# Meng blaoh, báo chí brei thau ralo ka bruk ngak suan adar hukum dalam bruk nhuộm phế phẩm cà phê meng tapung pin di tỉnh Đắc Nông. Ndom ka bruk ini, Thủ tướng Nguyễn Xuân Phúc hu panuac tacei pato: Mentri Công an tacei dom gah chức năng samar khởi tốt, duah thau, langyah bruk ini tui njauk adat hukum.

    # Harei kabroi (23/4), ông Phùng Quốc Hiển - Phó akaok Quốc hội ba akaok kapul ngak bruk nao ngak bruk di huyện đảo Phú Quốc, tỉnh Kiên Giang paih pang pathau khan ka bruk patagok kinh tế - xã hội tỉnh Kiên Giang saong mô hình đặc khu Phú Quốc; dom cơ chế, sarak pandar di đặc khu; bruk khik ramik quy hoạch taneh riya di huyện Phú Quốc. Ông Phùng Quốc Hiển - Phó akaok Quốc hội kakei lac dalam bruk xử lý taneh riya plaih nduac tuai thành tích, số lượng bo njauk langyah tui adat hukum, abih di nyu nan lac pambuak tal bruk drap ar công, taneh công.

        
   # Taduan panuac daa di Thượng tướng Sẻng-nuôn Xay-nha-lạt (Sengnuon Sayalat), Bí thư Trung ương Đảng, Phaok akaok Quốc hội Lào, Kapul urang lambaok pakat glaong Quốc hội Việt Nam kayua amuk Tòng Thị Phóng, Ủy viên Bộ Chính trị, Phaok akaok Thường trực Quốc ba akaok kapul urang lambaok tapa rivang saong ngak bruk pak Lào meng 23 tal 25/4.

       # Patui danakdak mbang nyaom ka 8 di Ủy ban dom bruk xã hội di Quốc hội, bair harei 23/4, dom urang jakar hu brei panuac taong yaom pabak bruk ngak di thun 2017; bruk ngak tui dom mục tiêu kinh tế, xã hội, kuhria caga kadung jien karja 3 bilan akaok thun saong bruk ngak praong di dom bilan puac thun 2018 dalam trách nhiệm khik ramik di mintri Lao động- Thương binh saong Xã hội. Di mbang nyaom mintri Lao động- Thương Binh saong Xã hội Đào Ngọc Dung brei thau meda kakak, tinh gọn, đơn giản hóa labaih 50% thủ tục hành chính. Tabhia nan, meda ngak blaoh bruk “Ngân hàng bia mộ” dahlau harei 21/07 thun ini piah hadar dhar phor anh hùng liệt sỹ.

    # Harei kabroi (23/4), pak Miếu Lãi Lèn, xã Kim Đức, Uỷ ban bhap bani bal Việt Trì, tỉnh Phú Thọ, peih harei pataom daoh Xoan uranaih dalam bal mbang ka 5. Ini lac sa dalam dom bruk ngak dalam tukvak rah tabiak Pachip daa Po Hùng Vương - Lễ hội Đền Hùng thun Mậu Tuất 2018. Ini lac tukvak piah pathau khan, patgok saong meyaih khan ka inem krung daoh Xoan Phú Thọ tal taong abih bhap bani; rik daong khik ramik ilamo meng kan di inem krung ilamo oh mboh di meta.

  Khaw tin dunya

# Pagaiy ini (24/4) tui tukvak puk palei, rah tabiak mbang khuah ngak khat lihik trak saong ngak ka 18 urang metai, 5 urang njauk rambuac di sa quán karaoke KTV di ban Anh Đức, tỉnh Quảng Đông, Trung Quốc. Dalam melam, gah chức năng hu pataom rilo radaih padam pui, dradaih cứu thương, cảnh sát... nao tal labik bala piah daong dom urang gaok bala saong pacang padam khuah. Hu thau, makna ba tal khuah lac kayua hu urang cuh quán, urak ini, cảnh sát jeng daok duah thau ngak brei cambaih bruk nan.

# Thủ tướng Ấn Độ Na-ren-đa Mô-đi (Narendra Modi) meda hu mbang nao rivang Trung Quốc dalam adit ini piah jhul patagok talei rohim pambuak bruk dua gah. Dalam mbang nao rivang ini, tui kuhria Thủ tướng Ấn Độ meda hu taom gaok akaok negar Trung Quốc Tập Cận Bình dalam sa nyaom biai pakat glaong oh chính thức dalam harei 27 saong 28 bilan 4 inil. Akaok mentri Ngoại giao Trung Quốc brei thau, Trung Quốc saong Ấn Độ daok hu dom kadha karei. Min kein laba di dua negar nan lac prong jang. Ấn Độ saong Trung Quốc oh daok hu bruk palih ruah halei karei langiu di bruk patui veik talei rohim pambuak bruk suai lavik, jhul patagok kein laba saong ngak brei cakrok patagok haong gauk.

# Rajaei Hàn Quốc  brei thau lac brei padheih dom bruk pathau khan di libik bien gioi, sa bruk ngak brei mboh hatai caong langyah ba brei siam mekre di taneh ia ini dahlau di nyaom biai pakat glaong dua gah Triều Tiên di harei 27/04 tal. Ini lac bruk ngak brei mboh bruk siam mekre dak harei dak tagok di bán đảo Triều Tiên, hadei di tukvak catang tagok tal tabung glaong di kreih thun dahlau./.