# Beir harei 23/5, di jabat Trung ương Đảng, Tổng Bí thư Nguyễn Phú Trọng taom gaok urang hu mbaok di nyaom roya Công đoàn Quân đội mbang ka 9. Brei panuac di labik ni, Tổng Bí thư Nguyễn Phú Trọng ieu bol lin ba akaok nao dahlau dalam bruk mesruh pacang tham nhũng, bruk mesruh di bol lin njauk brei mboh dalam mesruh pacang ngoại xâm song nội xâm: “Rilo tuk mesruh pacang khol nội xâm dok kan jang  khol ngoại xâm. Kayua khol  nội xâm nyu hu mbaok di grauk labik, kan thau hu. Dalm rup pabhap di yaok anek menuac jeng hu siam hu jhak. Nan ye njauk caik hatai sangka Dalam tuk negar dok mesruh pacang tham nhũng dok rah tabiak khang, bol lin njauk brei mboh bruk mesruh pacang ngoại xâm song pacang  nội xâm…”

  # Patui danadak mbang nyaom ka 5, quốc hội khóa 14, page ini (24/5) dom urang jakar ginum biai di hội trường ka dom asal kadha daok hu panuac ndom karei di gauk di dự án hukum Tố cáo (ramik pasiam). Dự thảo hukum tố cáo (ramik pasiam ) ba tagok Quốc hội brei tapa di mbang nyaom ini hu 9 chương, 68 paka. Dom bruk daok hu panuac karei di gauk di dự án hukum daok hu likau panuac ndom di urang jakar Quốc hội, hu: Hình thức tố cáo; Tukvak tố cáo; Quy định dui mek tố cáo; brei langyah tố cáo puac di abih; khik caga urang tố cáo saong dom bruk karei.

# Urak ni Việt Nam hu jiak 2.000 labik pato bruk ngak, min anek saih hadei di tuk bac tamat trung học phổ thông jeng palih ruah pakacah đại học. Urak ni daok hu sa bruk njauk biai nan lac, yaok thun hu yaok pluh ribau cử nhân, kỹ sư bac tamat bloh min oh duah hu bruk ngak, menuac thất nghiệp yaok thun dok glong...ye doanh nghiệp oh palih ruah hu urang ngak hu tangin gheih. Tui ong Phạm Vũ Quốc Bình, Cục trưởng Cục Kiểm định chất lượng pato pakai bruk ngak, Mintri Lao động Thương binh song Xã hội,  langiu di makna nduac tui bằng cấp, dok kayua bruk tacei jalan bruk ngak di Việt Nam oh ka siam song sarak dong ka urang bac bruk ngak oh ka lagaih, nan ye kan pachreih hu anek saih bac bruk ngak. 

# Tỉnh Bình Phước urak ini hu labaih 134.300 ha pa-ok blait, meblah 54% sản lượng pa-ok blaih dalam taneh ia. Brei thau asar pa-ok blat lac janih pandap pablei tabiak taneh ia lingiu khang, tukva tapa, tỉnh Bình Phước hu rilo sarak, jalan ngak piah patagok phun pa-ok blait. Dalam nan bruk ngak chỉ dẫn địa lý ka asar pa-ok blait lac sa dalam dom bruk ngak praong piah jhul khang, patagok darak pasal, pambak praong jalan pablei tabiak taneh ia lingiu piah paglaong yaom gia tăng, patagok gah pa-ok blait khang kajap.

# Melam 3/5, ong Hoàng Văn Duy, Chủ tịch Ubbhap bini  xã Phan Dũng, huyện Tuy Phong, tỉnh Bình Thuận brei thaut, gah chức năng labik ni  song dom nyaom phượt thủ dong duah urang gaok bala hu srong urang likei phượt thủ Thi An Kiện tagok truh thác Lao Phào. Gauk gar dok ba urang metai umo 24 thun ni mai ban raya HCM dhar.

Khaw tin dunya

# Harei 23/5, dom urang vak báo dunya hu nao tal ban tasik Uôn-san (Wonsan) di Cộng hòa dân chủ bhapbini Triều Tiên piah pataom tame bruk kareik pambang cơ sở hạt nhân Pung-ghi-rê (Punggye-ri). Bruk kareik pambang cơ sở hạt nhân ini kuhria rah tabiak di tukvak halei meng harei 23 tal harei 25/5 tui maong di lingik. Ini hu brei thau lac sa jalan nao praong pamaong tal phi hạt nhân hóa abih angaok bán đảo Triều Tiên, brei thau hatai di Triều Tiên dahlau nyaom biai thượng đỉnh Mỹ- Triều.

# Ủy ban Bầu cử negar Campuchia brei thau lac 20 chính đảng hu mbaok tame Tổng tuyển cử  harei 29/7 anak tal di negar ni. Yau nan, dom đảng hu mbaok tranh cử mbang ni glaong jang rilo mbang palih ruah Quốc hội mbang ka 5 lac 8 chính đảng. Dalam mbang palih ruah Quốc hội mbang ka  6 anak tal, cử tri Campuchia hu plaik phiếu palih ruah 125 nghị sĩ. Dahlau di nan, Quốc hội Campuchia mbang ka 5 hu ruah 123 nghị sĩ, dalam nan đảng CPP cầm quyền hu 68 menuac, đảng Cứu nguy dân tộc đối lập hu  55 menuac.

q# Tổng thống Italia harei kabroi (23/5), hu brei adat ông Giu-sép-pê Côn-tê (Giuseppe Conte) ngak Thủ tướng barau di taneh ia ini. Hadei tuk hu brei adat di Tổng thống Italia, ông Con-tê hu var họp báo katut brei thau ông njauk hatai taduan mek trách nhiệm jeng Thủ tướng ka 65 di gah Cộng hoà Italia saong drah samal ginum biai dom đảng phái chính trị di dom harei tal. Khan brei thau akaok mereip ka sarak jaik tal di Italia, ông Conte brei thau meda paih bruk salih barau, tabhia nan khik ginum biai khang saong dom thể chế di Liên minh châu Âu./.