# Harei kabroi 29/3, di jabat Quốc hội Cuba, Tổng Bí thư Nguyễn Phú Trọng hu ginum haong akaok Quốc hội Ết-xtê-ban La-xô Ê-rơ-nan-đết (Esteban Lazo Hernándes). Tổng Bí thư Nguyễn Phú Trọng saong akaok Quốc hội Esteban Lazo Hernándes brei mboh hatai bui sambai ka talei rohim pambuak bruk siam mekre di dua Quốc hội saong dom rik daong di Quốc hội dua negar ngan haong bruk pakajap saong patagok talei rohim, pambuak bruk nao mai di dua Đảng, dua Karja saong bhap bani dua negar. Jeng tapa nan, Tổng Bí thư Nguyễn Phú Trọng saong kapul urang lambaok pakat glaongViệt Nam hu mai rivang sang bac Tiểu học Võ Thị Thắng. Ini lac sang bac hu padang ngak di harei 8-9-1968, daok di Quận Play-gia, bal ine La Habana. Urak ini hu labaih 400 anek saih tiểu học daok tui bac pak sang bac ini. 

# Di Hà Nội, Thủ tướng Nguyễn Xuân Phúc pal akaok nyaom biai pakat negar ka bruk pacang caga bala meng langik tasik. Hu thau, yaok thun bala meg langik tasik di negar drei ngak ka 400 urang metai song lihik, khat lihik meng 1 tal 1,5%GDP song kan kandah trak tal raidiuk jang yau bruk kinh tế xã hội, bruk patagok khang kajap di taneh ia. Ni lac nyaom biai hu peih ngak prong, piah tong yaom bruk pacang caga bala meng langik tasik dom thun tapa song ba tabiak dom jalan ngak pacang cakak dalam tuk vak anak tal .

# Tui UB bhap bani tỉnh Đắk Lắk, urak ini, urang nong bangsa takik dalam tỉnh Đắk Lắk daok peih prong bruk ba jamriak tame bruk ngak nong pala drak. Tui nan, bruk ba mac moc tame ngak taneh mek hu labaih 90%, pajeng ba labaih 93%, yuak kuak .. labaih 80%, pruh aia meng jamriak labaih 75%. Đắk Lắk nan lac labik hu ralo taneh pala cà phê saong ini lac phun pala hu pandap pablei tabiak negar langiu praong di tỉnh, ngan haong labaih 203.000 ha. Urang nong hu pandar 100% dom jamriak khai hoang ngak taneh, takac lubang piah pala bahrau phun cà phê.

 # Di nyaom biai giao ban Báo chí bilan 3 kayua Ban Tuyên giáo Tỉnh ủy song Sở Thông tin – Truyền thông tỉnh Bình Thuận peih tabiak di beir harei 29/3, lambaok Bộ đội Biên phòng song Sở ngak nong song patagok palei pala tỉnh Bình Thuận brei thau di labik ni jeng dok hu bruk urang tong chap kaya ikan suan hukum di bhum tasik negar langiu. Dom sở ngành, palei pala tapen tasik dok pataom tame bruk pacang cakak, njauk padeih bruk ni dahlau di harei 30/4/2018. 

# Pahadar harei aia dunya 2018, saong piah pabak aia hacih ka uranaih saong baoh sang di dom puk palei kan kandah kayua kurang aia hacih, page harei 29/3, pa bal Long xuyên, tỉnh An Giang, Hội Chữ Thập Đỏ Việt Nam pambuak haong Công ty Procter & Gamble Việt Nam peih ngak danak dak Aia hacih ka uranaih. Danak dak ini piah paglaong hatai saneng ka yaom glaong di aia hacih ngan haong pren yava di bhap bani saong patrun bruk ruak hakik, metai lahik oh njauk hu kayua bruk pandar aia nerak ba mai. 

Khaw tin dunya:

#Akaok mintri jien ndua Thái Lan ông A-pi-sắc (Apisak Tantivorawong) brei thau, jien bahrau tabiak hu thaot binguk Patao Rama 10 hu ba tame pandar meng harei 6/4. Ni lac jien Bath bahrau di Thái Lan song jeng lac jien Bath ka 17 di negar ni. Ong A-pi-sắc brei thau, dom jien Bath bahrau praong samu song trak yau jien Bath klauk piah khik bruk giao dịch tự động rah tabiak yaok harei.

# Tổng thống Pháp Em-ma-nuy-en Ma-crông (Emmanuel Macron) harei kabroi (29/3) sanya lac tal thun 2022 meda buh tabiak 1,5 tỷ ơ-rô (samu 1,85 tỷ đôla Mỹ) ka gah trí thông minh nhân tạo. Ini lac sa binah dalam jalan ngak praong di raja-ei Pháp piah tui samu haong  dom tập đoàn công nghệ prong urak di Mỹ saong Trung Quốc.

# Văn phòng Cao ủy Nhân quyền Liên Hợp Quốc harei kabroi 29/3 hu panuac ieu dom urang jakar Vê-nê-xu-ê-la samar peih bruk duah thau  mbang pui khuah trak bahrau rah tabiak di sa sang guk di gah brak negar ni. Dalam sa panuac khan, Văn phòng Cao ủy Nhân quyền Liên Hợp Quốc biak duh hatai ka điều kiện di dom sang guk. Panuac ieu dom urang jakar Vê-nê-xu-ê-la samar peih bruk pasang iek khang song hu siam lagaih piah samar thau makna ba tal bruk nan, peih bruk bayar jien ka dom boh sang hu urang metai, ba dom urang kanyah jhak tabiak công lý./.