng hộ ong 100% saong ong meda khan brei Tổng thống Trump thau tuk halei caong khin daong dalam tukvak peih bruk ndom biai di dua gah Triều Tiên. 

# Gah chức năng Malaysia chap hu 11 urang quốc tịch Malaysia song Philippines kayua medhi hu pagam tal dom kapul nyaom khủng bố, dalam nan hu kalup vũ trang Abu Sayyaf di gah merong Philippines. Ni lac bruk ngak di dom chiến dịch truy quét khủng bố bo cảnh sát Malaysia peih ngak meng kreih 2/2018./.