# Biar harei (27/12), pak bal Vĩnh Yên, Thủ tướng Nguyễn Xuân Phúc, Phó Thủ tướng Trịnh Đình Dũng hu mbaok dalam nyaom biai xúc tiến đầu tư tỉnh Vĩnh Phúc thun 2016 ngan haong kadha: Vĩnh Phúc- pren khang saong cơ hội buh jien tame ngak. Brei panuac pak nyaom biai, Thủ tướng caong khin Vĩnh Phúc yam tagok ba akaok nao dahlau patagok kinh tế ngan haong tốc độ samar abih dalam nhiệm kỳ ini; samar saong khang kajap meng dom pren khang di tỉnh. Tỉnh njauk hu meta mong ba Vĩnh Phúc hu jeng pasak kinh tế động lực Bắc Bộ saong dalam negar, sa bal công nghiệp, dịch vụ, sa bal hấp dẫn urang buh jien tame ngak, tuai damuai saong dom ý tưởng sáng tạo.

# Mintri pato megru meda ba tabiak 14 đề thi ngak iek di dom môn pakacah mbang pakacah trung học phổ thông pakat negar thun 2017 di puac bilan 1 thun tal piah thí sinh saong dom sang bac hu jalan glang iek, pandar tame bruk pato saong ôn tập. Meng bilan 10, mintri pato megru hu pabak, pasiam dom kadha tangi sua trắc nghiệm meng rilo gah karei di gauk. Mitri jeng peih ngak hu 10 mbang biên soạn kadha tangi sua di grauk labik dalam negar, biên soạn hu labaih 60 rabau kadha tangi sua, pabak njauk bruk tabiak kadha tangi sua pakacah chuẩn hóa di lý thuyết khảo thí barau.

# Tal tukvak ini, tỉnh Quảng Trị daok pambuk dalam kho labaih 1.500 tấn kaya ikan saong 450 lít aia mesin oh ka pablei tabiak hu kayua pambak di sự cố môi trường tasik. Jaik abih dom janih pandap ini hu blei tame meng bilan 3 tal bilan 8/2016. Dalam nan, hu labaih 1.300 tấn hu daong 30% yaom darak pasar piah ka dom po cơ sở tiêu thụ; 200 tấn daok veik caik lavik harei urak ini daok khut nao nan ye njauk ba nao am cuh klaak dalam tukvak anak tal. 

# Thun 2016, kapul urang nong tỉnh Nghệ An  padang hu 266 mô hình kinh tế tập thể tui jalan chuyên canh praong saong hu labaih 125 rabau sang urang nong mek hu angan sang ngak mbang pablei salih naih joi dom pakat. Nghệ An jeng mek hu padai brah, kaya nong abih tih labaih 1,2 triệu tấn, lac thun hu năng suất, sản lượng padai, tangei glaong abih meng dahlau mai. Tapol limo kubao abih tih 737 rabau drei, tapol pabui hu labaih 62 rabau drei, tapol menuk ada hu labaih 19 rabau drei; sản lượng kaya ikan dalam ia abih tih labaih 166 nghìn tấn.

# Tal tukvak ini, dom doanh nghiệp pak tỉnh Đồng Nai hu kuhria caga blaoh jaik 1 ribau 300 tỷ đồng pandap panda duh ka tết. Tukvak ini, dom doanh nghiệp meda peih ngak ralo mbang pablei pandap lưu động tal dom xã bhum atah bayah labik hu ralo công nhân. Tỉnh daong brei labaih 300 triệu  đồng jien pajeng ba pandap panda lưu động, pandap Việt Nam chất lượng glaong tal dom labik ini. Taphia di nan, daong jien jhung mesre phun jien ka 7 doanh nghiệp, hợp tác xã hu mbaok tame danak dak grap tanat yaom kaom ngan haong labaih 3 tỷ đồng. Ong Phan Văn Dân, Akaok phòng Kế hoạch –Tài Chính, urang ndom puac di Sở Công thương tỉnh Đồng Nai brei thau: “Urak ini, khaol dahlak xác định bruk pasang iek taong abih dom kapul nyaom, menuac urang pablei salih, pandap pajeng ba buôn lậu, bleik saleik dalam pablei salih, pandap gian, pandap giả saong pandap oh hacih sa-at. Khaol dahlak hu ba tabiak jalan pasang iek oh brei thau dahlau, khaol dahlak hu duah thau, hu pasang iek tapak dom baoh darak – labik mbuan rah tabiak bruk bleik saleik, mbuan hu bruk suan adat hukum”.

# Ủy ban bhapbini ban raya Hồ Chí Minh brau tabiak bruk ngak salam raok thun barau 2017. Danakdak trang trí ánh sáng nghệ thuật hu peih ngak di rilo canah jalan praong di ban raya ye Trường Sơn, Nam Kỳ Khởi Nghĩa… Di melam giao thừa salam raok thun barau 2017, ban raya meda truac hadah nghệ thuật 3D tagok tòa sang uy mban bhapbini ban raya saong tòa sang Times Quare, Quận 1. Di jalan nao takai Nguyễn Huệ, Quận 1 jeng rah tabiak danakadak yaok gilac veik tukvak salih thun klak saong thun barau saong rilo danakdak daoh tamia chreih chrai piah duh ka bhapbini ban raya saong tuai damuai.

# Mban brei ka bruk patagok di urang kamei tỉnh Long An bahrau pok meyaom dom kapul nyaom, manuac urang hu thành tích dalam mô hình “Urang likei điểm 10”. 173 urang likei, lambaok ka labaih 13.000 urang likei điểm 10 dalam tỉnh, gam haong 10 kapul nyaom saong 20 urang hu pok meyaom kayua hu thành tích siam gheih dalam peih ngak mô hình ini. Mô hình hu 4 tiêu chí prong nan lac: Ngak siam nghĩa vụ dalam sang, thủy chung hadiuk pasang, anit ranam amaik ame, anek bik; iek prong, jia tui, sangka daong ba gauk piah nao tagok, klah rabha, ndua naong trách nhiệm saong khik ramik tổ ấm baoh sang; paglaong akaok saneng, trách nhiệm ngan haong rup drei saong xã hội; sangka daong ba urang kamei dalam jabat ngak bruk saong langiu xã hội. 

Khaw tin dunya

 # Tòa án Hiến pháp Hàn Quốc brei thau, meda tame pasang iek bruk luận tội Tổng thống Pắc Cưn Hê (Park Geun-hye) di bair harei 3/1/2017 tal. Bruk ini hu ba tabiak di mbang nyaom dahlau mbang yaka dua, ngan saong bruk pataom mbaok di uy mban luận tội di Quốc hội Hàn Quốc jeng ye gah pháp lý di amuk Pắc Cưn Hê, dalam nan hu dom gah ginum biai bruk peih ngak dom mbang pasang iek jaik tal di Tòa án Tối cao. Mbang nyaom dahlau di puac abih hu peih ngak di  harei 30/12.

# Taong abih jien mek tame meng bruk pablei tabiak negar langiu di Campuchia thun 2016 mek hu jaik 22 tỷ đôla Mỹ, tagok labaih 4% dut haong thun 2015. Jeng dalam thun 2016 bruk kurang lahik dalam bruk pablei salih di Campuchia lac labaih 2 tỷ đôla. Ndom ka phun jien buh tame ngak mbang tapak dalam Campuchia, tui harak brei thau di Hội đồng Patagok Campuchia, 9 bilan thun 2016, Campuchia pachreih hu 70 dự án buh jien tame ngak ngan haong labaih 1 tỷ đôla phun jien FDI, tagok 59% dut haong tukvak ini thun 2015.

# Urang jakar Đức daok peih bruk cuh klak 77 drei menuk ada hadei tuk duah mboh chủng vi rút kum menuk ada độc lực glaong H5N8 di dom trang trại menuk ada di mbang Lâu-ờ Xa-xô-ni (Lower Saxony), gah Brak taneh ia ini. Kuhria tal tukvak ini, dom gah chuc nang di puk palei hu ngak blaoh bruk cuh klak 55 rabau drei menuk ada di 3 trang trại duah mboh vi rút kum H5N8 saong 3 trang trại karei hu nao mai saong dom trang trại ini. Urak ini, bang Lâu-ơ xa-xo-ni hu tabiak lệnh pakauk blei, pablei saong pajeng ba menuk ada di 72 tuk di dom libik tabhia./.