# Taduan panuac da-a di Tổng thống Cộng hòa Bê-la-rút, A-lếch-xan-đơ Lu-ca-sen-cô, subuh page harei ini 26/6, Akok negar  Trần Đại Quang saong diuk ong, gam Kapol dom urang jakat pakat glaong di Viet Nam tabaik truh Ban Ine Ha Noi, nao rivang negar Cộng hòa Bê-la-rút meng harei  26 tal 28/6/2017.

# Harei kabroi (25/6), ông Nguyễn Thiện Nhân, Ủy viên mintri Chính trị, Bí thư Thành ủy, akaok kapul urang jakar Quốc hội ban raya Hồ Chí Minh hu dom var taom gaok cử tri huyện Củ Chi saong huyện Hóc Môn hadei mbang nyaom ka 3, Quốc hội mbang 14. Cử tri hu ba tabiak bruk suai peih ngak dom dự án quy hoạch ngak kan kandah tal raidiuk urang bhapbini saong caong khin hu sarak ba brei sang daok di dom libik quy hoạch treo; bruk peih praong mblang par haok  Tân Sơn Nhất… Di var taom gaok, ông Nguyễn Thiện Nhân gam saong dom sở ngành ban raya Hồ Chí Minh jeng pataom mek saong javap calei rilo panuac caong khin di cử tri ka dom bruk nan.

# Bruk ngak dalam 6 bilan akakok thun ini, 10 tỉnh Miền Trung – Tây Nguyên hu buh jien tame daong labaih 750 tỷ đồng tui Danak dak 135. Urak ini, dom palei nan daok ngak harak gar caga piah mbaok tangin brei buh jien tame padang ngak dom danak dak hạ tầng saong ramik pasiam dom bruk ngak di nyu. Ngan saong danak dak daong patagok bruk pala drak, yaom lac Mentri ngak nong saong Patagok palei pala oh ka tacei patao jalan ngak min dom palei brei ngak dahlau dom bruk pambak tal danak dak “ pakhang bruk ngak di dom urang hu angan je dalam bhum urang bangsa takik.

# Dự án “pilih ruah 600 trí thức ranaih naih joi, hu bac đại học ba nao ngak phaok akaok uy mban bhapbini xã di 62 huyện kathoat ieu katut lac Dự án 600) di mintri Nội vụ meda salah blaoh di puac bilan 6 ini. Di tỉnh Quảng Ngãi, dalam abih tih 52 đội viên di Dự án urak ini jeng daok rilo trí thức trẻ oh ka hu ba brei bruk ngak. Dom đội viên duh hatai oh thau hu ba brei bruk ngak hai oh tuk nan di tukvak tapa hu kham merat piah ngak siam bruk hu jao brei.

# UB bhap bini tinh Binh Thuan birau mbaok harak brei padang ngak Sang may gia nhiệt baoh kayau Kiên Kiên ka Cty TNHH pablei salih tabaik negar langiu Kiên Kiên. Sang may tui kuhrai rah tapa praong 4.000 m2, piah ngak brei hacih baoh thanh long saong dom baoh kayau karei tapa gia nhiệt di tỉnh ngan saong prein khang 7.200 tấn dalam sa thun, tui tanut pablei di darak negar Chau au jeng yau dom negar karei karei, piah paglong bruk pablei baoh kayua tabiak negar langiu di tỉnh.

# Harei 25/6, 41 dalam abih tih 50 học viên cai nghiện ma túy di Cơ sở cai nghiện ma túy Bến Tre di Sở Lao động thương bình saong xã hội Bến Tre hu jabat ngak bruk di huyện Ba Tri, tỉnh Bến Tre gilac mai jabat. trại. 9 học viên daok veik công an hu thau libik daok saong daok pambuak bruk saong dom libik, sở, ngành jak ba gilac mai. Cơ sở cai nghiện ma túy tỉnh Bến Tre khik jaik labaih 130 học viên. Gah chức năng daok ngak camabih makna kayua habal dom học vien nduac thauk di trại.  

# Tamat kadha pakacah cờ tiêu chuẩn Giai vo địch cở vua dam dara Đông Á 2017 pak Mông Cổ, kapul Viet Nam mek hu 6 HC ameh, 5 HC pariak, saong 3 HC ban. Dalam nan, Viet Nam lac Phạm Trần Gia Phúc meh hu 3 HC ameh tapa pakacah cờ nhanh, cờ chớp saong cờ tiêu chuẩn umo U8 thun  likei.

Khaw tin dunya

# Dalam harei bui sambai chreih chrai di lễ hội Ết-an phít ( Eid ), brei thau tamat bilan mbang chay Ra-man-đa di urang Hồi giáo di grauk dunya, urang bhapbini ban Mô-sun ( I-rắc) mbang akaok mereip mbang uan lễ hội bo oh huac kol IS, bhapbini  Mô-sun caong khin bruk mesruh trak di I-rắc samal abih.

# Jabat pasang iek taneh riya Mỹ brei thau, mbang megei baoh taneh khang 6,2 độ rich-te ngak karun taneh Phi –gi pak TBD di page ini 26/6 tui tukvak Viet Nam. Pasak megei khang dalam labaih 38km. Urak ini, oh ka hu hagait urang metai jeng yau njauk rambuac kayua bruk megei baoh taneh ini. Pasak brei thau Sóng thần TBD oh ka hu panuac kakei hagait meng bruk nan. 

# Dalam tuk rilo bhum dalam dunya gaok hajan xua praong lac di dom taneh ia Nam Âu gilac daok dang anak mbang tua riya, khuah glai ngak khat lihik trak ka menuac saong drap ar. Harei 25/6, gah chức trách Tây Ban Nha hu ba nao plaih labaih 750 urang hu bhapbini puk palei saong tuai ravang mein kayua huac dom mbang khuah glai praong daok mbang mai./.