# Biar harei sup kabroi, 25/03 tui tukvak negar Pháp, nan lac melam kabroi tui tuk di Hà Nội, Tổng Bí thư Nguyễn Phú Trọng saong Kapul urang lambaok pakat glaong Việt Nam hu nao tal bal ine Paris, peih mbang rivang negar Cộng hòa Pháp dalam 3 harei tui panuac daa di Tổng thống Emmanuel Macron. Hadei di tuk mai tal bal ine Pari,  Tổng Bí thư Nguyễn Phú Trọng saong Kapul urang lambaok pakat glaong Việt Nam hu nao tal bal Mông-thơi (Montreuil), pok bingu anak rup patau Chủ tịch Hồ Chí Minh saong rivang iek Không gian Hồ Chí Minh di mblang bein Mông-thơi.

# Jeng Dalam harei 25/03, di Hà Nội, Trung ương Kapul dam dara CS Hồ Chí Minh, kadung jien dong urang naih gheih ranaih umo Việt Nam hu jao Giải thưởng 10 urang ranaih umo Việt Nam naih gheih thun 2017. Thủ tướng rajaei  Nguyễn Xuân Phúc mai hu mbaok song brei panuac. "Hulin caong dom ayhut njauk iek prong, thau hu bruk di drei,  pasram megru ngak tui jalan hadah krah siam mekre di Hồ Chí Minh, oh padeih kham merat yam tagok, njauk lac dom kreih camin hadah di dam dara VN.

# Dalam dom bruk di Bilan dam dara, pahadar 87 thun Harei padang kapul Dam dara CS Hồ Chí Minh, Đoàn khối Doanh nghiệp tỉnh Đắk Lắk bahrau peih diễn đàn “Dam dara ngan haong angan je doanh nghiệp”. Tapa nan, 38 cơ sở Đoàn hu mboh tangin sanya haong Ban Thường vụ Đoàn khối Doanh nghiệp tỉnh Đắk Lắk ka bruk peih ngak Mbang jak ba “Urang Việt Nam dahlau di abih njauk pandar pandap Việt Nam”, tui jalan ngak “Dam dara khối doanh nghiệp tỉnh Đắk Lắk brei pandar pandap panda, dịch vụ di gauk”.

` # Di  Khu Công nghiệp Hòa Hiệp, huyện Đông Hòa, Tỉnh Đoàn Phú Yên pambuak  bruk song Liên đoàn Lao động bahrau peih  “Harei urang đoàn” thun 2018, hu mbaok di rilo urang đoàn, dam dara lac công nhân song urang đoàn dam dara  di dom đơn vị trực thuộc. Di danak dak hu rah tabiak rilo bruk hu makna yau, peih bruk tacei jalan iek ruak brei jru ka jiak 200 urang  đoàn, công nhân hu rai duik kan kandah ; taom gaok doh tako song jao  30 pok pandap ka dam dara  urang ngak hu rai duik kan kandah dok ngak bruk tapak di  Khu Công nghiệp Hòa Hiệp, yaok pok pandap yaom  500.000 đồng.

# Urak ini, dom công ty pak dom khu công nghiệp, cụm công nghiệp dalam tỉnh Bến Tre daok caong khin palih ruah labaih 10.000 urang ngak, mboh ralo lac dom bruk jik pet, ngak kaya ikan, lắp ráp... Yaom lac gah chức năng tỉnh hu peih ngak ralo jalan palih ruah urang ngak di puk palei, palaghaih ka urang ngak taom gaok haong dom công ty, min dom công ty palih ruah hu biak takik urang ngak.

Khaw tin dunya:

# Harei 25/03 di  Cung Văn hóa sang bac Đại học jalan pasei  Mát-xcơ-va,  Ban cán sự Đoàn di  LB Nga hu peih ngak prong prang  bruk mít tinh pahadar 87 thun harei  padang kapul dam dara Cộng sản Hồ Chí Minh (26/03/1931-26/03/2018) pataom iek veik bilan dam dara.

# Tui pathau khan di Ủy ban pren yava dunya Trung Quốc ka dom janih jit njaom mbak di Trung Quốc dalam 2 bilan akaok thun 2018 brei thau, manuac urang metai kayua njauk ruak cúm jeng daok di tanut glaong, 50 urang. Manuac urang metai dalam bilan 1 jeng kayua njauk cúm nan lac 56 urang. Yau nan tok dalam 2 bilan akaok thun 2018, hu 106 urang Trung Quốc metai kayua cảm cúm. Manuac urang metai dalam 2 bilan akaok thun 2018 dut haong manuac urang metai kayua cảm cúm dalam thun 2016 (56 urang) saong thun 2017 (41 urang) pagam  veik.

#  Urang metai dalam mbang khuah rah tabiak harei kabroi (25/03) di sa pasak pablei salih  di bhum  Xi-bê-ri-a (Siberia) di Nga tagok tal  37 urang. Bruk kham merat dong duah dom urang gaok bala dok hu peih tabiak. Dalam tuk nan, makna di mbang khuah dok hu duah thau ngak brei cambaih laih./.