# Meng blaoh, Ban Bí thư Trung ương Đảng patabiak Chỉ thị ka 11-CT/TW ka bruk peih ngak Tết thun 2017. Chỉ thị pandar “peih ngak ngak nghiêm jalan pakuac alin brei pandap Tết ka pakat angaok tui dom hình thức". Thủ tướng Raja-ei Nguyễn Xuân Phúc hu pandar dom jabat karja brei thau cambaih, peih ngak catang tacei pato oh chúc Tết, alin brei pandap ka lãnh đạo; dom puk palei oh nao Hà Nội tadhau ayuh Tết ka raja-ei, dom bộ, ngành. Ini lac jalan ngak njauk haong hatai bhap bani saong daok hu menuac sia sang ka, pok meyaom. 

#Thủ tướng rajaei pandar urang dang akaok dom mintri, ngành pambuak bruk saong dom puk palei pataom tame tacei pato ramik pasiam dom khut khat kayua hajan xua, daong bhapbini tỉnh Bình Định tani tanat raidiuk. Thủ tướng rajaei njauk hatai daong veik 2.000 tấn brah meng kadung caik piah di negar ka tỉnh ini piah daong ka bhapbini gaok ia xua; brei dahlau 80 tỷ đồng meng kadung jien piah caga di Trung ương ka Bình Định piah samal peih sarak daong dân sinh, drak samal ramik pasiam khut khat di hajan xua tui quy định. 

# Hà Tĩnh hu 6 huyện, thị ngan haong 45 xã, thị trấn tapen tasik peih ngak  Đề án 52 "Kiểm soát dân số bhum tasik saong tapen tasik”. Hadei di 8 thun peih ngak, đề án hu ngak salih bahrau hatai saneng ka bruk iek glang pren yava caih menek, rai diuk bhap bani tapen tasik dak harei dak siam jang, bruk ngak dân số hu ralo chuyển biến. Piah paglaong chất lượng dân số bhum tasik, tukvak tapa, gah dân số Hà Tĩnh meda patui veik jhul pakhang bruk ngak đề án di 45 xã tapen tasik, bãi ngang saong caik hatai tal xã hu dân số labaih 5.000 urang di 5 huyện tapen dalam bruk pathau khan, panduan salih hành vi.

#Harei 28/12, Thành Đoàn ban raya Hồ Chí Minh gam saong dom libik peih bruk taong iek veik saong alin giải mbang pakacah trực tuyến "An toàn giao thông – Haniem phuan di yaok sang". mBan peih bruk hu alin 10 giải xuất sắc ka dom urang mek hu giải; lingiu di nan, alin giải ka dom thí sinh mek hu  điểm glaong di 6 mbang di bruk pakacah. Bruk  pakacah hu daong ka dom urang ranaih mbuan thau, duah thau asal kadha di hukum jalan nao mai, dom quy dinh di hukum jalan nao mai saong jalan radaih pui, tapa nan rik daong paglaong akaok sahaneng ka nao mai di jalan di bhapbini jeng ye dom urang ranaih.

# Công ty cổ phần pajeng ba jalan pasei Sài Gòn brei thau, bruk blei vé di bhap bani daok trun saong urak ini gah jalan pasei daok jaik 12 ribau labik nao dalam tukvak tabung glaong dahlau di Tết Đinh Dậu 2017 saong hadei Tết daok jaik 50 ribau labik. Urak ini gah đơn vị ini daok pambuak haong Công ty cổ phần Pajeng ba jalan pasei Hà Nội pasang iek veik bruk nduac tàu piah patak pataom chi phí, ngak hu kein laba jang dom đoàn tàu urak ini.

#Dalam tỉnh Vĩnh Long urak ini hu 487 tổ, chốt sơ cấp cứu bhapbini ruak đột xuất, urang gaok bala di jalan nao mai, dom puk palei daok hu jak ba dak adang tổ radaih cứu thương ngak pahla. Di thun 2016, dom urang halan hatian hu sơ cứu jaik 600 bhapbini gaok ruak atau gaok bala di jalan nao mai, daong ba labaih 130 urang nao tal libik y tế iek ruak samal. Abih tih jien ka dom bruk ngak jaik 150 triệu đồng.

# Jaik di ini, kayua kruac mebung kalik hijao hu yaom glaong nan ye ralo bhum palei dalam tỉnh Tiền Giang daok rah tabiak ralo mbang co – klaik mek baoh . Dalam melam jua, khaol co klaik nyu nao tame dom bein kruac mebung si paih baoh piah klaik, hadei di nan ba nao pablei. Công an xã  Đạo Thạnh -  bal Mỹ Tho brei thau, dalam xã hu ralo mblang taneh pala kruac mebung, tapa pasang iek melam lực lượng hu duah mboh, xử lý dom mbang klaik kruac mebung min tok taong phạt hành chính.  

Khaw tin dunya

# Harei 28/12, ban Niu Yoóc barau ba tabiak ngak iek quả cầu pha lê raok thun barau di mblang bein Thời đại di Niu Yoóc. Bruk plaik cầu pha lê rah tabiak dalam tukvak yaok gilac raok thun barau 2017. Angan kadha di baok cầu thun ini lac “baok pandap di hatai anit”. Baok cầu pha lê đặc biệt ini hu mesam meng 2.688 miếng pha lê hình tam giác, hu thiết kế piah ciuk hu angin praong, hajan saong lingik la ar. Baok cầu hu đường kính labaih 3,6 mét, trak jaik 5.386 ki-lô-gan saong mea truac hadah meng hu yaok rabau baok menyek LED. Di melam 31/12, Tổng thư ký Liên hợp quốc Ban Ki Mun njauk ta um nút palao baok cầu dalam 60 giây puac abih di thun 2016.

# Akaok Mentri Y tế Nga Xcốt-vô-xa (Veronika Skvortsova) bahrau brei thau, negar ini daok ngak iek janih jru bahrau pacang cakak ung thư. Dom urang khoa học negar ini daok peih ngak vaktu ka dua thử nghiệm kiểm tra janih jru pacang cakak ung thư akaok meti hu ngak tabiak dalam negar. Kết quả Akaok mereip brei mboh, jru ba mai siam ka bruk tah klaak khối u ác tính di căn. Pak Nga, janih ruak nan y ini pambak tal jaik 3 triệu urang.

# Harei kabroi, Trung Quốc ba tabiak tapuk mbong Không gian 2016 vak veik dom jak jeng gah công nghiệp không gian di taneh ia ini meng thun 2011 saong ba tabiak bruk ngak anak tal. Tapuk mbong hu angan “bruk ngak Không gian di Trung Quốc thun 2016”. Ini lac tapuk mbong mbang yaka 4 ka dom bruk không gian di Trung Quốc, hadei di dom tapuk mbong dahlau hu patabiak di thun 2000, 2006 saong 2011./.