# Page  25-4 (lac harei 10 bingun bilan 3 saka aia bulan), Thủ tướng Nguyễn Xuân Phúc haong lambaok urang pal akaok jabat Trung ương, dom puk palei pok gilau pahadar dom pataw Hùng di điện Kính Thiên angaok tabung ceik Nghĩa Lĩnh dalam Khu inem krung dakrai negar biak karei Đền Hùng, Phú Thọ. Lễ hội Đền Hùng thun ini rah tabiak meng harei 21 tal harei 25-4 (njauk tame harei 6 bingun tal harei 10 bingun bilan 3 thun Mậu Tuất). Tuai damuai tuh mai lễ hội thun ini labaih 2 triệu mbang urang.

# Harei kabroi 25-4, yaok rabau menuac nao tal inem mek sajarah ilimo negar Đền Hồng Sơn di phường Hồng Sơn, ban sit Vinh, Nghệ An cuh gilau, pok bingu pamaong tal halau gha dalam harei pacit da-a Pô Hùng. Hadei di adat paling, kakuh dom po Hùng lac dom kadha tamia lân saong pakacah dom môn thể thao brei mboh bruk  thượng võ bangsa. 

    # Gam haong bhap bani dalam negar, page harei kabroi (25-4), lac harei  10 bingun bilan 3 saka aia bulan, pak khu inem krung ilamo dakrai sajarah Đình Lạc Giao, bal Buôn Ma Thuột, Ủy ban bhap bani tỉnh Đak Lak peih ngak prong prang bruk pachip daa Po Hùng pahadar tal halau gha di bangsa. Hadei di sap gar, chiêng peih nyaom, Đội tế Nam quan Đình Lạc Giao hu peih ngak dom adat meng kan yau: pok bingu cuh gilau, pok pandap panda đặc sản di puk palei nan lac:  cà phê, amariak kalu, bơ, tapai… tagok bàn thờ Pataw Hùng, pahadar gilac dakrai sajarah hadah hadai di dom Pataw Hùng jaman padang taneh aia.

# Thứ trưởng mintri ngak nong saong patagok palei pala Vũ Văn Tám barau mbaoh tangin tame quyết định padang Tổ ngak bruk xác minh ngak cambaih bruk phụ phẩm cà phê nyaom jhuk meng pin di tỉnh Đắk Nông saong pablei tabiak di tỉnh Bình Phước. Tổ ngak bruk di mintri ngak nong saong patagok palei pala hu trách nhiệm  pasang iek ngak cambaih laih bruk nan, pathau khan mintri piah tui nan pathau tagok Phó thủ tướng Vũ Đức Đam.

# Harei pataom Har bhap bani gah Meraong 2018 ngan haong kadha "Halau gha baoh har bhum palei" rah tabiak meng harei 25 tal harei 29/4. Harei pataom piah khik ramik, patagok yaom ilamo kaya mbang saong đặc sản har bhap bani gah Meraong. Taphia di nan daok lac tukvak piah ka dom doanh nghiệp peih prong bruk taom gaok, pambuak bruk, meyaih khan thaot binguk, angan je di drei tal bhap bani.

Khaw tin dunya

# Tukvak 16 tuk bair harei 25/4 tui tukvak puk palei, lac 15 tuk Việt Nam,  di Cung I-tan-a (Istana), jabat karja saong rajaei Singapore, Thủ tướng Singapore Lý Hiển Long (Lee Hsien Loong) saong diuk di ông dang tabiak taduan raok Thủ tướng Nguyễn Xuân Phúc saong diuk di ông di Singapore. Hadei di nan, Thủ tướng Nguyễn Xuân Phúc hu ginum biai saong Thủ tướng Singapo Lý Hiển Long. Di mbang ginum biai, dua Thủ tướng hu khan brei gauk thau ka dom jalan ngak piah ba bruk pambuak gauk di dua gah tagok glaong jang.

# Biar harei 25/4, pak bal ine Phnôm Pênh, Campuchia, amuk Tòng Thị Phóng, Ủy viên Bộ Chính trị, Phaok akaok thường trực Quốc hội haong kapul urang lambaok  Quốc hội Việt Nam hu mbang nao rivang saong ngak bruk haong Quốc hội Campuchia. Dalam van nyaom biai haong kapul urang lamboak Quốc hội Campuchia kayua Phaok akaok Quốc hội Nguôn Nhin (Nguon Nhel) ba akaok, Phaok akaok thường trực Quốc hội Tòng Thị Phóng ndom lac Quốc hội Việt Nam tuk halei jeng iek prong saong ba brei ngak dahlau ka bruk patagok talei rohim pambuak bruk meng kan di dua negar.

# Tui panuac meng sa urang jakar padauk angan di Nhà Xanh (lac jabat Tổng thống Hàn Quốc) harei 25/4 brei thau, Hàn Quốc saong Mỹ meda peih sa nyaom biai thượng đỉnh Hàn Quốc – Mỹ di kreih bilan 5 tal. Nyaom biai ini meda rah tabiak dahlau di nyaom biai thượng đỉnh Mỹ - Triều Tiên tui kuhria lac di puac bilan 5 atau akaok bilan 6 tal. Tabhia nan, Tổng thống Hàn Quốc Mun Chê In (Moon Jae-in) saong Tổng thống Mỹ Đô-nan Trăm (Donald Trump) meda hu mbang biai angaok phone hadei tuk nyaom biai thượng đỉnh dua gah Triều Tiên tamat di harei 27/4./.