# Biar harei 25/7, Tổng Bí thư Nguyễn Phú Trọng hu mai rivang saong alin hadiah pandap ka urang hu buh pren yava ka cách mạng di pasak raong iek urang hu buh pren yava 2 Hà Nội. Tổng Bí thư pok meyaom dom puk palei, bộ ngành dalam taneh ia hu ralo bruk ngak siam, thau dhar phon dom anh hùng liệt sĩ, urang hu buh pren yava ka cách mạng.  

# Akaok taneh ia Trần Đại Quang barau hu var taduan raok Thư ký Hội đồng An ninh Liên bang Nga Pa-chu-sép Ni-cô-lai-Pa-la-tô-nô-vích daok hu mbang ravang saong ngak bruk di taneh ia drei. Akaok taneh ia ndom lac, bruk kham merat hu mbaok di Liên bang Nga tame bruk khik  hòa bình, tani tanat khu vực, dalam nan hu Biển Đông, jeng ye dom bruk pambuak gauk gah an ninh tasik hu makna biak praong.

# Patui mbang nao rivang ngak bruk di Australia, Phó Thủ tướng Vương Đình Huệ hu mbang ngak bruk saong akaok mintri Ngoại giao Julie Bishop saong rivang pasak klah rabha phát minh công nghệ sáng tạo Australia. Phó Thủ tướng taong yaom glaong sáng kiến piah paglaong kein laba di dom danak dak dự án daong patagok di Australia brei ka dom taneh ia bhum Ấn Độ Dương - Thái Bình Dương.

# Tui panuac khan  meng mintri pato megru, tal tukvak ini dalam taneh ia hu labaih 300 rabau thí sinh salih pasiam caong khin tut angan xét tuyển. Dalam nan, dom thí sinh salih pasiam meng jalan trực tuyến meblah tal labaih 82%. Mintri pato megru jeng pandar meng harei 26/7, dom libik taduan mek hồ sơ ngak blaoh bruk cập nhật asal kadha ka bruk salih pasiam caong khin tut angan xét tuyển di abih thí sinh tame cơ sở dữ liệu di Cổng thông tin tuyển sinh di mintri pato megru. Meng harei 28 tal harei 30/7, dom sang bac đại học, cao đẳng peih ngak quy trình xét tuyển mbang ka 1 tui Quy chế tuyển sinh. Meng harei 1/8, dom sang bac đại học, cao đẳng ba tabiak kết quả trúng tuyển mbang 1. 

# Dalam mbang ngak bruk di tỉnh Quảng Trị, biar harei 25/7, akaok mintri  Thông tin saong Truyền thông Trương Minh Tuấn hu alin hadiah 20 paok pandap ka dom amaik VNAH, yaok paok yaom 5 triệu đồng. Tapa nan, akaok mintri jeng hu alin tỉnh Quảng Trị 15 baoh sang anit ranam, abih tih yaom jien 750 triệu đồng daong tỉnh ini daong dom baoh sang sarak karja kan kandah oh ka hu sang daok.

# Ủy ban bhapbini ban Hà Nội barau Quyết định tabiak bruk ngak di thun bac ka pato megru mầm non, pato megru phổ thông saong pato megru thun bac  2017-2018 dalam ban. Tui nan harei tựu trường di dom pakat bac, nganh bac sớm abih harei 1/8, suai abih harei 25/8. Harei khai giảng peih ngak njauk ngak dalam abih ban di harei 5/9. Tamat thun bac barau dahlau harei 31/5/2018.

# Tui Tổng cục Thủy lợi, dom tỉnh Bắc Trung bộ hu 83 danao praong. Urak ini hu 9 danao bak ia saong jaik bak ia. Ban tacei pato Trung ương ka pacang cakak bala pandar dom tỉnh bhum kreih negar samar pasang iek dom danak praong di puk palei, gam gam tui iek ia tagok glaong piah langyah chip. Ngan saong dom labik xung yếu, brei panduan bhap bini nao labik an toàn. Dom danao hu vận hành ralo thun oh hu pasiam veik, oh kajap ye oh brei padang caik ia piah khik siam mekre salamat.  

 Khaw tin dunya

# Tổng thống Phi-líp-pin Rô-đri-gô Đu-téc-tê barau sanya yah abih dom phần tử cực đoan hu phao ndao pambuak tal dom kol (IS) tabiak truh bhum gah meraong taneh ia ini. Tổng thống Phi-líp-pin halan hatian piah brei dom bruk daong kajap saong njauk ngak lac brei bol bala saong cảnh sát taneh ia ini, brei thau ong meda hu trach nhiem abih ka bruk caga dom phần tử cực đoan di pulao  Min-đa-nao.

# Nga barau tabiak panuac phản đối dom kadha dalam dự thảo sarak barau ka trừng phạt Triều Tiên di Hội đồng Bảo an Liên hợp quốc. Thứ trưởng Ngoại giao Nga Gien-na-đi Ga-ti-lốp ndom lac Nga oh njauk hatai ka dom kadha dalam dự thảo daok dalam tukvak ginum meyai ini, dalam nan hu bruk kham merat “pacang cacak gah kinh tế ngan saong TT”. Ong Gien-na-đi khang hatai lac sa sarak barau di LHQ brei hu cambaih laih gah ini, oh lac duah jalan ngak kan kandah kinh tế di TT.

# Jabat trun takik bala kayua lingik tasik Inđônêsia kakei, nguy cơ khuah glai di bilan thu tagok tabung glaong di bilan 8 saong 9. Thun 2015, khuah glai di Indonesia hu ngak tabiak khat lihik di kinh tế tal 16 tỷ đôla. Tui gilang pariak dunya, Indonesia  biak mbuan di gaok khuah glai di bilan thu, makna bhian hu brei thau lac kayua bruk patoh ia di dom libik taneh gluih saong bruk giải phóng mặt bằng ka ngak nong./.