# Mintri y tế saong BHXH VN hu ginum meyai piah patui bruk patagok viện phí meng harei 1/8, nan lac ralo jang sa bilan duk saong jalan ba tabiak dahlau daih lac tagok meng harei 1/7 saong jeng karei jang jalan ngak dahlau lac oh tagok rilo janih. Anak meta, bruk tagok viện phí hu pandar di 10 tỉnh ban hu bhap bini blei BHYT glaong meng 90 tal 95%. Viện phí barau pandar meng harei 1/8 ba jien bilan gru jru tame viện phí. Yaom viện phí hu dom janih phụ cấp, jien bilan ini hu pandar di 10 puk palei.

     # Bahrau ni, Pasak ilamu tỉnh Ninh Thuận peih bruk taom gaok doh tako song rilo bruk chreih chrai pahadar 15 thun harei boh sang VN 28/6/2001- 28/6/2016. Pasak dok pambuak bruk song Hội Luật gia tỉnh pablah danak dak ndom nyai pathau khan dom ilamu gam tal hukum pacang caga boh sang. Tapa nan brei mboh bruk prong glong song makna di boh sang dalam rai duik XH, song tapa nan

      # Tapa pasang iek tỉnh Bến Tre hu 34 tatua tuan hu padang ngak meng thun 2004 tal ini nyu khut, oh khik hu siameke salamat tuk nao mai. Barau ini, dom pakat, dom ngành dalam tỉnh hu jak ba urang daong ngak 14 tatua ini meng bê tông cốt thép, khik kajap an toàn jalan mbak ngan saong yaom jien padang ngak meng 4 tal 6 tỷ đồng sa tatua.

      # Danak dak patagok Liên Hợp Quốc hu dong ia hacih saat song bồn caik ia yaom 150.000USD ka 1.250 boh sang gaok kan kandah kayua pandiak bhang dok rah tabiak di 2 huyện  huyện Hàm Thuận Bắc song Bắc Bình.Yaok boh sang hu taduan 16 binh ia hacih praong 20 lít song sa bình ia nhựa praong1.000 lít. Mbang dong  ni hu peih ngak meng kreik bilan 6 tal bilan 7 thun ni, piah ba ia hacih saaat mai ka bhap bini di labik dok njauk pandiak bhang, dong pacang cacak dom jit ruak rah tabiak kayua kurang ia pandar dui atah.

      # Dalam 6 bilan akaok thun 2016, kadung jien daong ka uranaih tỉnh Bình Dương jak ba hu labaih 3,4 tỷ đồng, tapap nan peih ralo bruk iek glang ka dom uranaih gaok kan kandah dalam tỉnh. Dom danak dak hu makna biak siam hu kadung jien peih ngak yau: hành trình xuân ngan saong uranaih kan kandah, danak dak “yaok baoh hatai pahala, pambuak seok sa hatai caong”, blac daraih baoh hatai, alin jien bac…. Meng dom danak dak ini, hu 2.357 uranaih gaok kan kandah hu iek glang tui rilo jalan ngak, ngan saong yaom jien labaih 1,8 tỷ đồng.

      # Jalan ngak di Đồng Nai ba tabiak dalam thun ni lac mek hu 1 tỷ USD phun jien buh tabiak tapak di negar langiu ( FDI), min jiak 6 bilan akaok thun di ĐN taduan hu 97 dự án ngan song abih phun jien 1ty3, 01 triệu USD tagok labaih 100% bruk ba tabiak di thun. Tui ong Cao Tiến Dũng, Giám đốc Sở Kế hoạch song Đầu tư tỉnh Đồng Nai, dalam 97 dự án nan hu 53 dự án buh bahrau ngan song phun jien jiak 400 triệu USD song 42 dự án pasamu phun jien song phun jien tagok labaih 600 triệu USD.   

      # Kapul thiện nguyện Tâm An (quận Tân Phú, ban raya Hồ Chí Minh) pambuak bruk saong Huyện Đoàn Ninh Hải, tỉnh Ninh Thuận peih bruk alin hadiah 200 paok pandap ka baoh sang kan kathaot saong anek saih gaok kan kandah di ban sit Khánh Hải, xã Nhơn Hải saong xã Phương Hải, yaok paok jien bac yaom 300.000 đồng. Tapa nan rik daong dom adei anek saih kan kathaot hu jien nao bac dalam thun bac barau 2016 – 2017.

     Patui di ni dom khau tin dunya:

    # Hội đồng châu Âu ka Du lịch song pablei salih (ECTT) bahrau brei thau CPC yam tapa 29 negar karei piah jeng sa labik rivang main siam abih dunya thun 2016. Tui ECTT, thun ni hu 30 negar hu mbaok tame mbang pakacah giải thưởng hu angan je ni. CPC  dang akaok dalam mbang pakacah hu angan labik rivang siam di abih thun 2016 kayua inem krung ilamu song sajarah dak rai siam gheih song dom labik mekre meng lingik tasik.

     # Hội đồng Bảo an Liên Hợp Quốc pandar rajaei I-rắc khik caga bhap bini anak dom bruk tấn công di kol IS. Akaok luân phiên Hội đồng  Bảo an Liên Hợp Quốc Phrăng-xoa Đu-lát ndom lac, rajaei Irac brei khik caga bhap bini anak dom bruk cap ndok jien loh meng kol IS. LHQ jeng brei mboh suh sah ka bruk pahala urak ini di ban Pha-lu-gia, taphia di nan ieu dom tổ chức pahala patagok bruk daong bhap bini Iraki.

    # Takik di abih 6 urang metai, sa urang lihik hadei di mbang ia ndik ia sua ngak glut jaleih taneh di Tây Nam Nhật Bản. Dom mbang hajan khang rah tabiak di rilo labik di palao Ki-u-su (Kyushu) dalam luac 2 harei tapa, ba tal ia ndik ia sua song glut jaleih taneh trak. Yaok rituh ribau urang hu paduan ba tabiak  truh labik gaok bala. Jabat khí tượng Nhật Bản brei thau, dom mbang hajan khang meda rah tabiak di gah pai, karja hu panuac ieu bhap bini pacang caga ia ndik ia sua song glut jaleih taneh./.