# Taduan panuac da-a di Karja Japon, ong Trần Đại Quang – akaok negar saong diuk di ong haong kapul pakat glaong Việt Nam tabiak truh ban ine Hà Nội tagok jalan nao ravang pakat karja tal Japon meng harei 29/05 tal harei 02/06/2018. Mbang ravang di ong Trần Đại Quang rah tabika dalam tuk dua taneh ia daok kham merat peih bruk pahadar 45 thun padang talei pambuak bruk ngoại giao (1973-2018). 

# Patui danak dak mbang nyaom ka 5, Quốc hội mbang 14, mesup harei (29/5), dom urang QH ngak bruk di hội trường piah pang harak pathau khan taong yaom dự án hukun pasiam veik, pabak dom paka di hukun pato megru, ginum biai ka dự án hukun An ninh mạng. Beir harei, dom urang QH ginum biai di tổ ka Dự án hukun Cảnh sát tasik Việt Nam song Dự án Hukun Đặc xá. Dahlau di nan, harei kabroi (28/5), Quốc hội hu ginum biai di  hội trường ka bruk peih ngak sarak, hukun ka bruk khik ramik, pandar phun jien drap ar karja di doanh nghiệp song cổ phần hóa doanh nghiệp karja tuk vak 2011-2016 song ginum biai ka asar kadha ni.

# Biar harei 28/5, ông Xay-Xổm-Phon Phôm-Vi-Hản, Ủy viên Bộ Chính trị Đảng Nhân dân Cách mạng Lào, Chủ tịch Ủy ban Trung ương Mặt trận Lào dak padang taneh ia, hu taduan kapul Ủy ban Trung ương Mặt trận Tổ quốc Việt Nam kayua ong Hầu A Lềnh, Phó Chủ tịch gam ngak Tổng thư ký Ủy ban ba akaok tapa ravang saong ngak bruk di Lào meng harei 28 tal harei 31/05. Mặt trận 2 negar hu pambuak bruk khang kajap haong dom gah chức năng kham merat pathau khan, jak ba bhap bini, abih di nyu nan lac bhap bini dom huyện, xã, bản biên giới peih ngak ralo bruk, rik daong patagok KT xã hội, patruh eik patrun kathaot, khik kajap an ninh chính trị, trật tự an toàn xã hội, patagok bruk jum pataom di bhap bini tapen dua gah jalan negar.

# Brei panuac di mbang ginum biai dom jalan pacang ia dauk rah tabiak beir harei 28/5, Phó Chủ tịch Ubbhpa bini ban raya HCM Trần Vĩnh Tuyến hu panuac ieu dom jabat chức năng brei pathau khan ginup, tantu ka bhap bini thau bruk pacang ia dauk. daok dom jalan pacang ia dauk bahrau, ong Tuyến mboh lac dom sở, dom gah njauk daong palagaih ka bruk ngak iek padang dom danoa parabha ia, khik ia hajan di Quận 12, hadei di tuk hu dom jak jeng tuk camereip di quận Thủ Đức. Sở Tài chính song Sở Kế hoạch Đầu tư njauk parabha phun jien ka dom bruk kuac raok krong ribong, kham merat patagok bruk kuac raok meng 20% dalam tuk vak anak tal.

# Tui Bảo hiểm xã hội tỉnh Đồng Nai, urak ini dom doanh nghiệp di tỉnh ini daok tavak jien bảo hiểm di urang ngak tagok tal 640 tỷ đồng. Dahlau di nan, Đồng Nai hu ralo jalan ngak piah langyah bruk  daok tavak sraiy bảo hiểm xã hội yau brei thau angaok jalan thông tin đại chúng atau khởi tiện doanh nghiệp oh khin đóng bảo hiểm xã hội, min bruk tavak sraiy, oh khin đóng bảo hiểm xã hội di Đồng Nai jeng daok hu ralo, ngak kan kandah tal quyền lợi di urang ngak.

Khaw tin dunya:

# Durian meng Thái Lan pablei tapa Trung Quốc dalam bilan 4/2018 mek hu labaih 110 triệu USD, tagok 774% dut song thun dahlau, hu 56 ribau tấn. Taeng darak pasa Trung Quốc meblah tal 50% yaom xuất khẩu durieng di Thái Lan. Min, Văn phòng Chính sách song Chiến lược jeng hu panuac cảnh báo lac, bruk pablei durieng tapa darak pasa Trung Quốc tagok khang yau yau nan meda ngak ka urang pala rilo durieng jang. Bruk ni brei hu  jalan tacei pato, pasang iek di Mintri ngak nong piah patagok khang kajap, klah bruk pala ralo ngak jhak  tal urang nong hadei di ni .

# Hàn Quốc brei thau, bruk peih nyaom biai pakat glaong 3 gah di Hàn Quốc, Mỹ saong Triều Tiên daok tui bruk di nyaom biai pakat glaong Mỹ saong Triều Tiên. Urak ini hu ralo jalan piah nyaom biai pakat glaong Mỹ- Triều Tiên rah tabiak di harei 12 bilan 6 tal, yaom lac Tổng thống Mỹ Đô-nan Trăm (Donald Trump) adit dahlau hu panuac lac klaak bruk taom gaok ini. Dom mbang taom gaok ginum biai pakat chuyên gia di Mỹ saong Triều Tiên  piah caga ka nyaom biai pakat glaong jeng daok hu peih tabiak.

  # Dom mbang chaoh blong giao hữu dunya dahlau di World Cup 2018 hu peih tabiak melam kabroi song saboh mesup harei 29/5, dalam nan njauk caik hatai tal jayah di Pháp. Di mblang chaoh blong Stade de France, kapul caoh blong Pháp hu mbang caoh áp đảo anak Cộng hòa Ailen – Kapul bhian  alah Đan Mạch di vòng play-off World Cup 2018. Oliver Giroud  dit tame di tuk  40 minite, Nabil Fekir dit tame di tuk t 44 minite song 2-0 jeng lac tỷ số chung cuộc. Dalam tuk nan, đương kim vô địch châu Âu Bồ Đào Nha gaok rilo kan kandah dalam mbang giao hữu song đội tuyển Tuy-ni-di, mbang dahlau 2 baoh min puac di abih njauk cầm hòa 2 boh./.