# Dalam mbang nao rivang negar Cộng hòa Pháp, melam 27/3 (tui tukvak negar Phap), Tổng Bí thư Nguyễn Phú Trọng saong kapul urang lambaok pakat glaong Việt Nam hu mbaok dalam van peih pakak labik bahrau di Pasak ilamo Việt Nam pak Pháp, taom gaok urang jakar, urang ngak di Đại sứ quán saong bhap bini urang Việt Nam pak Pháp. Tổng Bí thư Nguyễn Phú Trọng hu klah rabha kadha bui sambai haong mikva meng ini hu jabat bahrau di Pasak ilamo Việt Nam pak Pháp; caong khin pasak ba tame ngak meda rik daong tame bruk meyaih khan thaik binguk di taneh aia saong anek manuac Việt Nam, patagok talei pambuak bruk nao mai Việt-Pháp, hu jeng labik taom gaok di mikva bhap bani piah patagok bruk gul pataom, pambuak gauk saong pamaong tal taneh aia palei negar.

  # Di Hà Nội, mintri  Y tế pambuak bruk song gah Y tế dunya  peih ginum biai ka bruk jak ba takik mbang sara piah pacang Caga  tagok dara, tai biến mạch máu não song som janih ruak oh njom mbak karei. Dalam tuk gah Y tế dunya hu panuac kakei mbang ala 5 gam sara yaok harei, ye tui kuhria yaok urang prong di negar drei mbang  9,4 gam sara yaok harei, glong jang 2 mbang tanut kakei. Jalan ngak bo mintri Y tế ba tabiak tal thun 2030 lac trun hu  30% yaom sara pandar dalam harei di yaok urang. 

# Yaok ribau héc ta kanjik di Đak Lak jeng daok klaak langiu hamu, yaom lac daok tame bilan thu hoạch labaih 2 bilan. Yaom kanjik tok samu 20% di thun dahlau dalam tuk nan yaom pah manuac thu hoạch tagok biak glaong ngak ka rilo urang nong duh hatai... Huyện Ea Kar, tỉnh Đak Lak, labik hu labaih 1.400 ha phun kajik.

# Sở ngak nong song patagok palei pala tỉnh Tiền Giang brei thau, vụ padai Đông Xuân 2017-2018, urang nong dalam tỉnh pala drak jiak 70.000 ha. Tal urak ni, hu labaih 70% taneh padai hu yuak bloh, song năng suất tui kuhria lac 7,2 tấn/ha, tagok labaih  650 kg/hecta dut song vụ đông xuân thun bloh song mek hu glong di abih dalam 3 thun tapa. Oh lac pala njauk n bo yaom padai akaok vụ tagok jang 300 tal 500 đồng/kg dut song tuk vak ni thun dahlau.

      # UB bhap bani bal Cần Thơ hu peih ngak đề án “Pambak prong mô hình klup kapul pambuak pagam rairah daong ba gauk vaktu 2017 - 2020”. Đề án daong peih ngak bruk ba tabiak dalam Danak dak bruk ngak negar ka urang prong thun, labik peih ngak mboh ralo lac ấp saong khu vực di 9 quận, huyện dalam bal. Yaok Klup kapul pambuak pagam daong ba gauk hu 50 – 70 urang hội viên, dalam nan 70% hội viên lac urang prong thun (labaih 55 thun), 60% - 70% urang kathaot, jaik kathaot, rai diuk kan kandah. Meng ini tal thun 2020, Cần Thơ meda peih prong mô hình klup kapul pambuak pagam rai rah daong ba gauk di 600 ấp saong khu vực, takik abih yaok ấp atau khu vực njauk hu klup kapul peih ngak siam mekre.

Khaw tin dunya: 

  # Phó Thủ tướng Thái Lan iek gah kinh tế, ong Xổm-kít (Somkid Jatusripitak) ndom lac, Thái Lan njauk sahneng kuhria hu mbaok tame Hiệp định Đối tác Toàn diện song Tiến bộ xuyên Thái Bình Dương (CPTPP), piah jhul pakhang dom bruk pablei salih tiềm năng. Meyah  Thái Lan oh tame  Hiệp định ini, jalan ngak ni hu ka dom negar  karei meriak gauk tapak dalam khu vực, abih di nyu nan lac Việt Nam. Rajaei Thái Lan dok tacei jalan ka mintri pablei salih  peih ngak dom pathau khan roh duah dom mbuan lagaih song kan kandah tuk  Thái Lan hu mbaok di  hiệp định ni.

# Dom negar Châu Phi daok đầu tư biak biar saong oh hu siam lagaih ka bruk  y tế saong pren yava. Nan lac panuac di Gilang pariak dunya (WB) ba tabiak harei (26/3). Tui ong Kha-ma Rô-gô (Khama Rogo), akaok kapul chuyên gia ka Sáng kiến Châu Phi dalam Gilang pariak dunya, dom negar di bhum hạ sa mạc Xa-ha-ra (Sahara) tok buh tabiak jaik 5% GDP ka bruk iek glang pren yava. Tanut jien ini oh ginup piah pabak dom điều kiện ka pren yava di bhap bani. Taphia di nan, dom nguồn chi ini gilac oh hu pasang iek catang saong njauk khat lahik.

# Hãng điện tử Panasonic bahrau tabiak mbaok ban sit thông minh sit piah cakak trun khí thải C02 tapa bruk pandar năng lượng pasiam veik  pabak điện ka dom boh sang song doanh nghiệp.  Ban sit ni hu padang ngak di taneh prong  3,8 hécta di Yokohama. Bam khik ramik dự án brei thau, hu tagok bruk sản xất điện ka ban sit tapa pandar dom blah pin ia harei. Urang hu padang ngak sa balai pabak nhiên liệu hydrô song dịch vụ pandar  radeih ô tô haong gauk, dalam nan hu dom radeih nduac meng hydro oh phát thải C02.