# Pachip daa Po Hùng - Lễ Hội Đền Hùng thun 2018, rah tabiak meng harei 21 - 25/4 (lac harei 6 – 10 bingun bilan 3 thun Mậu Tuất) kayua UB bhap bani tỉnh Phú Thọ dang tabiak ngak gam haong dom tỉnh: Thái Nguyên, Bình Dương, Quảng Nam saong Kiên Giang, hu ralo bruk ngak dalam tukvak rah tabiak, binah Lễ saong binah Hội brei mboh ilamo di bhum taneh ong akaok ong akei,  brei mboh m,akna praong di harei Pachip daa po Hùng; pato pakai ilamo ranam taneh aia meng kan mai, thau dhal phol  dom rai rah nao dahlau hu pren padang taneh aia saong khik iek taneh aia. Tui Ban peih ngak pacit da-a Po Hùng - Lễ Hội Đền Hùng thun 2018, kuhria tal abih harei 23/4 (lac harei 8 bingun bilan 3 saka aia bulan) hu labaih 2,5 triệu mbang tuai damuai mai haong taneh ong akaok ong akei saong hu mbaok dalam dom bruk ngak tuk vak Giỗ Tổ thun 2018. 

# Tui nan, di mblang bein Văn Lang, ban Việt Trì, tỉnh Phú Thọ daok rah tabiak harei pataom tapuk taneh Tổ saong parang iek nghệ thuật thun 2018. Harei pataom tapuk taneh Tổ thun 2018 hu 16 gian pandap di 13 libik lac dom gah xuất bản, công ty sách, công ty phát hành saong libik ngak bruk di gah ilimo, thông tin saong truyền thông. Jaik 15.000 baoh tapuk dom janih hu parang iek, yaih khan tal urang puac. Ini lac sa bruk ilimo praong piah pambak praong hatai takre tapuk tal abih bhapbini.

# Harei pataom tapuk Hà Nội 2018 rah tabiak meng harei 18 tal 22/4 ngan haong bruk hu mbaok di jaik 80 jabat gam saong labaih 100 gian hàng, parang iek duh ka urang puac labaih 50.000 akaok tapuk, labaih 5 triệu baoh tapuk dom janih. Tui kuhria oh ka ginup abih di ban tổ chức, taong abih jien mek tame di harei pataom tapuk thun ini hu jaik 11 tỉ đồng. Baoh tapuk Đại Việt sử ký toàn thư lac tapuk pablei nduac abih dalam harei pataom tapuk ini.

# Meng harei 28 tal 29/4, di huyện A Lưới, tỉnh Thừa Thiên - Huế meda rah tabiak harei pataom ilimo padhih saong Du lịch dom bangsa takik huyện A Lưới mbang yaka II, thun 2018. Thun ini harei hội meda rah tabiak di ban sit A Lưới saong dom xã Hồng Hạ, Hồng Kim ngan saong rilo bruk chreih chrai ye: parang iek menyim Zèng saong khan ao angui cuk mengkan dom bangsa takik huyện A Lưới; ngak veik adat nao sim (Pộc Xu) saong darak bhum glaong; parang iek menaiy craoh saong ngak iek bruk ngak mbang ngak huak ala ia di bhapbini Pa Cô…Ini lac dom bruk ngak brei thau ka adat cambat tanarakun di dom bangsa karei di gauk dalam huyện.

# Pahadar 43 thun Harei peih paha gah meraong, yasa taneh aia (30/4/1975 - 30/4/2018) saong pahadar 132 thun  Harei dunya urang ngak (1/5/1886 - 1/5/2018), UB bhap bani bal raya HCM kuhria peih ngak ralo bruk biak hu yaom, ba bui sambai, chreih chai duh ka bhap bani. Cambaih laih, nao sirah kabo liệt sĩ,  daoh tamia,  cuh pháo bingu di melam 30/4.

Khaw tin dunya

# Di Praha - Cộng hòa Séc, hu peih ngak harei pacit da-a Pô Hùng biak praong. Harei pacit mbang yaka 7 kayua Hội Đồng hương Phú Thọ gam kapul urang Việt Nam di CH Séc, Liên hiệp dom kapul urang Việt Nam di châu Âu gam peih ngak ala bruk daong di Đại sứ quán Việt Nam di CH Séc saong pachreih hu labaih 1.000 mbang urang  Việt gam saong dom ayut sahabat Séc tapa dom bruk dalam harei.

# Pak Singapore, Quỹ Đồng hành Singapore bahrau peih malam Gala pataom jien piah brei jien bac ka dom sinh viên hu rai diuk kan kandah dalam negar tui bruk bac megru di drei. Tapa nan, hu 45 pok jien bac, yaok pok yaom 4 triệu đồng  brei ka dom sinh viên kathaot bac megru naih jioy dalam dua sang bac đại học Kinh tế-Luật bal raya Hồ Chí Minh saong Đại học Công nghệ-Đại học Quốc gia Hà Nội dalam thun 2018 ini. 

# mbang akaok meti dalam rilo abap tapa, janih ikan heo ia taba di Camphuchia dahlau daih daok mbuan si lahik abih hu caih mebaoh veik, brei mboh bruk tamuh veik di dom janih ikan ia taba. Ikan heo Irrawaddy, hu dhei glaong tabiak anak saong baoh dung katut, bhian mboh biak rilo di labik rah tui kraong Mekong dalhau tuk tame veik dalam labik kraong atah 190km meng gah kreih negar tal gah Brak Campuchia, tabhia negar Lào dalam dom abap tapa./.