# Tỉnh Gia Lai hu jalan tapen negar atah 90km jaik taphia haong tỉnh Ratanakiri, Negar Campuchia, nao tapa 7 xã dalam 3 huyện tapen negar. Angaok canah jalan tapain negar ini, gam haong Pabah mbang negar dunya Lệ Thanh daook hu sa pabah mbang negar phụ saong 8 jalan nao peih. Urak ini, hatai caong khin nao tabiak negar langiu, pablei salih pandap panda tapa jalan tapen negar  dalam tỉnh Gia Lai biak prong. Kuhria rah tapa, yaok thun hu jaik 100.000 mbang manuac urang saong jaik 150.000 tấn pandap panda pablei salih tapa dom pabah mbang negar, jalan nao peih.

# Peih ngak danakdak sang daok xã hội, urak ini, tỉnh Bình Dương pachreih hu 85 dự án saong taneh sàn sang daok praong 3,9 triệu m2 . Dalam nan hu 43 dự án di Đề án sang daok an sinh xã hội Becamex saong sàn sang daok praong 3,1 triệu m2, ngan saong 70 rabau baoh saong jien buh tame ngak abih tih labaih 12 rabau tỷ đồng. Ini lac mô hình patagok sang daok an sinh xã hội dalam quỹ taneh hacih hu đầu tư hạ tầng saong ba tame pandar meng yaom pablei ưu đãi njauk saong jien mek tame di urang ngak.

# Meng akaok thun tal ini, hu jaik 15 triệu mbang manuac urang mai tal dom  cơ sở y tế di bal pasang iek ruak meng bảo hiểm y tế, samu haong yaom jien pasang iek ruak nan lac 12.563 tỷ đồng. Tapa pasang iek di gah y tế bal raya HCM pak 15 gah khám iek ruak brei mboh bhap bani oh njau hatai abih di nyu lac dom gah: ngak  harak tut angan khám, jalan ndom puac di nhân viên y tế, bruk rivang ruak di bác sĩ. Ini lac dom hagait bo dom cơ sở y tế di bal njauk salih ngak ka nyu siam.

# Tukvak jaik di ini, hajan praong gam tui ribuk hamiet rah tbaiak ngak ka yaok rabau phun durieng dalam tuk paik baoh di dom xã di huyện Cai Lậy, tỉnh Tiền Giang  jaleih, druh baoh, tui kuhria khat lihik yaok tỷ đồng. Di xã Tam Bình, tui kuhria di UB bhapnini xã hu labaih 100 phun durieng  jaleih saong jhoh phun khat lihik abih, 200 phun durieng hu baoh jaik si paik gaok druh baoh jaik 60 tấn baoh. 

# Bhum taneran kraong Cửu Long hu labaih 30.000 ha mblang taneh cam sành. Sản lượng cam mek hu 360.000 tấn sa thun, meblah 67% sản lượng dalam negar. Pak Trà Vinh cam sành janih I hu urang pablei salih mai blei pak bein meng 7.000-8.000 đồng/kg; dom janih daok veik  meng 4.000 - 6.000 đồng/kg; trun labaih 20.000 đồng/kg dut haong tukvak ini thun dahlau. Tui urang ngak bein pala cam sành, jien buh tame ka yaok hécta cam sành meng tuk pala tal tuk paik pablei lac meng 500-700 triệu đồng. Ngan haong yaom jien ini  ralo urang nong njauk khat  trak. 

# Dom thun jaik ini, bruk salih phun pala, kaya raong di xã Phú Vĩnh, ban sit Tân Châu, tỉnh An Giang patagok khang. Rilo sang bhapnini hu salih taneh padai oh kein laba tapa pala phun mbang baoh ba mai kinh te glaong jang rilo mbang duk saong pala padai. Saai Tăng Tấn Hưng lac sa urang nao dahlau ka bruk salih phun pala jak jeng meng phun kruc bung kanduh hijao yaok thun mek jien tame labaih 1 tỷ đồng.

  # Sở Ilamo, padhih saong rivang ma-in tỉnh Vĩnh Long pambuak haong Miuyim Urang kamei gah Meraong parang iek kadha “Adat mbang hala dom bangsa Việt Nam”. Mbang parang iek meyaih khan tal bhap bani labaih 240 pandap panda, harak  tài liệu, thaot binguk siam gheih ka adat mbang hala di dom bangsa Việt Nam yau: khei hala paneing, kalaok cur, gai thaok hala, kacuak, to blah paneing… meng thun 2010 tal ini, Meyim urang kamei gah Meraong hu yaih khan kadha “Adat mbang hala di dom bangsa Việt Nam” tal 10 tỉnh, bal dalam negar. Mbang parang iek “adat mbang hala dom bangsa Việt Nam” rah tabiak meng ini tal abih harei 23/11/2017 tal harei 30/03/2018 pak Muyim Vĩnh Long.

Khaw tin dunya

# Gah khik ramik Truyền thông Italy brei thau, darak pasal truyền thông di taneh ia ini daok mboh dom salih bahrau tuk urang bhapnini dak harei dak takik blei báo ba ar jang. Bruk ini tỷ lệ nghịch saong tukvak bo urang Italy caik ka mạng xã hội, abih di nyu nan lac Facebook jeng ye dom bruk ndom biai tapak tapa mạng. Tui kuhria, dom thuê bao cố định yaok thun tagok jaik 880.000 saong urak ini dalam taneh ia hu jaik 16,2 triệu thuê bao.

# Yaom lac hu blei haong yaok biak glaong tal 10.000 USD pak khách sạn Waldhaus Am See dalam khu padeih padei sang trọng St Moritz di Thụy Sĩ, min kloak alak whisky hu mong lac chit abih dunya ini, lac pandap ja. Hadei di tuk peih bruk kiểm định thun di nyu meng đồng vị carbon, dom chuyên gia ka alak whisky di Scotland saong Đại học Oxford di Anh hu duah mboh klaok alak ini oh njauk lac Macallan Single Malt ngak tabiak meng thun 1878. Taphia di nan, klaok alak ini meda lac oh hu ngak meng mạch nha nguyên chất bo nyu lac  whisky srau meluk, ngan haong 60% lac mạch nha saong 40% lac ngũ cốc. 

# Bruk parang iek “ hadah tanyak tasik Việt Nam" barau rah tabiak di jabat UNESCO  di Liên hợp quốc dalam ban ine Paris (CH Pháp). Ini lac bruk ngak akaok mereip kayua Hội Tinh hoa ilimo Việt Nam peih ngak pambuak bruk saong kapul hữu nghị Pháp – Việt, sa kapul praong ngan saong rilo bruk pambuak gauk di Pháp saong Việt Nam labaih 50 thun tapa./.