# Tal 16 tuk biar harei 23/6, dom kapul cứu nạn di mintri Quốc phòng, dom đơn vị saong urang taong cap ikan hu mbaok tame duah, hu tacei tabiak cambaih laih labik kapal haok Casa – 212 số hiệu 8983. Di labik nan hu duah mboh jamriak kadik saong rup kapal haok vak cambaih laik 8983. Jeng di labik duah nan, hu duah mboh dom urang metai, lac urang di kapal haoh Casa – 212. Biar harei kabroi, pak labik nan, dom kapul duah pataom hu dom candiah pacah di kapal haok Casa-212. 

     # Peih ngak sarak 67 di rajaei, tal urak ni, UB bhap bini tỉnh Ninh Thuận hu mbaoh tangin brei ka 28 urang hu mesraiy phun jien di gilang pariak padang bahrau kapan tong chap ikan. Dalam nan hu 8 urang hu ngak bloh kapan ba tame pandar, tuk camereip daok ba mai kein laba, yaok mbang nao tong chap laba hu yaok rituh triệu đồng.

     # Kapul ngak bruk di mintri pato megru kayua thứ trưởng Phạm Mạnh Hùng ba akaok kapul hu var ngak bruk saong UB bhap bini tỉnh Đắc Lắc ka bruk kuhria caga ka mbang pakacah THPT pakat negar thun 2016. Cụm pakacah kayua sở pato megru tỉnh dang akaok hu 15 labik pakacah, ngan saong 7.307 anek saih, 306 duk pakacah. Tỉnh jeng tacei pato gah pato megru, dom puk palei, abih di nyu nan lac dam dara urang đoàn tacei jalan, daong labik mbang, daok ka anek saih mai pakacah.

     # Piah palagaih ka anek saih tame pakacah tốt nghiệp Trung học phổ thông thun 2016 tuk nao pakacah atah di sang. Mban tacei jalan danak dak “Daong pren bilan pakacah” di tỉnh đoàn Hà Tĩnh hu nao pasang iek, taom gaok 1.514 boh sang bhap bini brei ka 6.079 anek saih dok saoh. Mbang pakacah Trung học phổ thông pakat negar 2016 hu rah tabiak meng harei 1 tal 4/7, dalam tỉnh Hà Tĩnh hu 27 labik pakacah ngan song 18.000 anek saih tame pakacah di dom huyện: Cẩm Xuyên, Can Lộc, Thạch Hà, Lộc Hà song ban Hà Tĩnh. 

     # 6 bilan akaok thun 2016, dalam tỉnh Yên Bái bala angaok jalan mbak trun biak ralo duk saong thun dahlau. Meng akaok thun, mban an toàn jalan mbak tỉnh Yên Bái hu padang jalan ngak saong tacei pato dom jabat chức năng pambuak bruk peih ngak samu gauk, siam lagaih.

     # Harei 23/6 sa kapan ikan công suất prong nyu gar di ala tatua Lê Hồng Phong ban Phan Thiết, tỉnh Bình Thuận. Bruk dong dui kapan tabiak daok hu ngak dalam sami samar. 4 tuk mesup harei 23/6 kapan ikan BTh-97559 TS, công suất labaih 700 CV, kayua thuyền trưởng  Đỗ Văn Vướng (dok di palao Phú Quý) peih meng labik  sửa chữa kapan angaok krong Cà Ty tabiak pambah tasik. Tuk nao tapa tatua Lê Hồng Phong njauk tuk ia glong, ngak brei kapan gar veik. Biak patuah oh hu urang halei njauk hagait.

      # Urak ini, tỉnh Cà Mau hu jaik 300 baoh sang raong hadang nước tĩnh hu kein laba glaong, bhum raong pataom ralo nan lac 2 huyện Năm Căn saong Ngọc Hiển. Ini lac jalan raong barau, hu dom urang nông raong iek meng akaok thun 2016. Tuk camereip tok hu dom baoh sang raong, mboh kein laba nan ye ralo baoh sang karei ngak tui, meng nan pambak praong yau sa bruk ngak mabng barau. Langiu di nan, raong hadang nước tĩnh daok hu dom ưu điểm jang raong quảng canh cải tiến yau takik nerak ia, hadang takik jit ruak, praong samar.

       Patui di ni dom khau tin dunya

      # Harei kabroi 23/6, lac harei ka 2 dalam bruk jak ba tranh cử Thượng viện Nhật Bản. Ni jeng lac mbang camereip cử tri hu biak rilo kayua Nhật Bản trun umo nao palih ruah dok 18 – 19 thun. Bruk palih ruah mbang ni hu rah tabiak di 5.299 labik di harei 10/7 anak tal, hu 389 urang tabiak ứng cử  piah pilih 242 nghị sỹ Thượng viện dalam mbang ni.

      # Đặc phái viên Liên hợp quốc ka bruk Xy-ri, ong Xtê-phan đờ Mi-xtu-ra harei 23/6 brei thau, ong daok kuhria pambuak veik dom mbang ginum meyai sron mbon ka Xyri di bilan 7 tal, hadei di tuk hu tham vấn saong dom gah pambuak tal bruk ini. Tui ong Mi-xtu-ra, bruk praong abih daok pamaong tal nan lac pambuak veik dom bruk ginum meyai ka Xyri  anak tal lac tamat bruk srau kadau dui atah di taneh ia Trung Đông ini. Tui nan, ong Mi-xtu-ra hu pathau khan anak hội đồng bảo an ka dom bruk ini di harei 29/6 tal.  

     # Karja tỉnh Giang Tô, Trung Quốc harei 23/6 brei thau takik di abih 51 urang metai song yaok pluh URANG karei njauk rambuac kayua bala meng langik di tỉnh ni. Hajan khang gam tui hajan patau song hangin khang dalam harei jeng ngak khut rilo boh sang di bhap bini. Langiu di Giang Tô, rilo tỉnh di gah merong TQ yau Triết Giang, Giang Tây, Hồ Bắc và Tứ Xuyên njauk gaok bala meng langik tasik dalam dom harei tapa./.